اللي خذت كلوميد تدخل

[فرااااولة]

السلام عليكم :eh_s(8):

شلونكم شخباركم، يا عسى ربي يرزقنا كلنا الذرية الصالحة

بنات ودي أسألكم عن الكلوميد والابرة التفجيرية

منو فيكم خذته جم شهر وأثر عليها من ناحية الوزن؟
انا سمعت ان الوحدة تمتن لي خذته
وانا قاعدة اسوي رجيم الحين وما ابي اخرب على نفسي

انا وزوجي سليمين ما فينا شي
بس ما يصير حمل
وودي اجرب الكلوميد
مع اني جربته قبل ثلاث سنين بس ما صار حمل


أبي تجاربكم بنات عفية
اليوم ثاني يوم دورة اذا قدرتوا اتفيدوني عشان اليوم اروح عند الدكتورة وابلش

 

[الريشة]

أعتقد إذا جربتيه مرة أو مرتين ما راح يأثر على الوزن لأنه الفترة قصيرة.

 

[الزيـــــ^^ـــــن]

هلا حبيبتي

انا اخذته ثلاث شهور وجسمي مثل مااهو مامتن ولاشي

طيب اذا تقولين مافيج شي لاانتي ولاريلج شحقه تلعبين بنفسج والله حرام

يمكن مجبوسه او فيج تابعه لا سمح الله

 

[فرااااولة]

انا بعد توقعت انه ما ياثر
بس جم وحدة قالتلي تمتنين
وفي وحدة من مرة امتنت

الزين
حبيبتي ادري بس شسوي من الحرة اللي فيني مادري شسوي

مافينا شي بس ما يصير حمل
استغفر الله

مشكورين ع ردودكم حبيباتي

 

[فرااااولة]

وع طاري التابعة

اتصدقين حملت ثلاث مرات وطيحتهم
وبكل حمل احلم ب ينية اتييني اتخرعني
حتى مرات اعرف اني حامل لما احلم فيها وصج احلل اكون حامل
وعقب ما احلل بجم يوم يطيحون

وسألت جم شيخ عن التابعة قالولي ما في شي اسمه تابعة
قطي صدقة واعملي بتوصية الطبيب

وتوكلت ع الله
ان حملت الله يحفظلي جنيني

يا رحيم

 

[الزيـــــ^^ـــــن]

مادري والله بس معروف التابعه اهي اللي تخليج تسقطين والله اعلم

روحي عند مرأه وكشفي عن نفسج

شوفي انا كشفت عند وحده وقالت لي فيج تابعه بس ماعالجت عنها لان علاجها بالرصاص

واامي سوتلي الرصاص شريته من العطار ولمده ثلاث ايام من الدوره تحطينه بجدر وتخلينه يذوب

وبعدين جيبي طاسه فيها ماي وخلي اي احد يحط الجدر اللي فيه الرصاص بالماي فوق راسج بس انتي لاتخافين

وراح يطلعلج اشكال بالرصاص عقبه حطيه بجيس وخل احد يقطه لج برا

وانشاءالله تكون زينه لج

اذا حابه تسوينها

حبيت افيدج

 

[تل السكر]

لازم تستمرين على الكلوميد مواقل من ست اشهر ورا بعض وموشرط يزيد الوزن
دايما آخذهم وانا اسوي رجيم ومايزيد وزني الحمدالله
واذا عين اقري آيات الرقيه في ماي والافضل ماي زمزم وشربي منه واغتسلي فيه 7ايام
ولازم تلازمين اذكار الصباح والمساء ودايما خليج على وضوء حتى لوعليج الدوره وتصدقي لو بخمسين فلس كل يوم وربج الحافظ
قلت هالطريقه حق وحده ماحملت وحملت والحمد الله خلي ايمانج بالله قوي
والله يرزقج ان شاء الله من فضله

 

[miss_uk]

الله يسهل عليج حبيبتي لا تنسين سورة البقرة والذكر والاستغفار،، يحميج ويرزقج

 

[(أم نونو)]

الله يرزقج بس عليج بسورة البقرة كل 3 ايام

 

[فرااااولة]

مشكورين بنات ما قصرتوا

الزين ان شاء الله اشتري الرصاص واجرب

تل السكر
راح اسوي اللي قلتيه ان شاء الله


miss uk مشكورة حبيبتي عالدعوة*

 

[فرااااولة]

ام نونو
تسلمين يا الغالية
وراح اشغل السورة والله يرزقنا

 

[الكادي 2011]

الله يرزقج

 

[lafemme]

الله يرزقج حبيبتي ويفرح قلبج انا الصراحه خذيتهم مافادوني كلش وصج احس متنوني اذا خذيتيهم وماصار ليش بتردين تاخذينهم سوي اشعة صبغه يمكن الانابيب عندج مسكره انا مودكتوره بس سألي الطبيب عن هالاشعه يمكن يفيدج

 

[يتيمــــه]

انصحج تروحين لام محمد
خالتي وبنات عمتي ثنين
زرفيجتي
كلهم عالجوو عندهاا
والله العظيم من اول مراجعه لهم
بعدها حملووو
لان الطب مايعرفون تمريخ
يمكن رحمج مايل شي في هووا؟؟
هالسوالف مايعرفها الا المداويات

 

[ma7rooma]

الله يرزقج يارب انا اخذته وصراحة متنت منه والحين هذا ثالث شهر اخذتة بس هالمره الدكتوره اكتبت لي 6 حبات في اليوم

 

[فرااااولة]

مشكورين بنات عالرد

يتيمة: عاد انا رحمي غايص الدكاترة قالولي
انا مشكلتي اني احمل بس يطيحون، ومايابولي طاري علاقة الاجهاض بالرحم المايل
وانا عندي ولد بس عقب سنتين يبته
والحين احاول احمل وما يصير

وهم ريلي يقولي ما يحتاج الكلوميد دام ما فينا شي


بنطر جم شهر والله كريم

يا رحيم ،،،

 

[ورده القرين]

انا اخذته شهر وشهر الي طاف مااخذته الدكتوره قالت ريحي جسمج شهراي وشهر لا بس الدوره عندي متاخره
ماادري اهو حمل او دورتي مو منتظمه
بس اهو مايمتن بس المنطقه الارحام تكون منتفخه عندج انا بالعكس ضعفت مادري يمكن تفكير او نفسيه زفت

 

[مااابو]

انا اخذت الكلوميد مع ابر منشطة وابرة التفجير 3 شهور وراء بعض وما حملت بس الدكتوره قالت ليه لازم تنزلي وزنك

 

[فرااااولة]

وردة القرين:
ان شاء الله اتكونين حامل يا رب

مابو:

الله كريم قلت بنطر جم شهر وعقبها اقرر عدل
احس مو قادرة اركز كل شوي اغير رايي

مشكورين بنات

 

[بجوديه]

انصحج اتروحين لام عايد الي بالرقه المعالجه عن تجربه شخصيه​