اللي زوجها يسبها ...

[na6a6eya]

السلام عليكم و رحمة الله و بركاته


شلونكم بنات



اتمنى من اللي زوجها يسبها تشاركني



شنو موقفج لما زوجج يسبج .. اقصد شنو تسوين وقتها؟



عن نفسي .. زوجي سبني 4 مرات من تزوجنا .. واحنا متزوجين من فتره قصيره


يمكن البعض منكم يقول 4 مرات شويه


لكن اقولكم يا بنات ان المسبه تحر لوهي حررررررررف واااحد



فا اللي سويته يا بنات اني هديتله البيت و مشيت



جمعت اغراضي البعض منها و قلتله بهد لك البيت و بمشي دام هذا اسلوبك معاي



الصراحه هذي مو اول مرة اهدده باني اتركله البيت و امشي ( لما يسبني)


المره اللي قبل اليوم جمعت اغراضي و كنت بطلع من الباب و الا اهو راجع البيت


تكلمنا مده طويــــــله و تفاهمنا و تواعدنا محد يغلط عالثاني و خصوصا اهوا طبعا ز الحمدلله عدت على خير



لكن اليوم على موضوع فيه جزء كبير من سوء التفاهم القاه يرجع و يسبني !!!



هني انا فورت يا بنات و ماعدت استحمل


و نفذت تهديدي مال كل مرة و تركتله البيت


و اهوا اتصل على ابوي يكلمه



احس اني زهدته يا بنات والله


اي حب بقلبي له يروووح كل ماتذكر سبه لي




اللي سويته صح؟

 

[brettey]

مادري انا لو زوجي يسبني اسبه بعشر انا طبعي ارادد ما اخلي شي يقلبي

 

[كسرة عود]

زين سويتي ...... بس حاولي يكون في مجال للاصلاح >>>> مو تسكرينها مرة وحده
بس كم سنه صارلكم متزوجين ؟؟؟؟ عندج عيال ؟؟؟؟

هالأشياء لها اعتبارها

 

[بمبرة]

شلونج اختي:
سمحيلي اقولج انج غلطانة لما تركتي البيت لان زوجج راح يتعود على جذية ..اهو يسب وانت تتركين له البيت بس مو هذا الحل :eh_s(17):
اول شي ليش زوجج يسب يمكن انت غلطانه علية وتدرين الريال اذا عصب ما يدري شنو يقول ..اما اذا كان طبعة جذية فقعدي تفاهمي معاه بس لا تتركين له البيت لان الشيطان شاطر ونصيحة اذل سبج لا تردين عليه(ادري صعبه) بس سكتي وقولي الله يسامحك والله بعد فترة راح يفكر وراح تكبرين في عينه (والله عن تجربه) وعسى الله يشرح صدركم ويجمعكم على خير
والصبر زين ولج اجر اذا صبرتي على ريلج:eh_s(17)::eh_s(17):

 

[عاشقة الجنة]

آنا زوجى ما يسبنى والحمدلله ...

حبيبتى أساس العلاقة الزوجية الاحترام المتبادل ...

يمكن زوجج عصبى وايد فشنو الشى اللى يخليه يقلل من احترامج ؟؟

هل تستخدمين معاه نفس الاسلوب وتسبينه ؟؟

لازم تحطون حدود من البدايه .. ترى صعبة وايد اذا عندكم عيال

ايسبج جدامهم أو العكس ....

عسى الله يهديكم ويسخره لج يارب ..:eh_s(17):​

 

[أمواج البحر]

وانا كلامي مثل كلام الاخت بمبره ...

وفهميه ان كرامتج من كرامته وهالشي يمس كرامته

وقوليله انت ما ترضى احد يسبك و انا بعد ما ارضى احد يسبني

والله يهدي سركم و يريح بالكم

 

[ام الخييير]

شوفي حبيبتي انا كنت قبل لمه يسبني ارد السبه كنت صغيرة وماعرف وحتر بسرعة
بس مع الوقت لي عصب وسبني اسكت وازعل بس بمكاني بالبيت ماهد وطلع
بعدين اهوا يهدي واي يعتذر
كل وحدة ريلها غير عن الثاني وكل وحدة لازم تعرف الطريقة الي تمشي فيها ريلها

 

[المستبده]

ممممممم مادري بس اذا انتي تسبينه وتغلطين عليه اكيد ماراح يسكت
يعني انتي تجنبي انج تستفزينه باسلوبج
بس اذا يسبج مني والطريج لا والله يستااااهل
بس مو تهدين البيت وتمشين احسها جايده شويه يعني حقريه ولاتحاجينه بالبيت جذيه بينقهر اكثر وتبرد حرتج...الله يهديكم

 

[الغاليه نونو]

اقوول من صجج تهدين البيت علشاان سبج؟؟؟؟؟
خليه يسب وتنشق بطنه سكتي عنه وحقريه مرد السب والصياح بيرد عليه موحايشج شى بالعكس قعدي وسكتي والله بتكبرين بعينه وبتاخذين الاجر علي صبرج عليه ترا مو بس الريال اللي يسهر ويسكر ويسربت اهو اللي تصبر عليه المره حتي اللي يسب بذااءة اللساان والعياذ بالله من بذاءة الخلق

انتي مالج الا الصبر ولما تشوفينه حمقاان ويسب استغفري بقلبج وقوولي يارب تلهمني الصبر علي بلواي ويستحسن انج تقومين عن المكان اللي هو فيه لايعصب بعد ويحذفج بالطفايه والا يهبدج بشي قريب منه الرياييل لااعصبوا يصيرون عميان مايشوفون جدامهم وبعدييييييييييين عقب لاااشفتيه طخ وهداااا سويله قلاص عصير ليمون وضحكي بويهه وتفاهمي معاه باللين واذاا انتي غلطانه اعتذريله واخذى مابخاطره وحاولي باسلوبج المخملي ههههههههههه تفهمينه غلطته بدون صراااااااخ وهواش
وعسا ربي يتمم عليج ويهدي لج بوعيالج
بس نصيحه لاتهدين البييييييييت قعدي وقضبي ارضج

 

[عهود الحب]

حسب نوع المسبه


ولو اني افضل الهجر بداخل اسوار البيت




كوني معاه بس احقريه حقران صحيح مو حقران يومي واخر الليل شسمه عادي



لا لازم يحس انك فعلا زعلانه صج

 

[الوردة المكنونة]

الحمدالله احسن شيء في ريلي ان من يوم ما تزوجنا ما سبني ولا مره الحمدالله

بس نصيحه لا تتركين البيت ولا تعلمين ريلج على الجفا ترى مع الوقت يتعود على بعدج خليج دايما معاه عشان يصير ما يقدر يستغني عنج واذا على السب اعرف بنات وااايد رياييلهم جذي اذا سبج قوليله الله يسامحك والله بتكسرين عينه بهالكلمه ويتحسف وراح يستحي من نفسه
والله يوفقكم

 

[*سكون*]

تفاهمي معاه ومثل ما قالوا البنات فهميه ان عندج كرامه وكرامتج من كرامته ولازم يتحكم بأعصابه وما يسب لان هالشي يتعبج ويكرهج فيه

وحطي ببالج شغله لا تتركين البيت كل مرة لان هالشي بيصير عنده عااادي ومالوف حاولي تحلين مشاكلكم بينكم

والله يعينج ويوفقج

 

[Q8ia_100%]

انتي علمتيه اكثر من مره ان هالشي يضايقج وهددتيه بعد انج بتهدين البيت

بس خلاص انتي الحين نفذتي التهديد

بس بنصحج نصيحه
طلعتج من بيتج الى بيت اهلج لا تكون على ادنات الدون ترى يتعود على فراقج ويقول ما ردها بترد

عرفتي

 

[نطوووعه]

الله يفرج همج يااااااااااااارب

 

[na6a6eya]

esalam 3alikom o ra7mata allah o barakata




awlan asfa ma3ndi 3arbi bil jihaz eb bait ahli

a7eb ashkir kil wa7da raddat 3lay


bil nisba lel redood elli tegoli la tatrekin el bait

weddi ared 3aliha o agol



enna elli 6ayya7 gadree enni min awal mrra sabni feeha ma ettakhatht mawqef qawey o ma 6al3t min el bait



lo enni 6al3a yemkin taab o ma 3adha akthar min marra

o bil nesba lel redood elli tgoli hejreeh bil bait ya3ni athel bil bait bs a7gerah wala li she'3el feeh a7eb ared 3alihom o agool eni ana el wa7eeeda elli ra7 a7tar o anqath

leánni bakoon ma7boosa bil bait ma6la3 ella eb shorah o bima enna e7na mit'hawsheen shay akeed 100% mara7

yesm7li a6la3 aw 7ta azoor ahli


bil moqabil eho ra7 yekoon 6ale3 o mistanis weya
rab3ah o eyee a5er ellail ye7e6 rasah o yanam o mo farga ma3ah 7agrtah aw la bs 3axi ana ana elli banqath


atmanna enkom gadreen tegroon kitabty bil english font

leánni jad mi7taaja raay yen9a7ni o yegoli shlon a5aleeh yetnadm



ana al7een 6al3t min baity o magdar ared o akser baasy mosta7eeel

kha9a enah yegol etha 6al3ty bkaifch tredin bkaifch


o ana abiih eyeeni o ye3tethrli shloon !!


7agerni 6oool el yooom o waaaaaayed mi7tarra 3ala nafsi

binty t3bt shway elyom o ma3ndi a7d yewadiha e6beeb e66areet adzlah msg a6lb mnah yewadina



bs '3eer hal msgat mako ai shay thani baini o bainah o 7add mag-hoora ebiih ye7s b'3al6etah leánna mako wala shay biddenya yebarrir ennah yesbni ella eni akoon bil moqabil sabbetah o hatha ma9ar abadn



da3wakom ya banat o la ta7remoni min redodkom 3an jad me7taja a7d yefakr weyay

 

[حواء الكون]

لا اللي سويتيه صح خصوصا انج حاورتيه من قبل ووعد ان ما يتبع هالاسلوب

لما يحس لج كرامه بوقف احترام لج لو مو الحين بيوم من الايام

واللي ترد على زوجها سب مقابل سب حتى لو كنوع من ارجاع الحق

غلطانه لانها تفقد انوثتها كلها ! بلحظه عصبيه

لا كل مايحتاجه الرجل نظره حاده جاده وعتب ونقد على الاسلوب وراح يتعلم من الادب لما يشوف زوجته ذوق ولا تتلاعب بالالفاظ

لو كان اهوا فظ وخشششن واسلوبه جارح المرأه بذكائها تعلمه اشلون يكون ذوق ومؤدب معاها

 

[-Bello-]

زين تسوين فيه ..عشان يتادب .. ويحط اباله انه هالشي مو هين وما يتعود يكررها ..وعسى الله يهديه لج انشاءالله

 

[شيهانه كويتيه]

صدقيني الهجر داخل البيت له مميزااات حلو يشتاق لج يتحسف يحس بالذنب احسن من تطلعين وعلي قولة امي ************* بعيد عن العين ابعيد عن القلب وازعلي في بيتج انا طريقتي جذيه اقعد جم يوم انام بدار اعيالي ليما يجي يراضيني واذا جاج ارضي بسرعه ومن تغلي تخلي ومع العمر تغيررررر للاحسن لان انا اسلوبي غيرته للاحسن والله يهديكم لما يحب ويرضي اذا دق عليج روحي لبيتج ولازم اول سنه زواج يووووووه اول خمس اسنين ماتكونون متفاهمين اسالي مجرب وبعدين اهو يمل راح يغير نمط حياته صدقيني وجربي الصمت انا اذ1ا عصب اسكت قبل كنت ارادده ويزيد الكلام وتنمد الايدي ديري بالج لاتراددين اسكتي احسن لو فيج حره ولو فيج قهر والله يجيج يركض وراج تري الزوج مايحب الحرمه ترادده وترفع صوتها سيري مثل الملاك قدامه نصيحه

 

[حبيبته آنا]

كلام الغاليه نونو اهو عين العقل وهذا اللي انا اسويه علشان ما اخسر زوجي لان بصراحه زوجي كل الصفات الزينه فيه ماعدا عصبيته واكيد ماكو انسان كامل علشان جذي اتحمله وادري انه وقت عصبيته يقول اشياء مايكون قاصد يقولها ومن يطخ يراضيني لو شافني ساكته لاني كبرت بعينه مو استفزه واخليه يطلع عن طوره وبعدين تصير روحتي لبيت اهلي عاديه عنده
المره ماتطلع من بيت زوجها الا اذا شافت عليه شي يغضب ربنا

 

[om_omar]

حبوبه اكبر غلط الوحده تهد بيتها واتطلع لو شنو صار لان هذي حياتها وبعدين شلون سبج مني والطريج لازم في سبب وبعدين الزواج مو امر هين الزوج ممكن بلحظة غضب يهدم البيت شتسوى على المراه حزتها انا اقول ان لازم يكون في سبب ؟ ولا زم تحلون هالمشكله من غير ماتهدين بيتج وتطلعين