اللي ريلها راعي سهر تدش بلييييز ضروري

[الملح زايد]

بنات اشلونكم


بدش بالموضوع على طول

الله يسلمكم انا ريلي من محبي السهر يا بالديوانيه يا بالشاليه

وهالشي ينرفزني ووايد انتهاوش على هالسالفه علما ان اهو ينام بالبيت وساعات يتغدى بالبيت

بس العشا الاكثر بره البيت والسبب انه قاعد مع ربعه

احيانا يسهر لي الساعه 3 و4 واحيانا لي 6 الصبح واحيانا ادق ومايرد واحيانا يرد
ساعات يقولي اتعمد ما ارد اعرف شنو تبين تقولين لي علشان جذيه ما ارد

وهالسالفه حيل متعبتني وياه لاتقولون لي سوي جو رومانسي اسوي وما اقصر بس انا حامل وبشهري وبالايام الاخيره يعني احتاجه وايد او يمكن انا فاضيه وايد علشان جذيه ابيه يمي او يمكن ابي دلع وايد

ماادري بالضبط ليش ما اقدر اتحمل سهراته وفيني طبع ان انا ابدا ما اعتذر حتى لو غلطت ما اعتذر يعني اهو غلطان مو غلطان لازم ياخذ بخاطري لاني جربت اعتذر له اذا غلطت استانس فيصير يكابر ويردني فهالشي يحرني وايد علشان جذيه دايما اقوله انا ما انزل راسي انا بنظره متكبره 

يابنات انا جد تعبانه من سالفه السهر كل يومين او ثلاث نجره قولولي شالحل ؟.


انزين اللي ريلها نفس ريلي شنو تسوي اشلون عايشه ومتقبله الوضع
لان اهو يقول كل ربعي *جذيه ؟ معقوله حريمهم غير عني ؟

اترك المايك لكم

 

[مياسه الحساسه]

حبيبتي خل اقولك شي
اغلب الرجال يسهرون مع اخوياهم الا من رحم ربي
وسالفة انه مايرد على اتصالاتك ... في رجال كذا لا كانو مع اخوياهم ما يحبو يكلمو زوجاتهم
تدرين ليش ؟
عشان ما يقولو ماله شخصيه او حرمته تمشيه على كيفها
اغلب الرجال تركيبة مخهم كذا وش نسوي فيهم
انتي اشغلي نفسك
ويوم يطلع لا تحسسيه انك متضايقه خلك عادي
ولا تتصلي عليه مهما تأخر ..صدقيني حيسأل نفسه وش فيها ما تتصل وش لاهيها عني
شوفي هاذا شي انا احاول اطبقه
انتي كيان منفصل عن زوجك لا تربطي سعادتك فيه
عيشي حياتك بالطول والعرض ... وخلي اللحظات الي تجمعكم احلى لحظات
والله يوفقك يارب ويسخرلك زوجك

 

[ام يزن-2]

لا تربطي نفسك بة واشغلي نفسك
دحين ادا ما خرج كانو قاعد على قلبي

 

[الملح زايد]

المشكله ان انا راضيه يطلع ويستانس ومامنعته من ربعه بالعكس وساعات اعطيه رايي بلبسه بس السالفه انه من الغدا يعني من ٣ العصر لي ٤ الصبح وايد
انا عايشه حياتي واقوم بكل واجباتي بالبيت واطلع واروح وازور بس لي صار الليل محتاجينه ابي اتقبل الوضع ماني قادرة

 

[متعومسه]

غلااتي ..

مرت فتره ع زوجي قبل نفس الحااااله .. وانا كنت اداوم الكليه وارد البيت انام اقعد المغرب هو مو موجود ، وانام وهو برّا يرد الفجر ، وقتها زعلت وتضااايقت وقعدت ويااه وتناقشنا ( بآسلوووب ) .. لآن الرياجيل مايحبون المرَه اللي تبي تحكمهم وتفرض رايها ..
قلت له كم صارلنا ماسهرنا ع فيلم ؟ .. كم صارلنا ما قعدناا قعده حلوه والله اشتقت لك واحس فااااقدتك حيل < ومن هالكلاام .. قال ذولا ربعي بتحرميني منهم قلت شوف .. يومين لي وثلاثه ل ربعك ، ع الاقل ما احس اني زوجتك بالاسسسم .. قال احااول .. وبعدها شوي شوي صار طبيعي يومين سهر ويومين ووياااي ..

اللي بوصله لج سايسييييه .. والله الرجال يجي بالاسلوب قولي انا حاامل ومحتاااجتك يمي .. وان شاءالله تنحل اموورج ..



موفقه يَ قلبي ..



/

 

[سہكہـرهـہ وذآبہــہـت]

مثل الحآله
وكنت انطره واسهر عشانه
بس أهوا حده الساعه 1
بس هم وآيد
اخر شي قمت اطنش وانام واخليه
ولا قال ليش مانطرتيني
اقوله حامل وتعبانه ومافيني شده على السهر
شوي شوي لما تغير وصآر احسن من قبل

 

[shak!shoka]

من الغدا لي ال ٤ الصبح صراحه واااااااااايد !
دقي عليه قوليله مسويه عشا تعال تعشا معاي
و مره تعبانه اسم الله عليج
و مره خايفه لا تولدين
امممممم

عاد السهر صج مغثه انا جربتها فتره بس بعدين تعدل الوضع لانه جابل دوامه عددددددل و يا حرام ينكرف كراف
بس انا اخس منج
دوامه شفتات و اذا رد اطنقر ليش منفس ليش ما اضحك ليش ما تسولف والله يكسر خاطري يقولي طول اليوم دوام ابي ارتاح !!

ميخالف تحملي
فتره و تعدي

 

[الأميرة جوري]

الله يعينج ....صارحيه وتفاهمى معاه بهدوء ...ولازم يخصص لج ليله لج مو كلها مع ربعه ..

 

[شذى الحب]

الله يعينج

 

[الدنيا غدارة]

حاسه فيج خصوصا يوم كنت حامل ابي ريلي يكون دووم يمي والله الحامل تكون حساسه حيل وتحتاج الريال يكون يمها حاولي اتقوليله ان انتي في هالفترة محتاجتله وايد

 

[الملح زايد]

كل شي سويته حتى ساعات ادق عليه اقوله تبي اسويلك عشا يقولي توني متعشي او ساعات يقولي طالبين من المطعم وناطرين العشا
واذا قلت له محتاجتك اقعد يمنا يقول انا موجود يعني وين بروح يعني كل شي اقوله عنده رد جاهز لدرجه ان ابي اتعلم اشلون يكون موضوع السهر عادي عندي مابي هالشي يحرني ويضايقني
الله يهديه ويهدي كل زوج نفس زوجي

 

[مارشميلو..]

لا حبيبتي ليش تبين تعلمين نفسك ان موضوع السهر شي عادي !!!!!!!!!!
لا مو عادي ولاحد يضحك عليك
مو طبيعي رجال متزوج يطلع من بعد الغدا مايرد الا الفجر هذا ليش متزوج بالله؟؟؟؟؟؟
قولي له انا ماتزوجت عشان اقعد بالشقه لحالي تزوجت عشان ابيك تكون معاي قولي له مااحس اني متزوجه مثل الناس
لاني كله قاعده لحالي مو معقوله انام بالليل لحالي وانت برا ليش مو زوجتك مالي حق حليك
قولي له اخاف اقعد لحالي
بس بدون صراخ هالكلام بصوت هادي بس بيني له انك متضايقه من هالوضع
واذا لازم يسهر يسهر لحد 11 ولا 12 ويرجع
ولا يومين بالاسبوع مثلا
انتي الاولى وانتي الاهم من ربعه
الربع مامنهم الا الخراب حتى لو زوجك زين وماعنده خرابيط هم بيخربونه ويعلمونه
وبعدين ليش مايرد عليك اذا دقيتي خايف منهم يعني !!!!!!!
حاسب لهم حساب وانتي لا
يا حبيبتي لازم تحطين حد لهالوضع لانه لايحتمل
مابي اشيشك بس انا حطيت نفسي بمكانك وبصراحه هالشي مستحييييل اتقبله
وماتنلامين لي تضايقتي
والله يهديه لك ان شالله

 

[منووله مشعل]

الله يعينج

قعدي معاه بهدوء وكلميه وكل شي بالتفاهم ينحل وشوفي شنو اللي مولاقيه بالبيت ويلقااه عند ربعه

انا نفس مشكلتج قعدت معاه وعمك اصمخ

الله يعينا بس ​

 

[محتارة وبصيح]

لا تحاتين عقب الحمال بيتغير وبقعد بالبيت 24 ساعة عشان البيبي

 

[قلبي سلومي]

انا مثلج واردى

انا يقعد من المغرب لغاية باجر الظهر

رغم كل شي موفرة له

بس شسوي كلمت وصارخت ماكو فايدة

 

[فله]

نفس الحاله
صرت انام واخليه بلعنته راح عمري اراضيه
لا والاخ بعد مايسوي مشاويري عشان ربعه

 

[♥ ݤليے ﻁﻔووله ♥]

حياتي انا وياآآج سيييم سيييم
انا بدخل شهري ونفسيتي زفـــت استغفرالله ياربي واهوا كله سهر وعشيات مع ربعه انا حتا غدا مايجابلني عليه يوم كامل ماشوفه صاآر عاآآدي .. وهم مايرد اذا دقيت يعني مثلج واخسسس

بس تدرين انا رحمته ورحمت حالي يعني انا من حملت نفسيه عليه ومتوحمه فيه زين منه متحمل نفسيتي وعصبيتي من حقه يستانس صج مولهدرجه بس انا بسسكت عليه لان بنهايه هذي فتره وتعدي اهوا مضغوط وانا مضغوطه

وبالبيبي اليديد كل شي يتغير ... بس انتي الحين لاتزعلين ولا شي وكل مادخل عليج فجي الكشششره على كبرها ولاتبينين انج متضايقه لانه مادق او تاخر خلييج عادي .. شلج بالزعل بينكم وانتي جم يوم وبتولدين خلي النفسيات اوك



ادري اني قرقه بس ميخالف تحملو

 

[aloooya]

الله يعينج

 

[Model Look]

كل شي بالتفاهم يصير

حاولي تفهمينه انج محتاجته وانه تبين تقعدين معااااه

 

[الملح زايد]

والله العظيم اني حاولت بكل الطرق خذيته بالكلام الحلو ماكو فايدة بالهواش ماكو فايده
لدرجه اني صرت اقوله خلنتطلق شنو ماخذني تحفه بالبيت انا وياه عشرة عمر والبيبي هذا مو اول واحد
يعني عنده عيال اقوله بناتك محتاجينك حتى كلمه يبه يشتاقون لها
والردود عنده جاهزة انا مو بس بشهري الا بخلصه يعني هالايام وايد محتاجته
اشكثر اقوله اخذني مشيني نص ساعه وردني كله انشالله بس بالصج عمك اصمخ
في احترام بيننا بس بديت انقهر لان لما يكون قاعد وياي بالبيت يدق عليه رفيجه
يقوله وينك ؟ اشعندك بالبيت ؟ تعال انا بالديوانيه بروحي ؟ وهذا مايصدق خبر يروح على طول
يعني رفيجه حرام يقعد بروحه بس انا عادي
اللي صاير الحين يابنات اني انام ودمعتي على عيني ابي انام وانا مرتاحه واقول بالطقاق واذا مارد شالمشكله بس ما اقدر