اللي راحت ماليزيا اسبوعين تكفى تفيدني

[الحب والجمال]

بنات تكفون ساعدوني بعد اسبوع بروح ماليزيا وانا انظميت مع قروب بس المشكلة القروب ما فيها الكاميرون وانا بخاطري اروحلها

وجدول القروب اهو جنتنج-كوالالمبور-الأحصنة الذهبية

سؤالي لكم كم آخذ معاي فلوس ومثل ما قلت بروح الكاميرون واحجز فندق هناك على حسابي كم تقريبا تكفون بنات ردوا علي بسرعة ومثل ما تعرفون مطاعم وسوق

 

[كنترول]

الاحصنه الذهبية فندق مو منطقه
المنطقه اسمها سلانجور
وهالقروب بختصار ما طلعوج برا العاصمه
لان سلانجور وجنتنغ كلهم بكولالمبور
ليش ما رحتى جزر بييانج ولا لنكاوي ؟؟؟ حسافه احلى شي الجزر
بالنسبة للكاميرون انا مار حت لها ما اقدر افيدج بس سمعت انها جدا هاديه وما فيها الا مزارع

 

[@ دهن العود @]

بصراحه خساره اسبوعيين على هالبرنامج

انا كان جدولى لمدة اسبوعيين

يومييين سلانجور

يوميين لنكاوى

3 ايام بينانج

6 ايام كوالمبور

وكلفتنا الرحله شامل كل شى من ركبنا الطياره من الكويت لين وصلنا بيتنا تقريبا 1600 دينار

وماخلينا بخاطرنا شى وكنا شخصييين

 

[جوجو.]

ألفين تكفيج

 

[وردة نقية]

صج حرام القروب كله بالعاصمة

انا سمعت انه حلات ماليزيا الجزر

ولنكاوي كلها كويتييين

 

[ArEEj]

ب 12 يوم بس
رحت سلانجور
بييانج
لنكاوي
كولالمبور
انتى شلون كل المده بكولالمبور ؟؟؟
لازم جزر حلاة ماليزيا بالجزر

 

[مزيونه وشقره]

انا رحت بينج حلوه بس ما ادري سبحان الله غلقه كئيبه ما اروحلها مره ثانيه

بس الحلوه صج الكاميرون بس عيبها طريجها يخرع وطوييييييييييييييل هههههههه

والراحه والوناسه كلها في العاصمه كوالالمبور

وجينتج عندج تجنن انا احبها جوها وطبيعتها والضباب والغيم يدخل عليج وانتي في مدينه الالعاب يااااااااااااي شوقتيني وناسه وحتى المجمع فيها حلو






مع تحياتي ياحياتي

مزيونه وشقره​

 

[dalprincess]

وايد جنه على العاصمه بس .. انا رحت اسبوعين ( 3 ايام بيننغ و3 ايام لنكاوي ويومين جنتنغ ويومين الاحصنه الذهبيه و6 ايام بعالصمه كوالالمبور ) وكان كافي

 

[الحب والجمال]

اشفيكم بنات انا ما سألت عن الأماكن انا سألت عن المصاريف جم آخذ معاي انا وزوجي بس

 

[الحب والجمال]

اختي مزيونة وشقرة مشكورة على الكلام الحلو بس بغيت آخذ رايج صج بالكاميرون واي فندق نزلتي وبكم الليلة وفي اي سنة انتو رايحين لاني بصراحة من شفت الكاميرون بالنت وانا ميتة على شوفتها

ارجو الرد بسرعة وشكرا مرة ثانية

 

[نور بوبيان]

فندق استرو بارك بالكاميرون سعر الغرفه 18 د.ك

تحجزينها من لكويت عن طريق السفريات أو من الفندق إللي في ماليزيا أو عن طريق الشركه العربيه للسياحه بشارع العرب

المدير محمد الشرقاوي ( اسم سايته دليل ماليزيا ) وموجود رقم موبايله وعنوانه أللي بماليزيا ...دشي جوجل وبحثي عنه ...