اللي راحو تركيا يدشون بلييز

[تعب-قلبي]

بنات شلونكم

ودي اروح تركيا على شهر 1 وبعرف بيكون برد والا عادي
وبعرف جم تقريبا سعر تذكره السفر
واسم الفنادق اللي سكنتوها اذا كانت زينه واسعارهم
وشنو احسن المناطق ابي حق تسوق وهل فيها اماكن لليهال بودي معاي بنتي عمرها سنتين
وجم تقريبا اخذ ميزانيه غير التذاكر والفندق
واسم الاسواق الحلوه
انا رحت ماليزيا وعاجبتني وودي اغير شرايكم انتو

وبليز لا تخيبون ظني املي فيكم

 

[تعب-قلبي]

معقوله ولا رد

 

[wardh_7mrah]

اليوم طيارتنا لتركيا بس أرجع أعلمج وأحلى أبـــــ لعيونج​

 

[aya faid]

تعبت قلبي

توني كنت بحط موضوع بنفس استفساراتج بالظبط


وهم رحت ماليزيا وابي اغير


اتمنى البنات يفيدونا

 

[فـدوه]

تركيا وايد حلوة, انا رحت اسطنبول مرتين و في كل مره تعجبني اكثر من الثانية.

بالنسبة حق الفنادق: الهيلتون و سويس هوتيل حلوين و اسعارهم مناسبة
بالنسبة حق اماكن الأطفال ماعندي فكرة
الأماكن السياحية حق الكبار وااايد, منها متاحف و مساجد و جزيرة الأميرات بعد و رحلات بحرية الخ بالإضافة الى البازار و بازار البهارات و في وايد مولات راقية جدا( جواهر,استينيا بارك, كانيون الخ..) و بعد في التقسيم هذا مكان مثل الساحة الكبيرة فيها مطاعم و محلات ملابس تركية
انتي هم سالي الكونسيرج يعلمج و يدليج

انا مادري جم ميزانيتج فماقدر اقولج شكثر تحتاجين

و عليج بالعافية مقدما

 

[شهرزاد الحكاية]

انا توني راده من تركيا
بلد رائع انصح الكل يزوره صج لايخلو من العيوب يعني نفسية الاتراك شينة وانجليزيتهم مشكلة وهم فيها شوية حركات نصب وحرمنه بس هم حلوة وجملية ولها نكهتها الخاصة ...

السوق عندهمممم رووووووووووووووووعه خصوصا بضاعتهم ومحلاتهم اللي ماعندنا منها ... تلاقينهم بكل مكان عثمان بيه و شارع الاستقلال و مول جواهر و مول ميترو سيتي وفورم اسطنبول كلهم يهبلون بلا استثناء ...

انا سكنت بفندقين ... نيبون هوتيل بتقسيم و لفني بسلطان احمد عجبني لفني حيييييييييييييييييييييل اكثر من نيبون ... وايد راقي وخدمته روعه ومكانه استراتيجي ويمه مطعم لازم لازم تروحين له احلى مطعم كلت فيه بحياتي ... اسمه ذا هاااان اكله تركي بس شنو لذيذ روووعه

هذا اللي ذاكرته حاليا واي اسئلة انا حاضرة ​

 

[قلب وردي]

شهرزاااد ياريت تعطينااا اسامي محلااات بضاعتها حلووووه وموموجوده بالكويت ماااااعليج امر ياقلبي

 

[نوفه~]

شهر 1 بيكون بررررد

و بورصه ثلج انصحج تروحين بورصه بتستانسون بالثلج

بورصه تهبل طبيعه و جبال و شلال و تلفريك
وفيها مولات وااايد زافر مول اس مركز اناضول مول و الالعاب عندج لونا بارك

اما اسطنبول كافي البسفور يرد الرووووح و القعده بالكافيهات اللي يمه ما تنمل و كل مكان بتلاقين محلات اكسسوارات يدويه و شغلات تعجبج و المولات يا كثرهاااااااااااا احلى واحد و ارقى واحد استينيا بارك كل شي فيييه و طبعا لا تنسين شارع تقسيييم كل شي فيه و طوووويل بتتعبون بالمشي و اجرولكم يخت تاخذون لفه بالبسفور - فندق فورسيزون وايد حلوووو

تركيا اتيينننننن

 

[نوفه~]

بنات من تروحون هناك تلاقون ماركات اول مرة تشوفونها صناعه تركيه
موديلات اتينننننن و كوالتي يعني لا تحتارون باسامي المحلات و تتقيدون
خصوصا استينيا بارك الدور الاخير فيييييييه ماركات تركيه روعه و اذا عندكم حفلات قريبه انصحكم تشترون من هناك شي راقي مثل لبس سمر و نهال و فيروز خانم لوووول و احلى

 

[aya faid]

الله يوفققكم

 

[دلوعة أبوهآ]

انا صراحه توي راجعه من اسطنبول وكرهت عمري والساعه اللي فكرت ازورها فيها ..
بلد زحمه زحمه زحمه ..
اخلاق الاتراك جداً سيئه ..
تكاسي جداً غاليه ..
والاكل في المطاعم ماعجبني عكس مطاعم بيروت الاكل لذيذ ..

والجو الحين في الظهر حااااااااااااااااااااااااااار والشمس قويه


باختصار ابداً ماحبيت تركيا ولا فكر ازورها

 

[فراوله زوجي]

انا رحتلها شهر ٧
وروووووعه اسطنبول سكنا بفندق ارسين بشارع تقسيم بس انصحج بـ فندق إليات وورد ( ٥ نجوم )
وفيها شارع الاستقلال عجيب هالشارع كل الماركات تلقينهم هناك
والمجمعات وجزيره الاميرات وتل العرايس والمتاحف واحلى شي صوت الاذان
وبعدين رحنا ابانت وقعدنا فيها يومين بس مع ان كنا بالصيف كانت باااااارده وكوتاتنا علينا من البرد
وبعدين رحنا لبورصه بس ماحبيتها بسبه فندقنا هوليدي ان كااان حيييييل بعيد على حدود بورصه يعني لمن زهقنا ماكنا نطلع نقعد بغرفتنا لان ماكو حولينا مكان
ورحنا ليلوا وتيرمال << الماي الحار يريح ويونس

 

[فراوله زوجي]

اما ع اليهال والبه ما اعرف وانا من معارضين السفر مع اليهال

 

[تعب-قلبي]

مشكوورين كل اللي ردو
ودي اعرف البضاعه بشهر ١ بتكون شتويه والا عادي صيفيه بما ان الجو باارد
لان مااحب اشتري ملابس الشتا
وتعتقدون بضاعتهم وملابسهم احسن من ماليزيا
وجم تبعد بورصه عن اسطنبول وشلون تروحونلها

 

[شهرزاد الحكاية]

اختي المسألة اذواق انا عن نفسي عجبتني حييييييييييييل

والله اشتقت لها ...ابي ارجع

حتى الجو بالليل رووووووووووعه براد والنهار لبسي لبس صيفي ومع كاب يمشي الحال الجو بالظل بالنهار حيييل حلو ...

اسماء المحلات الحلوة اللي عجبوني هنااااك

ال سي وايكي L C wikke

وكوتون عندهم بضاعته غييير وارخص من عندنا حييييل cotton

كولوزيون collizone

مافي mavi

هوتيك hotic

إلي elle

فلو Flo

kiki rike

repuplic fashion

هالمحلات روووعه اشوية عليهم واسعارهم تقريبا بلاااش اينون

ومثل ما قالت وحده من الخوات مولاتهم ومحلاتهم كلها روووعه والله انا عجبني اكثر من سوق ميلانو اللي طايرين فيه

وعليج بالعافية مقدما وتذكريني هناااااك

اي استفسار من عيوني ​

 

[شهرزاد الحكاية]

مشكوورين كل اللي ردو
ودي اعرف البضاعه بشهر ١ بتكون شتويه والا عادي صيفيه بما ان الجو باارد
لان مااحب اشتري ملابس الشتا
وتعتقدون بضاعتهم وملابسهم احسن من ماليزيا
وجم تبعد بورصه عن اسطنبول وشلون تروحونلها

اهي البضاعة الشتوية نزلت من هالايام ترى حتى بالكويت حاليا البضاعة شتوية بس احتمال ينزلون كولكشن الربيع على شهر واحد ... انا لقيت بعض بواقي بضاعة الصيف كانوا منزلين عليها وقتها .....

ومعاج حق ماعندنا شتا ماله داعي نشتري هدوم شتوية :eh_s(15):

انا عندي بضاعتهم حيييييييييييييل احلى من ماليزيا :eh_s(7): بس مثل ماقلت لج الناس اذواق​

 

[تعب-قلبي]

شهرزاد الحكايه مشكوره ماقصرتي وهذول المحلات. بأي مجمع؟

 

[فطووومة]

عليكم بالعافية

وهذا خوووش موضوع لكم


http://www.q8yat.com/t862827.html

 

[قلب وردي]

مشكووووووره شهرزااااد الحكايه
بس هالمحلات اللي ذكرتيهم بأي مجمع نلقاهم ؟؟
وهل نلقاهم بتقسيم بشارع الاستقلال ؟؟

 

[تعب-قلبي]

دخلت عالرابط بس مذكور فيه اللي باسطنبول ومافي شرح