اللي دوامها متاخر منو ييب اليهال؟في حضانات متاخره؟؟

[cheese cake 84]

بنات بسالكم انا رفيجتي اللحين بتعين وعندها ولدين واحد اولى روضه وواحد اولي ابتدائي وواحد صغير متوهقه اهي تطلع من دوامها 2 وريلها بعد اول كانت بطاليه تيب وتودي اللحين منو بيييب اهي تودي ومنو بييب وريلها مايقدر دوامه صعب بنك مايطلع مبجر وسايق وين تحطه اهي شقه ومحد من اليدات يقدر كباااار حيييل وماعندهم سايق بالعايله شتسوووووووي؟؟ والللي اصغر واحد فيهم بدخله حضانه فييي حضانه لي عالاقل 3 يعني تطلع 2 ماشالله الشارع فااااااااضي على ماتوصل الا 2ونص شتسويييي متوهقه حدها مسكيبنه

 

[Hello_kitty]

حبيبتي تشوف اذا تقدر تاخذ استئذان من الدوام تاخذ اعيالها وترجع مره ثانيه وايد موظفات يونها خل تسأل

وتقدر تسأل اذا الحضانه عندهم باصات توصيل ولالأ على الأقل احسن من السايق

والحل الأخير واللي ما افضله كلش تييب سايقه وتحطه في غرف يابيت اهلها يا بيت اهل زوجها وكل ما تبيه تتصل عليه قبلها

او تييب سايق نص نوام بس فتره توصيل اعيالها من المدارس

 

[Chic & Unique]

و الله وهقه تصدقين انا بنتي صغيرونه بس احاتيها لا دخلت الروضه انا و ريلي نطلع من دواماتنا الساعه 3 نشتغل بالنفط الصراحه وهقه بس انا اقول لو تشوفيلج سايق نص دوام بس تأمنين فيه وتاخذين كل بياناته صوره بطاقته المدنيه و تدلين بيتهم وكل شي سبحان الله و وكلي امرج على رب العالمين

 

[حجيه هيونه]

رد : اللي دوامها متاخر منو ييب اليهال؟في حضانات متاخره؟؟

ليش ماتخليهم عند امها او ام الزوج مع الخدامه ؟؟؟

 

[ملكة زماني]

رد : اللي دوامها متاخر منو ييب اليهال؟في حضانات متاخره؟؟

تبي باي منطقه ؟

 

[أمـ مـحـمـد ــ]

رد : اللي دوامها متاخر منو ييب اليهال؟في حضانات متاخره؟؟

ما اتوقع بس دوري انشالله تلقين او خل الحضانه يعطونج ورقه تودينها الدوام عشان يطلعونج مبجر

 

[cheese cake 84]

اهي بجنوب السره والله وهقه مسكينه ياربي مايصير جذي خلو دوامات الوزاره لي 1ولا 1ونص عشان يمديهم ايييبون الناس عيالهم مو الكل عنده سايق

 

[ملكة زماني]

رد : اللي دوامها متاخر منو ييب اليهال؟في حضانات متاخره؟؟

:0bee2e8d89:
اي والله
الله يساعدنا :eh_s(1):اغلب الحضانات تخلص ددواماتها الساعه 1 ونص اخر شي

:eh_s(1):انزين واللي مثل حالاتنا دواماتنا فوق ال 2 نطلع شنسوي؟؟

الله كريم


في حضانات عندها اوفر تايم بس تنعد على الاصابع

انا لقيت بالعدان بيببي اكاديمي عندها خفارة او اوفر تايم لي ال 3 تقريبا مادري لي ال 2 ونص

وفي حضانة بالفيحا كيدزي عندها اوفر تايم


والله يساعدها

 

[meen_ana]

بصراحه الله يكون بعونها يارب تتفق مع مسؤلتها وقت طلعه عيالها اخذهم وترد الدوام ماكو غير هذا الحل

 

[ZajiL]

الله يعينها

الحل انه يخلون الامهات يطلعون من الوزارات ومن دواماتهم الساعه 1 وحده عشان يلحقون ايبون عيالهم
ولا شراااااااااااااااااااااايكم

الله يكون بعوونه والله الواحد عيل حاط سايق ومسلم عياله ويحاتي الدرب والتوصيل كله من غثى
هالدوامات

الله يكون بالعون وعسى ربي يفرجها عليها

 

[om al ghaleen]

ماكو الا حل واحد تستآذن من دوآمها وآتوقع راح يعطونها اذن


\\

 

[_Pure_]

تسوي اعفاء جزئي من العمل عشان تقدر كل يوم تطلع حق عيالها بس يخصمون من معاشها
او تحط سايق او تستخدم سايق اهلها او اهل زوجها

 

[جوري الكويت]

رد : اللي دوامها متاخر منو ييب اليهال؟في حضانات متاخره؟؟

انا بعد اعاني من هالمشكله

ريلي شفتات و انا اداوم في بنك

سجلت بنتي ب حضانه بارني حطين لأنها قريبه من شقتي

يخلص دوام الحضانه على الساعه وحده و نص و تقدرين تتاخرين الى الساعه 2

و بعد الساعه 2 اذا تاخرتي , تعطين المسئوله المناوبه دينار

 

[ro3ah]

نفس مشكلتي انا انصحج بحضانه التميز بالروضه