اللي راحت قطر

[سفيرة الكويت]

اشلونكم خواتي ,,,

حجزت مع الوالدة ( الله يعطيها الصحة ) وبنروح قطر
سفرة علشان الوالدة
وحجزت في فندق سوق واجف لمدة 3 أيام
الوالدة كبيرة وتحب شغلات أول

اشرايكم خواتي
هل نقضي 3 ايام نتمشى في سوق واجف والكورنيش
والا أوديها أماكن ثانية
وشنهي هالأماكن
شاكرة لكم ...

 

[نورعيني أنا]

احلا مكان بصراحه لان سوق واجف ونيس قعدته حلوه خصوصا بعد المغرب واللحين بعد جوهم حلو وروحي كتارا حلووسفره سعيده لج وللوالده

 

[المهفة]

كتارا وسباير زون ووملهم بارك وتردون بالسلامه

 

[Laidy n3ooma]

انا مادخلت فندق سوق واقف بس كله تراثي اكيد من داخل حلوو

والقعده تينن برا وفيه اشياء حلوه ومطاعم

وعندج اللؤلؤه ( the pearl )قعدات برا على البحر ومحلات ماركات ومطاعم

وعندج الحي الثقافي ( كتارا) بعد في قعدات على البحر ومطاعم وحق التمشي حلوو

وروحو جباتي وكرك اكلوا لكم جباتي وبعد لو تروحون الصبح حق الريوق حلوو

خلوهم يسووون لكم جباتي وفول وحمص وهذاك الكرك اللي يقند الراس خخخخخخخخخ

عندج بعد شررررق تمشايه على البحررر ونظام شاليها

وعندج قراد حياه بعد على البحرر وفيه برررج

>>> ياحبنا حق البحر لوووووووووول

المهم انا عطيج الاماكن اللي فيها قعدات وتمشي

اذا تبين اسواق او مجمعات قوليلي

 

[Laidy n3ooma]

اسبايررر بعد حق التمشي

 

[سفيرة الكويت]

الغاليات

نور عيني أنا
المهفة ( يا حلو اسمج )
Laidy n3ooma

لكم خالص الشكر على تجاوبكم
خوش أماكن وتونس

بس أنا حاجزة للوالدة مفاجأه على يوم الأم ( ان شاء الله )
اشلون قطر بشهر مارس ؟؟

 

[بلسم جروح]

بصراحة اهنيـــــــــــــج عالاختيار و راح تونسين الوالدة حيل حيل

سوق واقف افضل محطة للكل مو بس لكبار السن

شراحه و وناسة غير شكل

خاصة شارع المطاعم والمقاهي شراحه لا تضاهى

 

[وين حبيبي]

سوق واقف شعبي بس احس انكم ماعطين كتارا فوق حقها رحت لها بعيد وكم مطعم بس ماعجبيتني واللولوة زينة وكلها يخوت عطوها مجمعات وفيها مطاعم مثلا فيلاجيوعندكم ومن غير زعل رحت قطر بس حسيت اماكنها محدودة

 

[Qatar 2022]

سوق واقف شعبي بس احس انكم ماعطين كتارا فوق حقها رحت لها بعيد وكم مطعم بس ماعجبيتني واللولوة زينة وكلها يخوت عطوها مجمعات وفيها مطاعم مثلا فيلاجيوعندكم ومن غير زعل رحت قطر بس حسيت اماكنها محدودة

بالعكس اختي الناس اذواق انا وحده استانس حيل لما اروح كتارا
مكان شرح وكبير وراقي حلو خصوصا لو كان الجو حلو
وحتى وان كانت قطر اماكنها محدوده
انا متأكده ان الاخت بتستمتع مع الوالده بهالسفره
يكفي انها بتزور قطر وبتشوف شعب قطر الاصيل على طبيعته
:eh_s(7):


اختي صاحبة الموضوع
اول شي حياج الله ببلادج الثانيه بتنورين
انتي والوالده لو ماشالكم المكان تشيلكم عيوننا

سوق واقف وايد حلو حق تغيير الجو ومهما تميتي فيه ماتملين منه
لكن انصحج تغيرين شوي تروحون اللؤلؤه وكتارا
عندج هالموضوع عن كتارا لو حابهتاخذين فكره قبل لاتروحين
http://www.q8yat.com/t880426.html



وتقدرين بعد تروحين فيلاجيو شوي اذا امج تحب المجمعات
اذا كانت مره عوده لاتودينها بتتعب لان كبير شوي
اممم وديها الكرنيش واركبوا العبارة (( مركب ياخذج جوله بوسط البحر ))
وايد حلو لما الجو يكون زين
وديها المتحف الاسلامي اذا هي من النوع اللي تحب تشوف هالشغلات
ترا صنف من افضل المباني فالعالم
مع اني للحين مادخلته :eh_s(2):

اتوقع هالاماكن تكفي وتزيد حق ثلاث ايام عموما سوق واقف اكيد ماراح تمل منه الوالده
واي استفسار ثاني حاضرين

 

[سفيرة الكويت]

أولا اعذروني خواتي ما أرد عليكم بسرعة
لاهية مع امتحانات بناتي بالثانوي

بلسم جروح
أشكرج على التشجيع
والله يوفقج

وين حبيبي
أنا من مدة أسمع عن تطور قطر وبخاطري أزورها
ولما سمعت عن سوق واقف ... استانست وايد لأنه أهو المطلوب
شكرا يالغالية

Qatar 2022
أنا معاج أكيد راح نستانس بالسفرة ان شاء الله
قطر جميلة وشعبها طيب
وفكرة العبارة وااايد حلوة
وأكيد راح أروح المتحف الاسلامي لأني أحب التاريخ
شكرا حبيبتي

 

[انوثتي اهم شي]

قطر كل شي فيها حلو وتغيرت وايد روحي ومأراح تخسرين شي ورحله سعيده ي رب

 

[بنت النوخذا]

زين سويتي

قطر حــــــــــــــبيبيتي واااايد احبها
و احب اهلها و الله

وسوق واقف وايد حلو سواء الضحي او بعد المغرب
ونيس تتمشين و تشوفين الشعب القطري يحب التراث و يحب هالمكان وايد

اختيار موفق و الله
و روحو مجمع فيلاجيو ركبوا المركب يونس

بس ديري بالج من مطاعم سوق شرق موكلهم اكلهم حلو
عندج مطعم الطواش حلو جربنا
وعندج المطاعم في كتارا كلها روعه خاصه المطاعم الهندي روعه

قطـــــــــــــــــــــــــر تهبل

في مجمع توه فاتح وايد حلو اسمه ... لاغـــونا



http://www.booking.com/hotel/qa/sou...-29;srfid=2e672cf28f8a6625a99310f27a314d98X16

 

[وين حبيبي]

والله انا ااحس يستاهل سوق واقف لان فية كل شي اقمشة اغراض البيت ا خذت منة اشياء كثيرة اقمشة حلوين تجي باكياسها مغلفة تصلح هدايا وبهارات انا بالنسبة لي هذا الي عجبني

 

[سفيرة الكويت]

حبيباتي ،،،
بصراحة شوقتوني واايد
قاعدة أنطر 22 مارس بفارغ الصبر
لا وأبشركم بعد تشجيعكم
حجزت بعد حق الوالد معانا
قلت خله احتفال بيوم الأسرة
ان شاء الله الله يقدرني وأونسهم
وأكيد راح يستانسون
خاصة مع الشعب القطري

 

[بنت النوخذا]

الخطوط القطريه

حبيباتي ،،،
بصراحة شوقتوني واايد
قاعدة أنطر 22 مارس بفارغ الصبر
لا وأبشركم بعد تشجيعكم
حجزت بعد حق الوالد معانا
قلت خله احتفال بيوم الأسرة
ان شاء الله الله يقدرني وأونسهم
وأكيد راح يستانسون
خاصة مع الشعب القطري

اختي الكريمه سفيرة الكويت

ربي يبارج لك في بر والدينك يا رب
و يسر امرك و يشرح صدرك
زين ما اخترتي و الله فندق سوق واقف حده روعه
و خاصه انه بيوز لهم باذن الله
و الشعب القطري وايد حبوب و كل اهل الخليج و الله يهبلون بطيبتهم

و انصحج بعد اتودينهم مجمع فيلاجيو بيستانسون فيه حييييل
لانه بنص المجمع مجري مائي و فيه مركب يدور فيكم
و عندج مجمع لا غونا وايد حلو وراقي
و منطقه كتارا بعد حلوه وايد

و علي فكره ترا الجو بيكون نوعا ما يميل للصيفي
و اذا تبين نصيحه اخذي الخطـــــــــــــــــــوط القطريه روعه
:eh_s(15):


موفقين يا الغاليه
ربي يحفضج يا رب

 

[myriam]

شلون طريقتهم نفس دبي في التاكسي؟ لأن بالكويت الله بالخير

 

[myriam]

ماكو events بشهر فبراير؟

 

[بنت النوخذا]

شلون طريقتهم نفس دبي في التاكسي؟ لأن بالكويت الله بالخير

تكسي فيها سيارت اجره اسمها كــــروة
كلمه قديمه
و ايد منتشرين وخاصه عند الاسواق لهم مواقف و بالدور نفس الامارات
و عنده عداد
و فيه تكسي خاص تطلبينه من الفندق اغلي بشئ بسيط

وايد امان في تكاسي قطر لا تحاتين لانهم تابعين شركه كروة

:eh_s(7):

 

[سفيرة الكويت]

مشكورة بنت النوخذا
على نصايحج الروعة

وان شاء الله بعد ما أرجع
أقولكم وين رحنا وأعد لكم تقرير

بس ها .. راح يكون تقرير لكبار السن

أشوفكم على خير ... الله لايحرمني منكم ومن نصايحكم
الله يعطيكم الصحة والعافية ..... :ggdw:

 

[بنت النوخذا]

لا يطوفج مجمـــع

الصـــــــــــــــالون الازرق

حاليا ترا في خصومات و تنزيلات حلوه