اللي سوت اي عمليه حياها الله............

[أغلى حبيبه]

بسم الله الرحمن الرحيم


شلونكم بنات

اللي جربت اي عمليه ونجحت تقولنا شنو العمليه اوين سوتها وجم كلفتها

عشان ناخذ فكره


وانا اول وحده ببدا

سويت الليزك حق عيوني صارلي سنه تقريبا
والحمدالله قمت اشوف من غير عدسات لاني مااحب البس النظاره




سويتها بمركز البدع عند الدكتور محسن ابل
وكلفتني 550
وقت العمليه ربع ساعه لا وهذا بعد مطول معاي لاني خوافه
ويعطيج شريط فيديو مصور العمليه

وسلامتكم

يالله خلونا نستفيد من بعض

 

[lala2]

رد : اللي سوت اي عمليه حياها الله............

مشكوره اختي اغلى حبيبه على الموضوع
حتى انا سويت عمليه ليزك بعيوني عند الدكتور سامي الربيعه قبل خمس سنين والحمدلله ارتحت من العدسات والنظارات الطبيه
وكلفتني العمليه وقتها 750 مع الفحوصات

 

[أغلى حبيبه]

رد : اللي سوت اي عمليه حياها الله............

شكرا لالا على المشاركه

وين باجي البنااااااااااات

 

[بـزه]

رد : اللي سوت اي عمليه حياها الله............

انا كنت ناويه اسوي ليزك هالعطله الصيفيه بس عالتلفزيون شفت ان الحكومه البريطانيه راح تمنع عمليات الليزك لانها ممكن تسبب نتائج سلبيه بعد سنوات و تقنية الليزر مو مضمونه لانها تعدل النظر بشكل سريع و سهل وهذا اللي محير الاطباء هناك عشان جذي خايفين منها


نصيحه يا بنات خليكم عالنظارات والعدسات عالاقل احسن من الليزر

 

[أغلى حبيبه]

رد : اللي سوت اي عمليه حياها الله............

هلا اختي بزه

الليزر غير من الليزك
وانا انصح انج اتسوين العمليه
لانه الحين بشبابج تبين تشوفين كل شي بدون نظاره او عدسات
على الاقل تقومين من النوم تشوفين اللي جدامج مو ادورين نظارتج

ولين نكبر ان شاءالله عادي نلبس نظاره
بس والله الدكتور وايد مدحها

واذا تبين تشوفين الدكتور واهوا يسوي العمليه عادي يخليج



نصيحتي توكلي على الله وسوي العمليه

 

[بـزه]

رد : اللي سوت اي عمليه حياها الله............

فشلتيني يا اغلى حبيبه خخخخخخخخخخخخ ..... ببريطانيا بيمنعون الليزك انا متأكده من هالسالفه لانها بالتلفزيون


زين اهي الليزك مو عن طريق الليزر يسوونها ( يا شين الاحراج ) خخخ .. انا الحين عبالي الليزك هي تقنية تصحيح النظر بالليزر .... واذا لا طنشي الكلمه بس صج الليزك قالوا مو زين ... بس اعرف بنات نسوينها مرتاحين بس انا خوافه اخاف تصيرر لها نتائج عكسيه مستقبلا و اتخيل نفسي اصير عمياء فجأة منها خخخخ

 

[أغلى حبيبه]

رد : اللي سوت اي عمليه حياها الله............

لالا اسم الله عليج ماتصيرين عميا

قبل كان تصححيح النظر بالليزر بس لازم تلبسين نظاره سوده وماتطلعين بالشمس ولا تشوفين تلفزون ومادري شنو هذا اللي سمعته

بس الحين الليزك من اتسوينها الدكتور يطلعج بالشمس عادي
ومايمر عليج 24 ساعه الا وانتي شايفه كل شي جدامج


والله انا من سويت العمليه وايد ارتحت