اللي سافرلباريس يدخل~~

[~عشق المطر..~]

مرحبا صبايا ~~~


عندي استفسار وياليت تساعدوني~~


منو فيكم سافرت لباريس للعلاج ع حساب الدوله ~~~

شلون الجوعندهم شهر 3~~

وشلون مع سالفة الحجاب عادي ~~

وشنو اخذمعاي يعني اكل شي~~~

وحمامات السكن صج مافي ماي للمرحاض اعزكم الله~~

ياليت تساعدوني ارجوكم :eh_s(11):

ومشكورين مقدما

 

[~عشق المطر..~]

اي نسيت والجناط شلون اسعارهم

 

[الحلا و الزين كله]

عشق المطرمرحبا صبايا ~~~


عندي استفسار وياليت تساعدوني~~


منو فيكم سافرت لباريس للعلاج ع حساب الدوله ~~~
رحتلها بالصيف
شلون الجوعندهم شهر 3~~

بررد اخذي ملابس ثقيله


وشلون مع سالفة الحجاب عادي ~~
عادي الحجاب طبيعي.. اصلا شفت بنات هناك لابسين نقابات وحريم كبار ببراقعهم


وشنو اخذمعاي يعني اكل شي~~~
اخذي ماجله كاله من عيش و سكر وحليب كرنيشن .. التمويل يعني لانها موجوده هناك سوبر ماركت عربيه بس غاليه .. يس نصيحه خلي احد يشحنها لكم بعد الوصول لان الاكل وزنه ثقيل عليكم..



وحمامات السكن صج مافي ماي للمرحاض اعزكم الله~~
لا في مرحاض افرنجي طبعا بس مافي هوز .. فاخذو معاكم ابريج ماي للحمام عزكم الله
ياليت تساعدوني ارجوكم :eh_s(11):




ومشكورين مقدما[/quote]
عفوا .. موفقين

 

[عجايب2009]

رفع

 

[اتعبتني كشختي]

هلا يا حياتي انا رحت لعلاج بنتي

الاسعار نااااار غاليه حييل دخلت محل شفتلي جنطه حلوه يوم شفت سعرها انصدمت جنطه صغيره يمكن اذا قلييل سعرها ٩٠٠ هاذا اذا قليل

بالنسبه للحجاب عااادي ما يتكلمون

شوفي المطاعم حلوه لاكن الحوم انا مبعده عنها لاني اخاف تطلع مثل لحم خنزير او شي

اكلنا كان حلو جذي يعني اكلات بحريه او سلطات او الدجاج

و سلامتج 

 

[اتعبتني كشختي]

اي بالنسبه للاكل غالي وربي عيل الكرواسان عندهم سعره بـ دينارين الحبه

الحمامات بلي فيها هوز

اذا تقدرين تاخذين اكل ولله ما اقولج لا تاخذين الي اخذي و عادي

شهــ ٣ ــر مادري ولله انا رحت شهر ٩ و بررررد مووت بس اخذي احتياطي

 

[Meeesh]

اكيد المعيشة غاليه بس انا عندي ارخص من جنوب فرنسا بكثير .. جنوب فرنسا ناااااار

وبالنسبه للحجاب جدا طبيعي

 

[دلوعة أبوهآ]

الله يشافي مريضكم يآرب ..
وبالنسبه للحجاب عآدي


والجو في باريس بااااااااااااااااااارد ..