اللي سوت بالون المعدة واللي عندها فكرة عنها تدخل ما عليكم امر

[عيارة]

مساء الخير بنات ​

مفكرة اسوي بالون المعدة محتاجة انزل 30 الى 35 كيلو واخاف من عمليات التخدير اللي بعرفه من تجاربكم اللي سوتها او

تعرف احد سواها استفاد منها ؟!!

انا اعرف دكتورة اهي رفيجتي قالتلي سوييييها هذي اضمن عملية وتضعفين خلال 6 شهور بعدين

تشيلين البالون بس لمن فرفرت بالمنتدى لقيت مو الكل او الاغلبية ما استفاد منها

والله احترت ابي اعرف عنها اكثر بس اكيد لازم رياضة معاها عالاقل لو مشي هذي اللي اعرفه

وبنااات لا تردوني محتاجه تجاربكم حييل حقي وحق امي بعد عمري فيها خشونه بريولها وقالولها

لازم تضعفين حوالي 30 كييلوو واهي خوااااااافة مو مال عمليات وتخدير شكلنا بنسويها مع بعض

والحلو فيها بنفس اليوم تطلعين ...​

ناطرتكم بناااااااات لا تردوني صج محتاجينها ولكم دعوة من قلبي الله يوفق اي وحدة تدخل وتكتب حتى لو بس ترفع

الموضوع :bye22:​

 

[عيارة]

اشدعوة بنات ولا وحدة دشت ؟؟!!!

 

[بنت الدسمه بسمه]

عياره انا قبلج كنت بسويها ومحد نصحني حتتى الدكتور

معنى انا ابي انزل بس 15-20 كيلوووو

يس الحين انشاء الله بسوي حلقه المعده يوم الثلاثاء

توكلي على الله وسوي السليف او حلقه معده

 

[رمشْ الحَيآ]

رد : اللي سوت بالون المعدة واللي عندها فكرة عنها تدخل ما عليكم امر

الله يسهل عليج ,,

 

[عيارة]

بنت الدسمة بسمة ... مشكووووورة قلبي عالنصيحة والله يسهل عمليتج وتتوفقين

آنسة لين ... مشكوورة حياتي عالمرور ويسهلج امورج اجمعين

 

[إنسانة أكثر]

السلام عليكم ورحمة الله وبركاته

.

.

.


مساء الورد

عزيزتي ...

توكلي على الله وسوي العملية

عملية آمنة 100%

والألم مقدور عليه بأول ثلاث أيام لأن جسم غريب بالمعدة

بسويها هالأيام إن شاءالله

وبكتب تجربتي لأني بصراحة مابي أقطع بمعدتي وأقصقصها وأربطها ولابي تخدير كامل

يالغالية البالون 10 دقايق وتروحين لبيتكم

ويرشون مخدر بالفم ماتحسين بشي

بعطيج روابط نفعتني وبإذن الله بتنفعج

وبيني وبينج بسويها حكومي ليه أقط فلوس والله يعز الحكومة موفرة لنا كل شي ولله الحمد

هذا الرابط الأول

http://forum.uaewomen.net/showthread.php?t=272760

وهذا الرابط الثاني

http://forum.mn66.com/t170825.html

والله يقدم لج ولأمج اللي فيه الخير وفالكم الرشاقة بإذن الله :eh_s(8):

تحياتي

:aha:​

 

[اميره بكلمتي]

انا سمعت انها فاااشله ومحد يمدحها كللللش

سوووي الحلقه او السليف

 

[عيارة]

انسانة اكثر .. مشكوووورة حياتي على هالمعلومات بعد عمرري ما قصرتي واذا بتسوينها الله يوفقج وكتبيلنا تجربتج وانا بستخير اذا عزمت

عليها وانتي بعد استخيري ترا الاستخارة واايد زينة

اميرة بكلمتي .. انا جذي سمعت ما نجحت عالكل وفكرت استخير لاني صراحة اخاف عملية ويقطعون فيني حديي خوافة ومشكووورة قلبي

عالنصيحة الله يوفقج

 

[إنسانة أكثر]

يسعد صباحكم

العفو حبيبتي

أحب أفيدج أكثر

هني شرح لـــ بالون المعدة

7
7
7

http://www.dralmomen.com/page.aspx?PageID=22

.

.

.


وبهالرابط دراسة ألمانية أثبتت إن البالون الأفضل من بين جميع أنواع عمليات السمنة والأكثر أمانًا

7
7
7


http://aawsat.com/details.asp?section=16&article=241052&issueno=9340

.

.

.


وبهالرابط تجارب لبنات ذاكرين تجربتهم بيفيدونج بعد :eh_s(8):

7
7
7

http://forum.hawaaworld.com/showthread.php?t=1898420

.

.

.


أستأذنج عزيزتي بنام اللحين وبروح أخذ التحويل من المستوصف

وأسوي لي موعد بالمستشفى بخليه ع الأحد بإذن الله :ch12:

بكتب لج تجربتي لأن أبي الكل يستفيد لأني بصراحة راحت فلوسي ع الحبوب اللي تلعب بالهرمونات

والدكاترة النصابين اللي والله مايحطونها بحلوقهم لأن عارفين تأثير هالحبوب ع المدى البعيد

والأعشاب ترى لها أضرار

واحنا ناس نبي ننضبط بالرجيم مو عارفات فنحترم أنفسنا ونركب هالبالونة تساعدنا ع الرجيم ونمشي ساعة بالممشى

أو نلعب رياضة بالنادي جذي أحسن

إدعي لي حبيبتي تتيسر أموري وأسويها والله يابنات ماابخل عليكم بذكر تجربتي إن شاءالله

باي :ch12:​

 

[laura mercier]

كم تكلفتها؟؟؟؟؟؟؟

 

[عيارة]

يسعد صباحكم

العفو حبيبتي

أحب أفيدج أكثر

هني شرح لـــ بالون المعدة

7
7
7

http://www.dralmomen.com/page.aspx?pageid=22

.

.

.


وبهالرابط دراسة ألمانية أثبتت إن البالون الأفضل من بين جميع أنواع عمليات السمنة والأكثر أمانًا

7
7
7


http://aawsat.com/details.asp?section=16&article=241052&issueno=9340

.

.

.


وبهالرابط تجارب لبنات ذاكرين تجربتهم بيفيدونج بعد :eh_s(8):

7
7
7

http://forum.hawaaworld.com/showthread.php?t=1898420

.

.

.


أستأذنج عزيزتي بنام اللحين وبروح أخذ التحويل من المستوصف

وأسوي لي موعد بالمستشفى بخليه ع الأحد بإذن الله :ch12:

بكتب لج تجربتي لأن أبي الكل يستفيد لأني بصراحة راحت فلوسي ع الحبوب اللي تلعب بالهرمونات

والدكاترة النصابين اللي والله مايحطونها بحلوقهم لأن عارفين تأثير هالحبوب ع المدى البعيد

والأعشاب ترى لها أضرار

واحنا ناس نبي ننضبط بالرجيم مو عارفات فنحترم أنفسنا ونركب هالبالونة تساعدنا ع الرجيم ونمشي ساعة بالممشى

أو نلعب رياضة بالنادي جذي أحسن

إدعي لي حبيبتي تتيسر أموري وأسويها والله يابنات ماابخل عليكم بذكر تجربتي إن شاءالله

باي :ch12:​

يا حياااااتي والله فديتج على هالروابط احسج تتكلمين بضمير مشكوورة واايد

وصح كلامج ما ورا الحبوب الا المضرة غير هذا تسوي نفسيتج اكس كله مصدعه ..

الله يسرلج امورج وسهالات ان شاء الله عمليتج والله يكتبلج اللي فيه الخير ويوفقج وين ما رحتي يا انسانة اكثر يا بنت امج

وابوج ..

ويلا بس تسوين عمليتج ننطر تجربتج يا عسل الله يسهلج

 

[عيارة]

كم تكلفتها؟؟؟؟؟؟؟

حبيبتي بمستشفى حكومي 750 لي 850 دينار بس ما سألت عنها بالخاص بس اكيد اكثر

حياج يالغالية ..

 

[إنسانة أكثر]

السلام عليكُمْ

.

.

.



بعد عمري عيارة تسلمين على هالدعوات ولج مثلها وأحسن يارب :tek:

رحت اليوم المستشفى :0bee2e8d89:

صدمني الدكتور

قال بطلوا يعملوا البالون بالعالم كلو لأنووووو فاشل :eh_s(1):

قلت يادكتور يختلف من مريض لمريض مش معقول هنخاطر بأرواحنا وبرضو هناكل :eh_s(14):

قال مانعملش البالون لكن باقي العمليات كلها بنعملها :eh_s(14):

ليته لحد هني ووقف لا المشكلة إنه صدمني أكثر لما قال طبعاً إنتي عارفة إنك تدفعي ثمن الأدوات :eh_s(1):

قلت كم :eh_s(1):

قال ألف ومية وسأل النيرس وقالت ألف وميتين

قلت سلامتكم ليه يبا جذي الوحدة تروح خاص وتخلص نفسها حكومي وجذي ندفع :eh_s(14):

قال تعالي أفحصك قلت لاتفحصني ولا أفحصك أنت لو من أول قايلي هالمبلغ ماكلفت نفسي وجيت هني :eh_s(14):

قال ألف وميتين قال ألف وميتين أسدد فيها مديونياتي أبرك

آه يالغالية ماضيعنا إلا قيصر وفرايديز وشاه دربار وفريج صويلح ومكدونالدز وربعه :eh_s(14):

بس للأمانة قط كلمة حلوة وهي نصيحة نوعاً ما

قال إنتي بتشتكي من حاجة قلت لأ بس ودي أضعف تعبت جربت كل شي مانفع

قال بصي إنتوا يالكويتيات عارفين سوالفكم لما بتتجمعوا وياحلو جسم فلانه واي عملية عملت

واما تسألوا البنات اللي عاملين عمليات سمنة بيقولولكم الحاجات الحلوة لكن بيخشووا الحاجات اللي مش كويسة

قلت مثل شنو قال أمور كثيرة ماتفتكريش العمليات دي سهلة ومالهاش مضاعفات

أساساً الترهل والصلع حاجة ضرورية فيها

قلت شكراً دكتور ومشيت

وأنا ماشية بطريقي قلت قدامي حلين يارجيم سنتر يا دكتور تخسيس يمدحونه عندنا الله أعلم إني بروح له

والله لو كانوا يسووون البالون كنت سويته وافتكيت أما التدبيس والربط والتحوير والتكميم بصراحة أخاف منهم

ولا أحب البنج الكامل

والله مدري وأنا أختج شكلي بروح الدكتور وأبمارس الرياضة وأبخيط حلجي :eh_s(14):

مشكلتي مشكلة لاتعبت نفسيتي حطيت حرتي بالأكل oster_av1:

أبعطي نفسي فرصة لشهر 2 بإذن الله إذا ماشفت فيه تقدم والله أبسوي البالون خاص بعد شسوي الله يعين

حبيت أفيدج باللي صار لي اليوم

تحياتي لج :tek:​

 

[عيارة]

وااااااااي طلع فاشل لي هالدرجة عاد تصدقين الكل يقول اذا بتسوين عملية سوي سليف بس هم لها مخاطر وانا اختج شلنا

بهالاذية عملية وبنج والحالة حالة والافين خشيهم حق وقت الحاجة احسن لج ..عاد تصدقين قلت حق امي دخلي نادي سباحة

علشان الخشونة اللي فيج وان شاء الله تخف

وانا يختج هووونت عن العملية حديي خخخخخخ ولا بعد كلامج بشيلها من قاموسي موليه شوفي حبيبتي بسوي ريجيم من

كيفي يعني باكل عالغدا ايدام بدون رز ونشويات والعشا يكون سلطة او روب او خضار مسلوقة بس خفايف وبمشي باليوم

ساعة وبشرب شاي اخضر بالزنجبيل والعصاري اشرب عصير اناناس وكيوي وبس يختج وشوي شوي ننزل حسبتها مثل

عملية البالون بالشهر حوالي 8 كيلو ولا هالعبالة شرايج فيني وانا مألفتلي نظام على كيفي هههههههههه

بس جملتج ((آه يالغالية ماضيعنا إلا قيصر وفرايديز وشاه دربار وفريج صويلح ومكدونالدز وربعه )) يبتيييييييها بالصمييييييم

والله هذيل مطاعمي وزيدي عليهم الخليج الصيني وشيليز لوووووووووووووووووووووووووووول ما ضيعني الا هذيل

وحبيبتي نصيييييحة لا تروحين سوالف سنتر ودايت كير وربعه عمي وبنت عمتي وجم وحده اعرفهم راحولهم وبالشهر ينزلون

بالكثيير كيلوين @@ ولا بنت عمتي نص غرام وااااالله الشاهد علي اذا تبين روحي دكتور ويعطيج نظام وتمشين معاه

ويتابعج ولعبي رياضة عالاقل لو تمشن ساعة باليوم وااايد زييين واخذي فيتامين مع الريجيم حق الشعر والاظافر وان شاء

شهر 2 تعطيني الاخبار الحلوة يا عسسسسسسسل والله فديتج الله يوفقج ​

 

[الرتاج الأول]

بنات ابي اسوي بالون اشرايكم

 

[دلع طفوله]

محد يشجع عليها بس مدري

 

[مذهلة 78]

حبيبتي الوزن اللي تبين تنزلينه مو شويه انتي قاعده تتكلمين عن 35 كيلوا

انا نزلت هالوزن من خلال عمليه التكميم البالون عمره ماراح ينزلج 35 كيلوا

بالكثير 10 كيلوات وهالشي انا متأكده منه عندي 2 من رفيحاتي وسوو البالون

وحده نزلت 7 والثانيه 5 وآخر شي سوو تحويل مسار البالون تسوينه اذا كنتي

بتنزلين بالكثير 10 كيلوا والبالون والتكميم نفس التكلفه ونفس الالم والمعاناه

فالافضل تسوين تكميم عشان توصلين للوزن المطلوب