اللي سوت انابيب تدخل ضروري

[الجادل الخشف]

بصراحه خايفه نزل علي نقط دم اليوم وصارلي 11 يوم من ارجاع الاجنه وباقي اربع ايام عالتحليل وموعد الدوره الصجي يومين
يارب محتاره دوره والا شنو

قلت باجر بروح للدكتور من الصبح واشوف شيقولي
يارب توقف النقط وتكون شهاده للحمل
وقبل امس نزلت نقطه وحده لقيتها بالكلوت والحين اكثر من نقطه وكل مامسح القا خفيف بالكلنكس ويوقف

 

[دآآآنــه]

انا سويتها السنه اللي فاتت و ما نزل دم و لا شي و لا ربي كتب حمل و ان شاء الله تكون علامة حمل لان يقولون هذا دليل انغراس الاجنه عسى ربي يرزقج باللي تتمنين

 

[الجادل الخشف]

انشالله يارب يسمع منج ويرزقج باللي تتمنينه
الحمدلله الدم وقف نزل نقط شوي ووقف وراح العوار والحين ناطره الصبح
احس اشوي ارتحت عقب مانشفت

 

[qoot]

ان شاءلله يكون حمل يارب

ومثل ماقالت الاخت ان شاءلله يكون دليل انغراس الاجنه

انا سويت مرتين ولا مره نزل دم وماحملت وماكنت احس بولا شيء

 

[الجادل الخشف]

هلا اختي qoot انشالله ربي يسمع منج والله يرزقج بالتوم المعافى باقرب وقت يارب ويرزق الكل
حاليا نفسيتي مرتاحه متى يطلع الصبح

 

[qoot]

اشغلي وقتج بالقران ولا الاستغفار وان شاءلله تبشرينا بخبر حمالج يارب

 

[ماي زهر]

مو شرط الدم يكون مافي حملمرات يحطون لج ٣ أجنه أو ٢
مرات يطيح واحد منهم و يبقون الباجي




أو علامة أنغراس الأجنه




بس سوى تحليل هرموني يبين إن شاء الله إذا فيه حمل
و الله يكتب لج الذرية الصالحه و لا يخسر تعبج يا رب العالمين

 

[ماي زهر]

مو شرط الدم يكون مافي حملمرات يحطون لج 3 أجنه أو 2
مرات يطيح واحد منهم و يبقون الباجي




أو علامة أنغراس الأجنه




بس سوى تحليل هرموني يبين إن شاء الله إذا فيه حمل
و الله يكتب لج الذرية الصالحه و لا يخسر تعبج يا رب العالمين

 

[رنيـم]

حبيبتي سوي تحليل هرموني بيبين اذا فيه حمل ولا لا
اللي اعرفهم كلهم نزل معاهم دم بعد الانابيب باسبوع وحملوا
الله يرزقج يارب

 

[الجادل الخشف]

شكرا ياللي ردو علي رحت اليوم وماقالولي شي جديد نفس الكلام ممكن حمل وممكن دوره وقالو سوي تحليل حمل اذا تبين كيفج او انطري موعد التحليل عشان يبين عدل جان ارفض اسوي قلت لاخلاص بنطر مابي اتحطم

 

[الجادل الخشف]

اليوم الصبح سويت تحليل وصارلي ١٣يوم من ارجاع الاجنه
وطلعت النتيجه ٣٢ تقولي ماكو حمل قلت شلون ماكو حمل انا اعرف اذا فوق٥ يكون في حمل واذا اقل ماكو قالت سوي بموعد التحليل اللي قالولج عنه الدكاتره اللي اهو يصادف الاربعاء
طبعاً انا قعد اكلم بنت المختبر اللي سوتلي التحليل
فقلت بعيده الاربعاء انشالله
والدم للحين ينزل لونه بني غامج وحييل ثقيل وينزل بطئ حييل مو مثل الدوره
يارب لك الحمد ويكتبلي الخير

 

[qoot]

شلون ماكو حمل !! اذا فوق الخمسه اكيد في حمل

ماعليج منها الف الف مبروك حبيبتي وعسى الله يثبته يارب ارتاااااااحي والتزمي بالمثبتات

 

[الجادل الخشف]

والله مادري تباركيلي والا لا احاتي تقولي فوق الخمسين حمل تحت لا بصراحه استغربت
فقلت انشالله اعيد التحليل الاربعاء وابلغكم شيصير

 

[الجادل الخشف]

والله مادري تباركيلي والا لا احاتي تقولي فوق الخمسين حمل تحت لا بصراحه استغربت
فقلت انشالله اعيد التحليل الاربعاء وابلغكم شيصير

 

[دآآآنــه]

ان شاء الله يكون حمل و ربي يفرح قلبج و تبشرينا

 

[الجادل الخشف]

للاسف امس نزلت الدوره والحمدلله على كل حال
والدكتور قال تعالي بعد رمضان عشان ارجع الاجنه المجمده
الحمدلله اللهم لا اعتراض

 

[الله يرحم أمي]

الله يعوضج خير

 

[qoot]

معوضه حبيبتي

ماسألتيهم عن النسبه اللي طلعت لج بالتحليل الاول ؟

 

[الجادل الخشف]

امبلا قال يمكن من تاثير الابر ماراح اوإنه حمل ضعيف وماقدر يستمر

 

[حبيبي زوجي W]

الجادل الخشف
معوضه خير حبيبتي
وعسى ان تكرهوا شيئا وهو خيرا لكم
ويارب يرزقج الذريه الصالحه
والحمدلله على كل حال

​