اللي راحت تايلااااند تدش بليز ؟ او راحت للصين ؟

[السنيورة]

قوه بنااااااااااااات


انااا بروووح تايلااااند وخاصة بانكوووووك ان شالله مو بوكيت
فاللي راحت بانكوووك تقولي شنوووو احس الاسواااق هناااااااااك و اللي تبيع سوالف تقليد دجة اولى بليييز .. ملابس مثلا لليهال حلوة و للكبار .. ابي اللي اكتشفتها تقولي اكتشافاتهاا ..
والجو اول شهر 9 شلووون صاير اخذ شتوي وإلا صيفي .؟؟

و ابي عن الصين بعد بليييييييييييييييز اشلون جوهاااا شهر 9 برد وإلا حرورة ؟؟؟

 

[miss fabulosity]

مشاركة: اللي راحت تايلااااند تدش بليز ؟ او راحت للصين ؟

هلا بالكادى انا عن نفسى رايحه تايلند وهذى الرابعه تونى الاحد واصله المهم بانكوك ياحبيبتى بتروحين لها الصراحه والجو جدا تعبان فيها لانه شهر 9 موسم الامطار والرطوبه وقمته الحين الجو حلو بس 9 لا انا جربتها مره وتبت اذا تقدرين اتروحين الحين احسن بوايد الجو حلو مو حر وايد واذا رحتى على شهر 9 اخذى اخف الملابس الى عندج والى ماراح تتحسفين عليها لى توصخت من صيانه المطر

بالنسبه للسوق عندج مجمع ام بى كى فى وايد خرابيط والتقليد محذف هناك وبجامات اليهال والشباصات والساعت التقليد والتيشرتات على افا من يشيل
مجمع زين بعد حلو بس صار سويه قديم بس مايمنع انج تروحينه اذا انتى اول مره رايحه انا ادوخ منه
مجمع كيسورن جبال زين مجمع كله ماركات
مجمع امبوريوم هم وايد حلو روحى شوفيه
سيام سكوير فى 3 مجمعات لاصقين بعض
السنترل هذا يديد راح اتشوفين العرب شايلين جياس حمره وعليها اسم السنترل لانه يديد
عندج بعد جاينا تاون فى وايد حرتشه حق المدارس والشباصات بعد
بات بونغ سوق الليل ماتدرين شطالعين من بيجامات واكسسوارات وتيشرتات والتقليد جناط وساعات وتراجى
بوبى ماركت سوق الجمله ينفع حق الى عنده عيال والى يبى تيشرتات بس مو حق المتان لانه اجسامهم مو مثل اجسامنا ترى
بس هذا الى اذكره الحين واذا تبين اساعدج بالفنادق انا موجوده

 

[السنيورة]

مشاركة: اللي راحت تايلااااند تدش بليز ؟ او راحت للصين ؟

مشكووووووووووووورة وسوووومة ويعطيج الف الف عافية

ابي الجنزااات اللي فيهم ترتر و سوالف غريبه باي سوق احصلها
و قوليلي عن الفنادق ؟؟ و شلون نظام الاكل ؟؟ انا اخااف بصراحةمن كثر مااسمع انهم وصااخ ..
واخذ معاي معلبات و جذي و إلا لأ؟

مو بايدي اسافر الحين اجازة ريلي شهر 9 اول شي بنروح الصين و بعدين تايلاااند ..

يعني اخذ معاي مظلة مطر ؟؟؟

و لهدرجة جوهم خايس ؟؟

 

[miss fabulosity]

مشاركة: اللي راحت تايلااااند تدش بليز ؟ او راحت للصين ؟

احسن الفنادق براى الصراحه هوليدى ان بانكوك ونوفيتيل سيام لانهم يم السوق وعندج بعد انتركونتنتال بعد وايد حلو الى يصير قبال هوليدى ان بانكوك
اخذى معاج شمسيه حق المطر ومرات بالفندق تكون الشمسيه بالكبت لا مالاداعى معلبات عندهم المطاعم عدى وخربطى خلج عن الحجى الى يدور بين الناس بس الصين ماادرى يقولون صعبه بالاكل بس تايلند ماله داعى وحتى لو تبين معلبات بتايلند ترى جمعياتها احسن من مركز سلطان فلا تحاتين المهم لا تاكلين من اكل الشوارع ولا تشربين الا من ماى الصحه البطل وتاكدى يكون مسكر قبل
الجو يكون فيه رطوبه ومع مطر يعنى صيانه والماى اذا تتطشر على ريلج يكون اسود بسبه الديزل لاتنسين ديتول الى يكون على شكل ويت تيشيو زين ويفيدج واذا بعد
عندج اى استفسار انا موجوده انتى تدللى بس

 

[السنيورة]

مشاركة: اللي راحت تايلااااند تدش بليز ؟ او راحت للصين ؟

مشكووووووووووووووووورة وسوووومة

انزين تعرفين فندق اسمه امباسدور يم النايت ماركت ؟؟؟؟شلوونه ؟؟
وجم الليلة بالفنادق اللي ذكرتيهم لان ناوين نحجز من هني اخاف يصير غالي عليناا بنقارن عرفتي ؟؟

اي على الديتول مو بس محارم ديتول باخذ ديتول بكبره .. ياربي اخاااف احس وصخين





دوخت وسووومة حبيبتي
تحمليني محد معبرني غيرج

 

[miss fabulosity]

مشاركة: اللي راحت تايلااااند تدش بليز ؟ او راحت للصين ؟

تامرين امر يالكادى شوفى ياحلوه نوفيتيل من 23 الى 25 هوليدى ان 30 تقريبا وانتركونتنانتل اظن فوق ال30 الفندق الى قلتى عنه عند اى نايت ماركت تقصيدين بات بونغ بس انا عن نفسى يفضل تقعدين فنادق قريبه من المجمعات لانه الى يكون يم النايت ماركت الشارع يكون وصخ والاشكال مو شى والفنادق الى كلتلج عنها ترى الكويتيين يسكنون فيها وانا عن نفسى مجربتهم وايد زينيين وعندج صج فندق اسمه بانثروم برنسيس يدش بمجمع مشهور هناك اسمه ام بى كى هم سعره تقريبا 25
اى شى ثانى انا موجوده ولا تغامرين وتقعدين بفنادق مو معروفه واماكنها مو شى انتى جم حدود الفندق تبينه اقدر افيدج حزتها

 

[السنيورة]

مشاركة: اللي راحت تايلااااند تدش بليز ؟ او راحت للصين ؟

ثانكيووووو وسووومة

مادري ريلي قالي اسألج عن هالفندق .. شوفي انا توقعت اغلى من جذي اسعار الفنادق بس وااااااايد زينة اسعارهم .. لان ريلي يحجز من هني عن طريق الانترنت فنبي نعرف علشان ساعات يكون الحجز هناك ارخص .. بس حلوووة الاسعاار .. اقوله عليهم .. و انتي برايجججججججججججج احس وانظف وااااااااااااحد شنووووووووووو ؟؟ و قريب يم السوووق و بانثرووم برينسيس شرايج فيه ليش داخل مجمع ؟؟ ابي يمي كل شي لان مااراح اطول هنااك اغلب سفرتنا بتكون في الصين

 

[miss fabulosity]

مشاركة: اللي راحت تايلااااند تدش بليز ؟ او راحت للصين ؟

بانثروم برنسيس لازق الله يسلمج بمجمع ام بى كى هذا قصدى انا ماسكنت فيه خالتى اسكنت فيه دايما اتصير فيه اجتماعات الاتحادات الاسيويه لانه عمى بالاتحاد الاسيوى واذا فى اى اجتماع الاتحاد التايلندى يحجزون حق عمى فيه
انا عن نفسى جربت هوليدى ان بانكوك مو سيلوم اكدى على هالشى لانه فى فندقين بهالاسم بس عجيب والله توه يديد فاتح شهر 3 ويم السوقه وقباله على طول انتركونتنتال اغلى منه ورفيجتى تمدح نوفيتيل سيام اتقول غرفهم وسيعه شوفى شنو الى يناسبج بالسعر اهنى تقدرين اتقررين اول اختيار هوليدى ان بانكوك وبعدين نوفيتيل وبعدين بانثروم
عطينى خبر اى فندق راح اتنكين علشان اقولج شنو اقرب السوقه الى تقرين اتروحين مشى لها

 

[السنيورة]

مشاركة: اللي راحت تايلااااند تدش بليز ؟ او راحت للصين ؟

مشكووووووووووووووووووووورة حبيبتي


انا سجلت اسماء الفنادق لريلي و بشيك باجر عليهم و بس نقرر اقولج ..
و هالله هالله بالسوقة الستعة لان ماراح اقعد فيها إلا 5 ايام ..
ابي اللي يبيعون اكسسوارات تقليد كارتير مثلا و ديوور و من هالسوالف .؟؟ و الجناط الرخيصة التقليد

 

[miss fabulosity]

مشاركة: اللي راحت تايلااااند تدش بليز ؟ او راحت للصين ؟

راح تلقين هالشغلات فى طوكيو سنتر وباتبونغ الى اهو سوق الليل

 

[السنيورة]

مشاركة: اللي راحت تايلااااند تدش بليز ؟ او راحت للصين ؟

ميرسي حبيبةألبي


ان شالله ان شالله نحجز ب هوليدي ان اللي قعدتي فيه.. ريلي توه قالي احتمااال كبير اهو يقرى شكاوي الناس عليهم لقى اللي ريحه السجاد موشي و جذي .. بس هوليدي ان ذاكرين ان ريوقهم مو شي بس اهوا احسن واحد يقول.. وشكلناا بنحجز فيه

 

[miss fabulosity]

مشاركة: اللي راحت تايلااااند تدش بليز ؟ او راحت للصين ؟

هوليدى ان بانكوك موقعه مو طبيعى والله وهو حلو من داخل والغرفه حلوه انا جربت اكس كيوتف وجربت العاديه كلهم حلويين واهم شى دريشه الحمام اطل على الغرفه انتى بالشور بوكس اتشوفين التليفزيزن خخخخخ
بالنسبه للريوق والله انا اشوفه عادى طبعا البورك لا بد منه والعيش والزفره علشان الصينيين واليابانيين والكوريين
انتى اهم شى عندج التوست مع زبده ومربى والكورن فليكس ومافن والكرواسون
اى والفاكهه تكفين لى كليتى الاناناس والبطيخ تذكرينى وعليهم منجا ياعينى تنباع
بالجمعيه الى بالسنترل اى هنديه اى مصريه وووووووااااااااى عجيبه

 

[السنيورة]

مشاركة: اللي راحت تايلااااند تدش بليز ؟ او راحت للصين ؟

هههههههههههههههههه خلاص اكل عني وعنج هههههههههه

ميرسي وسووومة ودي ادلعج اكثر بس اسمج مدلع و خالص

بس نايس شجعتيني .. واذا تذكرتي اشياء حلوة يبتيها من هناك غريبةوإلا اماكن سياحية حلوة تيل مي ؟

 

[miss fabulosity]

مشاركة: اللي راحت تايلااااند تدش بليز ؟ او راحت للصين ؟

كادى اهم شى بتايلند المكاسر بس مو بالمحلات العوده لا الى يبيعون فيها ناس عاديين يعنى اذا قال لج 500 بات قولى لا 150 الين توصلون على سعر توافقون عليه خخخخخ
يننيهم بالمكاسر عاد اهما يحبون يمسحون على الرييايل ويقولون نوووو سيييير اهما يتحجون جذى وانتى مو معبرينج انا اقولها الفلوس عندى مو عنده يعل ايدج الكسر
بس بالصين ديروا بالكم هم تكاسرينهم بس اذا حقدوا يعطونج الردود الفلوس يعنى مزوره خخخ صارت باخوى ونصابين الصينيين عادى يبعونلج الشى خربان جنهم مصاروه بس التايلندين مو جذى
اذا تحبين النعول تكرمين الىعليها دقات هنديه ترى رخيصه بتايلند حوالى 250 بات كل الالوان موجوده وفى اكسسوارات مالت الشعر الى على فراشات وورد واوركيد اشحلوهم نفس الى اتحطهم هيفا وهبى برخص التراب عنهم وبيجامات اليهال رخيصه شقلى لما اتقولين بس بس ديربالج من القياس انا خذيت حق بنت اختى قياس سنه وهى 4 اشهر والثانيه عمرها سنتين وخذيت البيجامه 4 سنين ترى ايكشون بعد الغسيل
سلامتج اذا طرى على بالج شى حاضرين

 

[السنيورة]

مشاركة: اللي راحت تايلااااند تدش بليز ؟ او راحت للصين ؟

ما قصرتي والله و يعطيج الف الف الف عافية ..

زين قلتيلي انااا عاد مااعرف اكاسر .. بس بسويهاا هناك .. 100 بات يعني جم ؟؟
انا بشتري لبنتي ان شالله عمرها سنة ونص ..هم زين قلتيلي باخذ قياسات اكبر ..

والله افدتيني واااااااااااااااااااايد .. مشكووورة ان شالله بس ارد اسولفلج عن سفرتي

 

[miss fabulosity]

مشاركة: اللي راحت تايلااااند تدش بليز ؟ او راحت للصين ؟

100 بات يالكادى حوالى 750 فلس خخخخ انا اقول دايما 100 ب800 فلس علشان شغلى يصير راهى
لازم اتقولين لى عن سفرتج لى رديتى انا راح اكون بالمانيا بس هم راح انطرج وانشاء الله اتروجين واتردين بالسلامه وانشاء الله راح تستانسين فيها واى شى تبينه انا موجوده الى تبينه

 

[السنيورة]

مشاركة: اللي راحت تايلااااند تدش بليز ؟ او راحت للصين ؟

الله يسلمج وسومة

وانتي ان شالله تستمتعين و تردين بالسلامة وتصيرين لي مرشد سياحي ههههههههههه

ماقصرتي والله معاي


مشكووورة

 

[الزين الاصيل]

اي بنات انا من اليوم اقرا كلامكم لاني مسافره تايلند بي فيه نقطه؟
يعني شنو اتمسح عل الريال؟؟؟؟
تحرش اشكره؟؟؟؟؟؟؟؟؟؟؟؟ظظ