من البدايه عشان محد يزعل هااااااااذا راااااااي شخصي ماله دخل بأي شي ثاني
نبتدي اذا أحد بالدنيا هذي بيقص عليج يقولج أوديج أبها والله تجربه شخصيه
كلااام أنقال عنها شي خيال والوااااقع مخيب للآمااال
مافيها شي يعني لاتتوقعين تقدم وتطور أذا كنتي رايحه دول ثانيه طبعا أهي تقريبا مثل وقت المخيمات براد بس عادي موباريسي يعني ماراح تلبسين جاكيت وبالطو وبوت
لووول
براد التكييف بس من غيره طبيعه مومهتميين فيها كلش الناس بين الشجر طالعين لج علبو جو وبعضهم متسدحين من غير خيام والفندق البائس أبو5نجوم تخيلي مايفتح الابوقت الصيف أثاث قديم ومغبر شوووف عيني محد قالي
أأأأه بس
اذابتونسين عيالج مثلا
تعرفين الألعاب اللي يحطونها عندنا بوقت الاعياد نطاطيات وطقتها مثلها بالضبط ولاتلعبين محد يناشبج بس يخزوون سوق ماكو سوق بس عسير مول هذا يعني اللي مفتح عينه ماكو شي زود فيهبس أنظف مكان أهيه صج في مطعم بالسوده يعني نظام بوفيه مفتوح أحنا وعايله قطريه اللي فيه ومتوهقين فينا مايدرون شيسووون
ونسيت أقولج 3أصناف البوفيه الحجي هذاقبل العام ماأعتقد تغير الكثير أنا موقاهرني الا أن المسؤلين عندهم من غير ذكر أسماء يقولون سووا أنجازات فيها بصراحه ودي أعرف شلون كانت قبل
عشان ماأظلم حظي فيها المطعم الدوار هذا عجييييب صج غير بس هو بوسط أبها مو بالسوده ولأنه تحته مستشفى خااص من جذي زوااره الدكاتره الأجانب مافيه مواطنين
وفندق بعد بنفس المكان هم مرتب بس مو واااو
والتلفريك تجربه حلوه وخميس مشيط ورا أبها زينه بس ماكو شي غريب
والله يعينج على الطريج موسيفتي يصراحه وفي ناااس وايد تطر بالمدينه ماأعتقد سعودييين بس كلامهم نفسهم لا وشباب وورااج وراج بالسياره جنج فلم رعب هذا اللي صار معانا
بس ناسها مثل كل أهل السعوديه طيبين ومتعاونين معاج بس تنقهرين لما تشوفين أمكاناتها الطبيعيه تاركينها جذي من غير أهتمام بالسياحه
بس ترى أذا كنتوا عااايله كبيره حموله خوااات وايد ممكن تستانسين مثل نظام البر مثل ماقلتلج
اذا عزمتوا ترووحون أخذي عسل منهم يبيعونه بالطريج حللللو
أحساسي الشخصي فيها أكبر مقصه مرت علي ولو بتنعاااد السفره ماأروح لو بالذهب
