اللي سافرت قطر ... تفيدني

[جفــول]

مرحباااااااا

شلونكم ؟؟؟


بسافر قطر ان شاء الله اللي سافرت قطر ابي اعرف
شلون الاسعار في قطر؟؟ وشنو المجمعات الحلوه؟؟ وشنو احسن شي بقطر؟؟؟


وأكوووون لها من الشاكرين:wqedqw:​

 

[غلا الروح79]

اب لعيووونج وانشاالله البناات مايقصرووون معاااج

 

[الذويقة الذربة]

حبيبتي وانا نفس سؤالج
جان زين احد يرد من البنات علينا

 

[*المها*]

فيها مجمع لاند مارك صغير وحليو وفيه الماركات الصغيرة مثل مانجو وزارا وربعهم
مجمع سيتي سنتر كبيير وهم فيه الماركات الصغيرة بس على أوسع
وأحلى مجمع بالنسبة لي فيلاجيو فيه أغلب الماركات الرياضية والماركات العالمية مثل ديور وقوتشي ودولتشي اند قابانا ورالف لورين و ال في وفلنتينو غيرها الكثيييييير والمطاعم الي فيه روووعة
وبالنسبة لسوق واقف يهبل لكن الجلو الحين ما يساعد
وبالنسبة للفنادق الفورسيزون والريتز كاريلتون وشرق وجراند حياة فيه شاليهات كشخة​

 

[Galb.sh]

بس حبيت أضيف عاللي قالته الاخت مهاا


في عندهم حديقه سباير هم حلوه ... وعندهم متحف الفن الاسلامي هم حلووو ...

 

[Galb.sh]

وانصحج اجرو لكم سياره وانتو سوقو هناك لان وربيييي سووواااقهم زفت مايدلون ولا شي ..!!!!

 

[*إماراتية*]

المجمعات : سيتي سنتر + فيلاجيو + السنتر بوينت << زرتهم
لاند مارك + الصالون الأزرق << مريت صوبهم وما دخلت

الأسواق : سوق واقف << فيه مطاعم وجلسات خارجيه

حديقة الحيوانات
جزيرة اللؤلؤة << عباره مجمع يلف على شكل دائرة في الخليج

هاللي أتذكره ,,

 

[غــ q6r ـلا]

اممممم

بالنسبه للمجمعات

عندج فيلاجيو والستي سنتر والاند مارك والمول وعندج امبيريوم

وعندج بعد الصالون الازرق سوق واقف واللؤلؤه والمتحف الاسلامي

واذا تحبين البحر وهالسوالف عندج شاليه مسيعيد (السيلين)

وبعد في فندق جراند حياه عندهم شاليهات

 

[جفــول]

ثااانكس ع مروركم
وشلووون أسعااارهم؟؟

 

[Galb.sh]

والله الاسعارر أغلى من الكويت ..

 

[ذكـرى]

حبيبتي اسعارنا حييل اغلى من عندكم اللهم سوق واقف ممكن تسوقين منه بخور ومن هالشغلات

بس باقي المجمعات نفس اللي عندكم واغلى بواااجد


ونورتوا الدوحه مقدما

 

[يتيمة العقـد]

بالنسبة حق قطر ما اعجبتني حيل لانها ليلحين قاعدين يستثمرون فيها ويأهلونها للسياحة وخلصت 2 باقي 3 سنين وتكون جاهزة للسياحة والحمدلله انه فندقنا كان توب التوب فندق W الدوحة وقزرناها فيه اغلب الوقت معني كنت مسوية سيرج عنها بالنت ولما نركب مع الكروة ( تكاسيهم ) يا يقولج ما أدل خلف الله على امة او نوصل للمكان والملاهي ونشوفها هدام ويبنونها من جديد أ حلى شي فرينا على مجمع فيلاجيو وكان في ركن يسمونه شارع الماركات وفي سكيتنج بوسط السوق وبحيرة فيها قوارب توصلج من مكان لمكان بالمجمع نفسه وداخله ملاهي للكبار والصغار ، راح احطلج صور للفايدة والمتحف الاسلامي والكورنيش شهر 2 يجنن كله غيوم والجو رومانسي وسيتي سنتر للمطاعم والتشري وسوق واقف اذا انتي من عشاق السوالف القديمة وعندهم بهارات عجيبة فريش قدامج يخلطها وبعد بعد يا يتومة
سوق واقف في مطاعم واجد تركي عراقي لبناني سوري ماليزي هندي ايراني ومأكولات بحرية واللحين اخليج مع الصور .....

مجمع فيلاجيو




شارع الماركات بالمجمع نفسه

وهذي الملاهي داخل المجمع نفسه





كورنيش الدوحة





وهذا السيتي سنتر




وهذا متحف الفن الاسلامي





وبالختام ، سوق واااااقف




طريق العودة بالطيارة منظر ناطحات سحاب الدوحة




واتمنى اني اكون خدمتج بهالتقرير المصغر عن قطر ، فديت الدوحة وأيامهاااااااا