اللي دايما يطلبون فليبينيات دشوا بليز ... !!

[tofy]

واي ذكرتيني بخدامتي فلبينية كلمة تيين عليها شوية

سنعة ونظيفة و ودايرة بالها على ولدي عدل واهي جامعية من دافاو

وخلصت السنتين وسافرت وقالت تبي ترد بس ريلي مو راضي علشان احنا ساكنين ابيت حمولتي وخالتي ماتحب الفلبن

ويبت اندونيسية من اشكناني تلوع الجبد برود وغباء

بالنسبة لي احسن شي الفلبن

 

[هدوووي]

احسن شي الفلبينية وتفضل تكون قروية مسلمة..يبنه خادمة فلبينية من اسبوعين ماشالله عليها قمة النظافة والله كل شي يلق حتى المابس تصفطها بطريقة عجيبة مثل المحلات..دقيقة بشغلها..تموت على اليهال وتحب تتعلم كل شي والحلو فيهم بعد يعرفون شغلهم بنفسهم مو مثل الهندية والاندنوسية يتنحون الا تقوليلهم شيسوون..احنا خدامتنه مطلقة وعندها ولد وبنت وتعليمها ثانوي..وكلش مافي كبر ولا شايفه روحها ودايما مبتسمة..بس الفلبينيات فيهم عيب مشترك..شغلهم بطيئ بس انتي تقدرين تغيرين هالعادة ..يعني الشعل اللي اخلصه بساعة تخلصة بثلاث ساعات بس عاد شوفي النتيجة

توكلي على الله وخذي فلبينية

 

[سلمى الخير]

جم معاشاتهم الحين ؟؟

 

[رمانه كويتيه]

انا من ربع الفنانة

الفلبن اللي كانوا عندي اكثر من روعة

و متعلمين و شحليلهم

و كانوا صغار و مو متزوجات بس ادب و اخلاق ما فيش بعد كده

الله يرحم ذيك الأيام

المهم المكتب كان عدنان العلي بحولي يم مجمع العثمان فوق الجوهرة

حتى الوالدة يابت منهم ثنتين روعة بصراحة

انصحج بهالمكتب بس نصيييييييييييييييحة

استخيري قبل لا تروحين .. حتى لو اللي لختلرينها تطلع مو شي تضمنين ان الله يعوضج احسن منها

صدقيني انا مجربة

الله يرحمه توفى عدنان العلى بحادث سياره

 

[*جبرني الوقت*]

والله انا طالبه من الدخنان معاشه 50 والطلب 450 دينار والله العالم مايندرى عنها انا نفسج ضايعه وفلبينيتي يقولون تبي توصل بعد اسبوع وهي اول مره تشتغل ومومتزوجه جربي كل المكاتب قالولي معاشه 60 الا الدخنان قالو 50


وبالتوفيق وانشالله تلقين وحده على مزاجج واهم شي امينه على بيتج

 

[هدوووي]

فلبينيتنه معاشها 45 ويبناها ب 450 بس بنزيدها 5 بعد سنة مسكينه بيتنه عوود وكل الشغل عليها

 

[lamsety]

مشكوووره يا الغاليه على الموضوع

واذا ممكن خواتي تفيدوني انا ابي فلبينيه تكون يايه على كفالة المكتب مالي خلق انطر وبعدها يقولولي تكنسلت .. وايد صارت فيني ..

ماتعرفون منو المكاتب الي تييب على كفالتها ويكونون زينيين ؟؟

 

[wzw]

بغيت اسئلكم كم معاش الفليبينيه وكم معاش السيلانيه اذا بطلب مو معقول تساوت معاشاتهم على 60 من عمر والفليبينيه اكثر ياريت اللى توها طالبه احد هالجنسيتين تفيدنا

ومشكورين

 

[ام مضاوي]

للرفع

 

[ابلة رسم كتكوته]

انا فلبينيتي صغيره ومو متزوجه
بس ادب واخلاق الله يتمم عليها
مسكينه راحت تبي تكمل دراستها دقت علي قالت خلاص برجع عشان اليهال<<<<<<<<<<خاس حلجها من اليوع
هههههههههههههههههههه
طبعا انا طرت من الفرحه
لان الفلبينيه اليديده قالت انا مابي يهال او يبي وحده تساعدني
مادري ليش عبالها قاعدين بقصر كلها شقه نتفه
وعندي 2 الله لا يبيها
شوفي هذي فلبينيه وهذي فلبينيه بس بصراحه فرق مع ان الثانيه جامعيه بس غبيه
والاولى ثانويه بس افطن من الثوله الللي ذلفت
والخدم حظوظ
والله يسخر لج اللي تبينها
والموبايل صدقيني كل خدامه تيبينها عنده موبايل اور اح تشتري من وراج
خدامتي القديمه لما دقت قالت ابي موبايل عشان ادز مسج حق اهلي قلتلها اوكي لاني لو ما شريتلها راح تشتري من وراي

 

[Om 7oo7oo]

بالنسبه لي و لأمي ، أحسن الفلبينيات اهمه اللي ايون من منطقه اسمها منداناو ، مسلمين و متعلمين و نظاااف ،أهم شي مو جنغل ، مره جربت أطلب وجده من منطقه بعيده تأزمت معاها .

 

[وديان@@@]

دفاو احسن منطقه ولا ايلاا ايلو انصحج منلا لا

 

[Misty]

انه طالبتلي وحده من شهرين اب 470 و معاشها 60 بس قبل كانو وايد ارخص

 

[موزة ام فارس]

أبيه من صجكم طلب فلبينية بـ 470 !!!!!!

والله حرام عليهم ليش جذي