انا ولادتي بالشتاء ان شاء الله حطولي موعد 7/1 وقاعده اجهز لبنتي طبعا لازم اتجهزين من السابع لانج بتكونين اخف من اخر الاشهر وهم تكونين زاهبه لاي شي المهم طبعا هذي مو اول ولاده لي صارت عندي خبره وعرفت الي احتاجه للبيبي شوفي
انا جهزت نص اللبس صيفي ونصه شتوي يعني لما يكون بالغرفه اكيد راح تكون حاره ومع اللفات الي عليها يمكن تعرق او يمكن شتانا مايكون بارد حيل فا اخذت لها لبس من 0 الى 3 اشهر لانه يجي حجمه مناسب للبيبي وناسبها لحد شهر تقريبا يعي اخذي لها 5 قطع عاديه غير المهادات الي يجي معاها اللبس كامل قطني بارد وخذيت لها 9 شتوي طباقي من قدام لاتاخذين شي طباقي من ورا افضل من قدام وقبعات صيفيه قطن وشتوي عاد انتي كثري لانه البيبي ارجع ووتبدلينه على طول وحنا جونا بكون شتا يعني ماتنشف الملابس بسرعه وخذي لفات حلوه كشخه ولبس كشخه ويكون طقم حلو اما المميات اخذي 4 صغار و6 وسط وخذي السيليكون حجم سمول صغير اخذي الشفاف لاتاخذين الاصفر موزين واخذي ستاندر للمميات ومطاره ام نقطه حمرا للبيبي تحفظ حرارة الماي وخذي حوض علشان اتسبحينها فيه مع اسفنجه الحوض علشان ماتزلق وصندوق من مذر كير لاغراض البيبي مثل القطن والكلينكس المبلل وقطن الاذون وكريماتها وبودرها وخذي سفنجه للبودره وخذي كريم سودا كريم علبته رماديه هذا لما يصير حراره من الحفايظ تحطينه والبودره ولاتستخدمين عطر للبيبي مو زين عليه بالاربعين يتعب صدره طبعا اغراض البيبي كلها مالت الحمام شامبو وشامبو جسم يعني لما تروحين اكيد بتاخذين هالاغراض اي وعلبة مشط وفرشاة شعر مع المقراضه مالت الاظافير تجي بجنطه كامله وفرشاة المميات لاتنسينها خذي طاسه صغيره للماي الدافي تحطين فيها القطن عشان تنظفين فيها البيبي وتمسحين جسمه منها وسرير كفرات تغيير للسرير ومخده من لاند مارك اي وفوط صغار للبيبي علشان لو ترجع او تمسحين وجها فيهم وكفر للطلعه للبنت وهم نفس ماقالو البنات شفاط وجهاز تعقيم المميات وبعد ياربي وجنطه تحطين فيها اغراض البنت للطلعه اي وعلبة فواصل للحليب ومصاصات او لهايات اخذي رقم واحد ولما تولدين ان شاء الله بالسلامه عاد دايما احرصي على انج تغلي للبنت ممياتها يعني اشتري لها جدر خاص للممياتها انظف وهم في شغلا ت بس بقولج عليها لبعد الولاده مرات تحوش البيبي غازات اشتري لها من الصيدليه دوا طبعا تطلبينه من الدكتوره تكتب لج احسن نوع لانه لازم يحوش الجاهل غازات في بطنه هذا اريحه مثل قطاره تحطينها مع الحليب هذا بالاربعين واكيد بتشترين قطرة الماي والملح لتنظيف الخشم مع شفاط للخشم للوصخ ماركة بيجون كل شي خليه ماركة بيجون وشوفي لو ماعرفتي شي من الي انا كاتبته روحي قوقل صور وحطي مثلا فواصل للحليب يطلع لج معقمة الرضعات يطلع لج شكلها فاهمه اي وخلي حليبتها ماركة نيفولاك ضد الغازات اجنن عطيته لبنتي عكس السميلاك لما ارج الرضعه والله مايطلع رغوه بالحليب اما السيريلا لا رغوته كأنها رغوة البيبسي انا صرفوه لي يوم بنتي قامت ترجع مستشفى دار الشفا استخدمت لها ضد الارتجاع ووقف الترجيع عنها وقالت لي الدكتوره اذا اشتكت من الغازات اخذي مال الغازات واذا اشتكت من الامساك اخذي مال الامساك جذي صراحه احسن حليب اي ولا تستخدمين لها الماي العادي استخدمي ماي صحه يعني دايم يكون عندج تحطين للرضعه نص ماي حار ونص ماي من ماي الصحه وتسوين حليبتها اي والماي الحار حطيه من الفلتر عادي لانه بعد جم شهر يعني تقريبا بعد الشهر 3 اقطعي عنها ماي الصحه وحطي ماي مغلي مبرد لها من الفلتر بعدددددد ما ادري اي بالنسبه للبس لاتاخذين كل شي غالي حيل لا اخذي عادي ترا بسرعه تكبر اسم الله عليها يعني حدج شهر وخلي كل شي راهي عليها من ارجولها عشان البنت تكبر وتباناتها خليهم كبار عشان تقدر تنمو البنت ماينحني ظهرها من الملابس الصغيره ودايما احرصي عليها لانه الجاهل بالليل ارجع عشان ماتشرق بترجيعها ميليها على جنب شوي المهم انتبهي لها واذا تبين مهادات حلوه وعمليه اشتريها من فاشن ميل بالفروانيه بالمناور تحت بالسرداب حلويين قط سوري بارد ولما تمهدينها لا تعورينها وتشدي عليها ريحيها ومن فتره لفتره فككيها وخليها تلعب وتتمقط يعني انا زدت عاد على اللبس وعلى كل شي جبت لج معلومات عامه واكيد انج تعرفينها بس ابي اقولها للفايده لج
