هلا والله حبوبه
انا رحت امريكا ولاية فلوريدا تحديدا اورلاندو عند disney world
انا انصحج تروحينها و تقعدين عالاقل اسبوعين (انا قعدت اسبوعين و ما كفونا
)
بيستانسون اليهال واايد ان شاء الله (حلاته الواحد يروح لها و اهو ياهل اذا كبروا ماراح يستانسون وايد)
طبعا اكو فنادق بدزني وورلد وايد حلوين اذا تبون تسكنون فيها لانها تكون يم الkingdoms الي اهما الحدايق ملوت دزني
اكو اكثر من مكان و بكل مكان يبيلج عالاقل يوم لانه زحمه و المكان كبير حييييييل
احنا كنا نروح كل يوم مكان و يالله نخلص
و اذا سكنتي بالفندق، اكو عند كل فندق محطة باصات مالت دزني طبعا توديج من الفندق لي الحديقه الي تبينها و بالليل تردج ( كل 20 دقيقه تقريبا ايي باص)
وايد وايد حلوه اورلاندو انصحج بعالاقل اسبوعين فيها تروحون فيها دزني و يونيفيرسال ستوديوز و المولات
و اذا انتي تقولين حدج 20 يوم انا اقول تروحين لوس انجلس ( بس يقولون وايد زحمه بالصيف)
و تقعدين 10 ايام بفلوريدا و 10 بكاليفورنيا (لوس انجلس) لانهم احلى ولايتين و اونسهم للكبار و الصغار
و اذا تبين شي ثاني او تفاصيل او جدول لا يردج الا صبعج
بس حسافه انكم بتروحون بالصيف لانه زحممممه موووت توقفون حق اللعبه مو اقل من ساعه ( من جذي اقولج ما يمديكم تخلصون كل الparks بيوم ) ، احنا رحنا بالربيع عطلة نص السنه و كانت فااضيه احلى و مافيها عرب
