اللي راحو للطائف ممكن

[mj2009]

السلام عليكم بنات انا ابسافر مع عيالي للطائف بعد عشر ايام ودي اعرف الجو هناك بارد وإلا حار علشان احسب احساب الملابس لعيالي وبعدين انا ماراح أخذ الخدامه لان السياره ماتكفي واشرايكم اللي جربو بدون خدم ماازهقو مثلا وانا عندي سبعه اصغرهم سنتين ودي تفيدوني شنو اخذ معاي لوازم الطبخ لان مابي اعيالي يتسممون من بعض المطاعم
ادري طولت عليكم بس ياليت ماتبخلون علي باي تجربه من تجربكم في السفر مع اعيالكم لان اول مره اسافر للطائف والله لايخليني منكم
وبغيت اسال احسن الطائف والا الشارقه لاني انا احب الشارقه
وزوجي يقول الطائف

 

[قلب امي]

السلام عليكم الطائف جوها بارد وها الايام مطر كثير حتى في الرياض وجوها يميل للبوروده في اليل تقريبا---- تروحين بسلامه وتجين بسلامه امين

 

[mj2009]

الله يعطيج العافيه اختي بنت الملك فهد وما قصرتي
وياليت البنات يفيدوني بعد
وما تقصرون

 

[q879]

http://travel.maktoob.com/vb/

اختي شوفي الرابط

 

[شهدQ]

انا اقول الشارقه وتتسيحون بدبي احلى دوله لليهال الامارات الطايف احس تعب عليج

وانتي براحتج

 

[أحلام العمر]

انتي رايحه تستانسين اخذي الخدامه احسن لك انتي بعد عندك اطفال ةالله بيضيع الوقت عليهم اخذيها تعاونك احسن
الطايف روعه وفعلا بالصيف تري بارده لا تاخين اكل من الكويت عندك الجمعيات هناك فيها كل شي ان جان بتاخذين اخذي للطريق بس

 

[mj2009]

يعطيكم العافيه وماقصرتي اختي على الرابط
وشهد Qانا معاج لامارات عجيبه تونس الكبير والصغير بس ليش قلتي ان الطايف اتعب ياليت تشرحيلي اكثر علشان اشوف السلبيات

 

[.:. عبرة مُوادع .:.]

الطايف جوها حلووووو

وبالعكس شهد جهالنا العام استانسوا فيهااا

اما عن اللوازم ماعرف بهالسوالف ..

 

[عنايد]

من ناخية الجو اكيد الطايف احلى مايبي له كلااااام
ومن ناحية السياحه لاتحاتين الطايف صايره تهبللللل بين كل منتزه ومنتزه منتزه:eh_s(6):
ولاتحاتين الجهال من ناحية الوناسه بيستانسون ان شاء الله كل شي فيها يونس بعدين منتزهاتهم مكشوفه كلها بالهواء الطلق وياا سلاام عالهواء الطلق شي يرد الروووح ومن ناحية اللبس لبسيهم صيفي عادي بس نصيحتي اخذي خدامتج يعني اذا عالمصاريف ماجت عليها انتم عايله ماشاء الله اللي بكفيكم بكفيها معاكم رووحي الطايف وانتي مغمضه
لكن السوق مو ذاك الزود الامارات احلى

 

[شهدQ]

انا قلت تعب عليج لانج راح تتعبين بالاكل اهلي راحو ماعجبهم اكلها عكس الامارات كل مترين مطعم وانتي مامعاج خدامه بتهلكين

ضيفي ان دبي راح تونس عيالج وتونسج

مدينة الثلج وعالم الطفل ومجمع صحارى والسوق الصيني العابه تينن وبلاش هذا لعيالج

اما انتي الاسواق والمجمعات تونس لج

فاهمتني يعني تصلح لج ولعيالج مافي مقارنه دبي احسن

 

[سنبلة]

السلام عليكم اختي انة بروح الطايف انشاء اللة شهر8 ومعاي عيالي بس هالمرة راح اخذ الخدامة معاي لاني جربتها قبل بدون خدامة وتوهقت مع اليهال يعني تمسكهم شوي بالطلعات والسوق يعني تخفف عنج الحمل شوي وبالنسبة للجو حلو يعني يوم شمس ويوم مطر ويستحسن انج تاخذين معاج بلوزات جمها طويل بس موثقيلة علشان طلعات الليلونصيحتي لج لنج تسكنين بمنتجع مو بشقة وتروحين وتردين بالسلامة



ســـــــــــــــــــــــــــــــــمـــــــــــــــــــــــــــــبلـــــــــــــــــــــــة

 

[mj2009]

الله يطيكم العافيه ومشكوره على الردود وابروح للطايف على كلام الغلبيه
وانشاءالله اباخذ الخدامه معي صصصج كلامكم انا رايحه اتفسح ماني رايحه اخدم وانشاءالله قبل الطايف راح ازور مكه المشرفه وبدعي لكل من ردت علي
دعوه للدنيا دعوه للاخره ومشكوريين
يااحلى منتدى

 

[عنايد]

حاضرين للطيبين

 

[توت عنكبوت]

الطايف جوها روعه وكل خطوتين مكان العاب للأطفال والجو حلو

بالنسبة للأكل كل شي متروس بالسعودية وارخص من الكويت ونصيحة اخذي خدامتج معاج تخدمج

لو تقعدينها فوق ركبج

 

[كويتيه مول]

الطايف جوها روعه وكل خطوتين مكان العاب للأطفال والجو حلو

بالنسبة للأكل كل شي متروس بالسعودية وارخص من الكويت ونصيحة اخذي خدامتج معاج تخدمج

لو تقعدينها فوق ركبج

هههههههههههههه ايه والله قعديها على ركبتج ولا تخلينتها

 

[ريااانه]

الطايف تجنن وتغيير بعدين انتي ماتبين جو اطايف على كيف كيفج الامارات حلاتها بالربيع لان الصيف رطوة وخيسة والواحد رايح يغير اما السوق ملحوقة عليه
وترى بالطايف مجمعات حلوة منها جو ووناسة وتسيوق اذا تبين بس منتزهاتها تهبل عائلية وبتستانسين اما خدامتج لاتخلينها نصيحة

 

[al7reyaa]

بنات
انا ابي نصيحه الجمعه بمشي بروح الطايف
عندي ولدين 3و4 سنوات بدون خدامه
شنو تقولون ماكو مطاعم اللي راحت الله يخليكم عطوني اسامي موجوده هناك مطاعم ومنتجعات ومجمعات وشنو فيها بالضبط

 

[al7reyaa]

من امس الموضوع ولا احد رد

الفير بمشي

ادعولي