اللي سافرت مع طفلين تريحني ...

[رغد84]

مرحبا حبوبات ...

بغيت اسألكم
شرايكم بالسفر مع طفلين اعمارهم متقاربه
اربع وثلاث سنين ...

هل هو ممتع ؟؟؟؟

انا بالبدايه كنت ناويه اخذ الكبير
بس حيييل احاتيه الصغير وشايله همه
مو قادره انام

بس تفاجأت من زوجي قال ناخذهم كلهم !!!

عاد اللحين بحاتي راح استانس بالسفره مع الاطفال والا لا ☹

 

[يفداك قلبى]

السفرة اختى مع الاطفال مزعجة ...وخصوصا بهاي الاعمار

 

[الشامريه]

اكيييييد مزعجه بس احسن ماتقعدين تحاتينهم اخذيهم

وان شالله سهالات

 

[أم سيف وسلطان]

ابصراحه مزعجه السيره وياهم

انا جربت سافرت بعيالي 4سنين و5سنين وبنتي 5شهور اولاد كانو يملون بسرعه

ويبون يردون الفندق وفي السوق كله يراكضون و يزعجوني وما قدرت اتشرى عدل ابدا

ويبون الحمام المشكله ما يقدرون يمسكون عمارهم نفس الكبار

وفي الاخير ندمت اني خذيتهم ويايه

 

[نبض السعاده]

الله يحفظهم احسن تاخذينهم

 

[مشتطـه]

الهدف من السفر المتعة !

و ليش تحتاتين وما نمتي بليل شدعوه
اكيد بتخلينهم عند امج وامج بتدير بالها عليهم

انا اخذت ولدي عمره سنه ونص مجبورة مو بكيفي
وتوبة اقعد ابركلي

السفر حلاته وناسه مو محاتاة ولبحه عليهم

انا استغرب من اللي تقول مستحيل اخلي عيالي ما اقدر اموت

شدعوه ليش وين قاطتهم يا امج او اختج

 

[ليلى و لا ليلى~]

خليهم ثنينهم عند الأهل و لا تطولون بالسّفر ،،
الحين هم صغار و ما يفهمون يعني شنو أمهم و أبوهم يسافرون و يخلّونهم
فـ إستغلّي الفرصه قبل لا يكبرون و يفطنون ،، و ان شاءالله ماعليهم شر

 

[الغلاااااا]

بلعكس اسم الله عليهم اعمارهم كبيره يعني مو مال بامبرز وحليب ومميات


بالعكس كبار بيستانسون ويسوون جو للسفره بس انتي شيلي الضغط اللي عبيج من قبل ماتسافرين احس مضغوطه وتحاتين وشاده اعصابج


انا سافرت واخذت ولدي عمره ٣ سنوات وطبعه عسرر عسرررر بس الحمدلله تمت على هير سفرتنا وذكريات حلوه