اللي رايحين ايطاليا ياليت يساعدوني

[Om Weldy]

مــــــــــســــــاء و صبااااح العسل


احنا مفكرين ان بعد رمضان نسافر انشالله

و مفكرين ايطاليا مع بريطانيا ,,

الله يخليكم ابي اعرف كل شي عن ايطاليا .. المناطق الحلوة و شنو فيها ؟؟ ابي احسن و احلى المجمعات و ابي اعرف اذا عندهم اوت لت ؟؟

و ابي بعد المجمعات اللي تصير بضاعتهم حلوة و سعر معقول

ابي اعرف الاماكن السياحية الحلوة

و قواااكم اللـــــه :ggdw:

 

[حـلا و ذوق]

ايطاليا رحتها وماعجبتني بصراحة

فيه شارع معروف عندهم اسمة بوينس ايريس كله محلات بس نعروفة وعندنا معظمها,, خلي سكنج فيه

وفيه ساحة الدومو ,, ساحة فيها حمام وكافيهات

بس فيه عندهم2 اوت ليت كبار ينراح لهم من ميلانو واحد اسمه الفوكس تاون يعتبر داخل منطقة اسمها لوقانو داخل سويسرا ةفيه باصات سياحية توديج بس صراحة المحلات تسوى و الاسعار عجيبة تقريبا المسافة ساعه

والاوتليت الثاني ناسية اسمه الحين بس بعد يسووووى

رحت منطقتين على البحر اسمهم ريميني و ريتشيوني تقريبا 5 ساعات من ميلان

 

[!amorra!]

ماقصرت حلا

 

[مس سووسوو]

انصحج باوت لت سرفالي يبعد عن ميلانو تقريبا ساعه
اسعاره معقوله
وبضاعة العام

 

[_زينه_]

ايطاليا مو حلوه وحاره شتبين فيها !!

ليش ماتردين لندن واسكوتلندا يتراوالي احلا

 

[كلي تكانه]

مرحبااااا عاد انا ميته علي ايطاليا احس انها حلوه

بس شنو اون لت

 

[nadia123]

مانصح تروحين ايطاليا فنادق تعبانه وفيها سرقات وايد وانا رحت مافيها شى لامجمعات ول اسوقه مثل الناس والعصابات منتشره عند الفنادق وانا امقت ثانى يوم

 

[رشـيـديـﮧ زوغـﮧ]

بنات سلون الوضع بعد الزلزال ودي اروح بس خايفه​

 

[Om Weldy]

واااي لا تحبطوني (((((

عااد احسها تينن

شلون جوها مو بارد ؟؟

ودي اعرف عنها اكثر

 

[كويتية تكفي مية]

بالعكس ايطاليا حيل حلوه انا رحت لها بدخلة الشتا جوها عجيب طول الوقت مطر ،، واساسا ميلانو عاصمة الموضه شلون مو حلو الشوبينغ هناك
الاوت لت فيه سيرفالي بميلانو اعتقد وفيه الفوكس تاون بسويسرا قريبه حيل من ميلانو
وبالعكس الناس وايد طيبين ومحترمين انا قعدت فيها اكثر من اسبوعين لا احد باقني ولا هجمت علي عصابه والاوتيلات شحلوها
بس اللي سمعته انها حاره بالصيف وانا بصراحه ماجربتها بالصيف

 

[زهره الريف]

أيطاليا حلوة بالعكس انا رحت ميلان وفندقنا جريب من الدومو وكانت اﻷجواء ممتعه والشوبنج عجيييييب بس السرقات موجودة ولدي انسرق اﻷي فون ماله بالمحل صاحبه المحل اسرقته يعني كن نخاف شوي من السرقات بس كبلد ممتع

 

[زهره الريف]

رحت فينيسيا ماعجبتني خيسه حر بس اذا حابه تروحين تشوفين المنطقه ولا ماتسوي تروحين لهأ

 

[&موناليزا&]

حبوبه روحي ميلان وفينسيا

سيرفالي اوت لت يبعد عن ميلادن 45 دقيقه
وروحي اوت لت فوكس تاون على الحدود الايطاليه السويسريه

روما بس متاحث وزحمه

 

[lميوره]

صج موحلوه عاد ناويه اروحلها

 

[رحيق القلوبْ]

. حبيبتي توكلي على الله وروحي ... ا. انا رحت لميلانو مرتين سوقها حلو ..وفنيسيا صج حاره لكن متعه فيها ....ومن باب التغيير..... بس حطي ببالج انها غير عن باقي اوربا من ناحية الجو والطبيعه ... وترى الناس اذواق .. وانت بخاطرج روحي......

 

[tolay]

انا جذي احس ايطاليا عاديه

لانه قالولي مومطوره كثر الدول الاوربيه ثانيه

 

[^عنقود عنب^]

واااااي بنااات ليش تحبطووووووووون ترى حتى انا بروح ميلان ضيقتوا خلقي

 

[كويتية بروما]

حياتي
روما حاره بس الباجي الجو زين
بس ابرد من الكويت يعني ان صار وايد حر 32 حدها 33 هههه حر صح
احلا وقت وجو شهر 10 و4
والتنزيلات اول شهر 7 وشهر 1
في روما اوت لت اسمه كاستو رومانو
ومجمعاتها
باكو ريننادو عند المطار فرمتشينو
ايرو روم دوي بمنطقه ايور انا ساكنه قريبه منه
روما ايست
وفي اوت لت اسمه فاشن اوت لت فمنطقه فلمنتوني يبعد عن روما ساعه
وعندج منطقه اسمها فلورنس فيها اوت لت اسمهthe mall كل الماركات فيه من الكسندر مكوين وبرادا وقوتشي الفي الخ الخ تبعد عن روما 3 ساعات روحي بقطار او طياره
ترا الديره اماااااااااان موطبيعيالحمدلله صار لي 3 سنين عايشه فيها لاعصابات ولا حراميه بليل متاخر قعدي بالفندق محد له شغل فيج
شوفي للتسوق مو طبيعيه كل شي فيها غريب عجيب ورخيص مقارنه بالكويت
والزلزاال سمعت فيه هههه ماشفته
واتمنى اني فدتج

عنقود طبعا ميلان ع كلام الناس اللي اعرفهم وراحو لها يقولووووون شي دنيا ثانيه روحي وراح تستانسين وااايد

 

[دآنة آلرشآيده]

مادري انا ماعجبتني انا رحت لها من زمااان
يمكن الحين صارت احلا بس حر

 

[درابيل كويتية]

أختي توكلي على الله وسافري لايطاليا على الأقل تشوفين ديرة مارحتي لها من قبل والناس أذواق،،،،،
بس نصيحتي اللي يروح لايطاليا لازم يمر فينيسيا (المدينة العائمة) وركبي الجندول وعيشي جو ثاني وجربي الماسكات اللي تشتهر فيها فينيسيا،، بس خلي جنطتج تحت ايدج بالباصات والاندرقراوند من الهنغاريات والمغاربة...
والتسوق عندج ميلانو عاصمة الموضة والبنات ماقصروا بأسامي المحلات.....