اللي رايحين ماليزيا يفيدونا بليييز

[كويتية وقلبي سعودي]

صباح الخير خواتي

انا ولا مره رحت ماليزيا ومن كثر ما اسمع عنها ودي اروح لها

وان شاء الله بنحاول نروح شهر 5 اذا ربي اراد

بس بسأل اللي رايحين ماليزيا في اسواق رخيصه ممكن تييبين منها بضاعه مثل جناط تقليد بس شي مرتب مو خرابيط

وقمصان وشغلات فناتق تكون اسعارها معقوله عشان نقدر نبيعهم باسعار معقوله بعد

بليييز اللي تعرف تفيدنا باسم السوق

ولكم مني جزيل الشكر

 

[كويتية وقلبي سعودي]

شدعووووه كل الكويتيات تاجرات وسيدات اعمال

ولا وحده فيكم تعرف الاسواق !!!

 

[بطه فيها نطه]

البافيليون .. فخم و كبير و ممتع .. فيه محلات تبيع البضاعة المحلية الماليزية و خاصة الأحذية ( أعزك الله ) بأسعار معقولة جدا ..

بي بي بلازا .. سوق متنوع يغلب عليه الملابس و الاكسسوارات و الأحذية للجنسين و اسعاره جيده

سونغي وانغ .. نفس بضائع بي بي بلازا .. و ملاصق له .. و مفتوحين على بعض من خلال ممر

برجايا تايمز سكوير .. سوق متعدد الطوابق و به مدينة العاب تعد الاكبر في ماليزيا كمدينة العاب داخلية .. سوق متنوع من البضائع المحلية و اسعار جيدة

سوريا مول .. يقع في مبنى البرجين .. الى جانب محلات الماركات العالمية الشهيرة توجد بعض المحلات التي تبيع البضاعة المحلية باسعار ممتازة ..

لوت 10 .. من 3 طوابق على ما اعتقد .. محلات غالية

سوقو مول .. اوتاما ون .. تحتاج لتاكسي و مسافة لا تقل عن 15 دقيقة ويحتاج 3 ايام يالله تخلصينه

وأحب أضيف سوق الميغا مول (مدفالي ) أسعاره رخيصه ومناسبه للكل

وملاصق له مجمع جديد إسمه (ذا جراند)ويتصل مع ميغا مول بالدور الثانى

عن طريق جسر من الزجاج..

وشوق شعبي رخيص جدا اسمه ميادين

بس بكل صراحه تايلند او الصين اوفرلك ليه بغيتي التجاره ... اما ماليزيا اسعارها مقاربه للكويت وازيد شوي

 

[كويتية وقلبي سعودي]

يعطيج العافيه حبيبتي وماقصرتي عالرد

انا ما ابي بضاعه بس اللي وحده تصير لي بتروح معانا وودها تشتري بضاعه عشان بتشارك في معرض

 

[حـلا و ذوق]

بخصوص ماليزيا ماتعتبر غالية !!! ابد ابد بالعكس اسعارها وايد زينة !!!

اذا تبين شناط تقليد عندج سوق الـ جاينا تاون chaina town وماهو بعيد عن كوالا اظن اقل من 20 دقيقة بالتاكسي ..

مجمع سيام سكوير هم يعتبر جدا رخيص عنده محلات وايد سعر الحبة بدينار ..

ورحلة موفقة

 

[كويتية وقلبي سعودي]

تسلميييييييييييييين حبيبتي عالمعلوومات الحلوووه ماقصرتي

والله يهون عليج حملج وتولدين بالسلامه يارب