اللي زوجه ثانيه تدش

[صديقتك ياليل]

بنات شلونكم ساعدوني تكفون ولا تلوموني والله يابنات أنا حياتي تخربطت حيل أنا كنت مطلقه وبعدها 5 سنوات ملجت على واحد عساس مطلق. بس بعد الملجه رد زوجته وكنت والله شاريه الذهب وصارفه اغلب المهر. المهم اهلي ضغطوي علي. اللحين اشوف الكل يسولف عن حظ زوجته الاوليه وانها مشالله شاري خاطرها حيل ومدلعها حيل وانا لي الكرف وعزايم ربعه يابنات شورو علي شنو اسوي

 

[باتشي99]

حبيبتي ماحبيت اطلع بدون مارد ..

ان شاءالله الاخوت يساعدونك عسى ربي ييسر امرك ويسعدك

 

[Aloe Vera]

لازم يكون عادل بكل شي و عقاب اللي مايعدل عسير

 

[ملح الكون]

انتي زوجته وشي طبيعي تقومين فيه وفي عزايمه .. مالج شغل بكلام الناس .. انتي شايفه انه مو عادل بينكم كلميه وبيني له .. والله يسخره لج ..

 

[* Snow White *]

لازم لازم يعدل بينكم. ضروري! اللي مايعادل بين زوجاته له عذاب وعقاب عسير جداً.
ولاتسمعين حجي الناس، الناس تبي تخرب دايما

 

[* Snow White *]

لازم لازم يعدل بينكم. ضروري! اللي مايعادل بين زوجاته له عذاب وعقاب عسير جداً.
ولاتسمعين حجي الناس، الناس تبي تخرب دايما

 

[عاشقة العباس]

اي والله حبيبتي مثل ماقلوا الخوات مالج شغل في كلام النااااس والله العظيم بهذا الزمن اتشوفين العجايب منهم انتي حبيبتي لمن تسوين شئ حق ريلج انتي تبين رضى الله صح وسوي الي عليج والي الله كاتبه بصير وانتي عليج ماااا تبجين حكمي عقلج وريلج لوووو شنو سوى ما يقدر يعدل بينكم لان الله قايل في القرأن و لن تعدلوا انتي الي عليج توكلين امرج حق الله وربي يفرجها عليج ياااااارب:eh_s(17):

 

[ايمان7]

سبحان الله في رجال بعد مايتزوج الثانية ..تحلى بعينهم الأولى ويردها
عموما محد يقدر يلومج لأنج ماسويتي شي حرام وهذا زوجج
ولاتسمعين كلام الناس هم يحبون يشوفون الواحد مو مرتاح وحياته كلها مشاكل
ولاتقارنين نفسج بزوجته الأولى عشان ماتفتحين على نفسج باب ..هي لها معزة وانتي بعد لج معزة
خلج الزوجة الحنون الطيبة والتقية واشغلي وقتج بطاعة الله ورضا زوجج عشان الله يباركلج بحياتج ويسعدج ان شاء الله

 

[الجادل الخشف]

يعني مادخل عليج للحين صح هذا اللي فهمتهاول شي احنا ماندري شنو ظروفج يمكن مو مرتاحه عند اهلج وماندري عن وضعج الاجتماعي والمادي
اذا انتي شايفه ان اهو زين ويبيج كملي جهازج وتوكلي على الله اما اذا كان ماخذ تقزيره ويبي يحر مرته الاولى عشان ترجعله فرديله المهر وكل واحد بطريج

 

[عاشقة العباس]

يعني مادخل عليج للحين صح هذا اللي فهمتهاول شي احنا ماندري شنو ظروفج يمكن مو مرتاحه عند اهلج وماندري عن وضعج الاجتماعي والمادي
اذا انتي شايفه ان اهو زين ويبيج كملي جهازج وتوكلي على الله اما اذا كان ماخذ تقزيره ويبي يحر مرته الاولى عشان ترجعله فرديله المهر وكل واحد بطريج

كلامج عين العقل :eh_s(15):

 

[صديقتك ياليل]

لا اختي. الجادل أنا تزوجت من شهر 9 بس فعلا ندمت حيل حيل حيل توقعت بكون قد الزوجه الاولى واعيش بروحي ويشوف الفرق اللحين الكل قام يحسسني انه يميل للاولى على ان والله العظيم لما خطبوني حطو فيها النون ومايعلمون حسبي الله ونعم الوكيل عليهم أنا اصلا اللحين حامل لي شهر ونص. وضروفي فبيت اهلي كنت مرتاحه مع امي الله يرحمها بس امي توفت وعندي حريم اخواني عساكم ماتجربون مثلهم. والرجل اللي خذيته احس مالي وجود بحياته عنده بنت وبعد زواجي ولدت وجابت ولد. واللحين حسيت اخذت كل شيء مني خلاص مالي شيء بحياتي. ساعدوني بنات

 

[عاشقة العباس]

لا اختي. الجادل أنا تزوجت من شهر 9 بس فعلا ندمت حيل حيل حيل توقعت بكون قد الزوجه الاولى واعيش بروحي ويشوف الفرق اللحين الكل قام يحسسني انه يميل للاولى على ان والله العظيم لما خطبوني حطو فيها النون ومايعلمون حسبي الله ونعم الوكيل عليهم أنا اصلا اللحين حامل لي شهر ونص. وضروفي فبيت اهلي كنت مرتاحه مع امي الله يرحمها بس امي توفت وعندي حريم اخواني عساكم ماتجربون مثلهم. والرجل اللي خذيته احس مالي وجود بحياته عنده بنت وبعد زواجي ولدت وجابت ولد. واللحين حسيت اخذت كل شيء مني خلاص مالي شيء بحياتي. ساعدوني بنات

حبيبتي انتي الله يفرج عنج بجاه الحبيب محمد

الله سبحانه وتعال قال واذا سألك عبادي عني فاني اجيب دعوة الداعي اذا دعان

توسلي في الله ان بجاه الحبيب محمد ومقامه عند الله الي ماتدركه عقولنا صدقيني ماراح اردج الله ثم الله ثم الله وحبيبه محمد لا احد يستهين بمقام الرسول عند الله توجهي بجميع جوارحج حق الله في صلاة الليل وقتها الملاك ينادي من السماء لج حاجه مظلومه الخ ادعي بجاه حبيبه محمد وشوفي الله شنو راح يعطيج اذا مو في الدنيا في الاخره وانشاء الله ربنا يعوضج خير بجاه الحبيب محمد وقولج بعد اقرب ما يكون العبد مع ربه في السجود وبدعيلج من كل قلبي الله يسر امرج سامحيني اذا طولت عليج :eh_s(17):

 

[الجادل الخشف]

حبيبتي ادعي ربج يسخره لجاصبري وتحسبي الاجر واهم شي ذكري زوجج انه لازم يعدل بينكم عشان ربج مايعذبه يوم القيامه
ولاتجيبين له سيره مرته الاولى كلش ولاتقارنيين نفسج فيها وانتي شدراج باللي بقلبه انه اهو يحبها واهي الكل بالكل يمكن انتي بعد يحبك ومايستغي عنج
ترا انتي توج في بدايه الطريج وللحين ماتعرفتو على بعض انتي استغلي الحمل قولي هذا اول حمال لي وتدلعي عليه وسوي حركات الحريم اللي يسونها لمن يحملون يستغلون الرجل بهالفتره ههههه
وانتي عروس ماعليج من الاولى تكشخي وتزيني وتدلعي عنده حتى لو النساه متعبتج تحملي لانج في بدايه الطريج ولازم ترسمينه صح واذا احد كلمج عن مرته الاولى سكتيه قولي بليز لحد يذكرها قداميمابي اسمع اخبارها وانا مفهمه زوجي ان مايذكرها جدامي وماعلي منها
والله يسخرلج زوجج واللي في بطنج وادعي واكثري الاستغفار

 

[صديقتك ياليل]

جزاكم الله خير

 

[Patcholli]

مادري شقولج والله وضعج غريب
بس اهو العيب منه اهو لازم يعدل

 

[اهذريبك~]

تعوذي من بليس و حاولي تمسكين فيه مالج احد غيره حاولي تسحرينه بكلامج الحلو
و ابتسامتج و روحج الحلوة و لوكج و دام انج ثانيه تفنني بالفراش عشان تتعلقين في باله

 

[صديقتك ياليل]

والله ياخواتي احس الحياه مع الضره صعبه يعني تخيلو لو راح عندها خلاص يطلعني من حياته لا يكلمني ولا يدش واتسب ولا كأني بحياته. تبون الصراحه أنا يمكن لأني مو حابته مو قادره ااتحمل شيء

 

[أحبك أمي]

حبيبتي احمدي ربك عندك زوج وساتره عمرك
وعافه نفسك في زمن صعب الزواج فيه
وبعدين كل كلامك عن زوجته خليها بحالها
وغير كذا زوجك ماذكريتيه الا بكل خير
واضح انه محترمك صح هذي نعمه عظيمه
والله يوفقك

 

[صديقتك ياليل]

اختي مشكوره عالرد والله هو محترم حيل والله وتعامله راقي. بس مشكلتي تعبت من وجودها بالحياه

 

[الجادل الخشف]

اختي لازم تتحملين لاتقولين تعبت من وجودها بحياتج ترا انتي ماخذه واحد مطلق وعنده بنت مفروض تحطين ببالج انه ممكن يردها على ذمته هذا اولا ثانياً انتي حامل فكري بحمالج ودام يعدل بينكم مافي مشكله هذا اهم شي وسالفه اذا راح عندها ومايسال عنج انتي بيومج ترضين اهيا كل شوي تدق عليه وتكلمه واتس اب اكيد لا ماتبينها تعكر مزاجج ويومج وانا اتوقع انتي كل شوي داشه عليه عشان جذي مطنشج فلمن يروح لها بيومها خلاص لادزيله شي تبين تدزين بي سي اي شي دزي اما وينك مشتاقتلك وتبين تسولفين معاه لادزين دزي اذا تبين شي ضروري عشان لي بغيتي شي ماتقولين والله مايرد علي ومطنشني لان واضح انج تزعجينه بيوم مرته الاولى والله يهدي سركم ويصلح للكل