اللي خبرة بالقهوة الفرنسية تتفضل تساعدني وربي يوفقها

[درب الحنة]

مرحبا ياغالييات

ممكن وحدة تعلمني اصول القهوة الفرنسية

لما اطلبها بالمطاعم والمحلات احس فوقها رغوة وكثافة لذيذة

ولما اجي اسويها بالبيت ماتطلع نفس الشي !!!

شنو يحطون معها وشلون طريقتها مظبوطة

الله يوفقها اللي تعطيني السر لان اموت عليها

وماتقصرون ادري عنكم​

 

[مخاويه الزعامه]

الله غرامي القهوة الفرنسية دايم اطلبها اددووووخ لما اشم ريحتها

ياليت البنات يعلمونا الطريقة

 

[لـولـو الحلوه]

وانا ابي اعرف شلون يسون القهوة الفرنسية و التركيه

 

[درب الحنة]

رد : اللي خبرة بالقهوة الفرنسية تتفضل تساعدني وربي يوفقها

يارب حد يفيدنا شكرا بنات للردود

 

[q8_toffee]

رد : اللي خبرة بالقهوة الفرنسية تتفضل تساعدني وربي يوفقها

بمقدار فنجيان القهوة حطي ماي بالضبط يعني اذ تبين تسوين حقج بروحج حطي بس مقدار واحد ماي وعليج الحسبه

وملعقه ونص وسط قهوة فرنسيه والسكر على كيفيج اذ تبينها سويت ولا وسط - الرفاعي عنده قهوة فرنسيه بالبندق عجيبه دووخ

تحطين الماي بغوري القهوة ( تنكه ) على مااعتقد يسمونها جذي وفوقهم القفشه ونص القهوة والشكر وتحطينهم على جوله وتحوسينهم لمه تذوب القهوة بس بعدين ماتحركينها بالقفشه تخلينها تغلى لين يطلع الوش من فووق

عليكم بالعافيه

 

[درب الحنة]

رد : اللي خبرة بالقهوة الفرنسية تتفضل تساعدني وربي يوفقها

حياتي مشكورة

بس انا سويت هالطريقة ماتطلع ثقيلة مثل المطاعم مدري شلون ؟؟

يمكن يضيفون حليب او شي ثاني ماادري

 

[درب الحنة]

رد : اللي خبرة بالقهوة الفرنسية تتفضل تساعدني وربي يوفقها

بنات الحين جربت حطيت فوق القهوة ملعقة كوفي ميت واوو حسيت جدا فرقت معاي

وقربت للنكهة اللي ابيها

اللي تعرف بعد شنو يحطون تخبرني


اموت عالقهوة

 

[LUCK GIRL]

السلام حبيبتي بعد جربي تضيفين لها كاكاو بودر ا و نسكافية والطعم واااااو

 

[shahad-2010]

احلـــــــى طريقة قهـــــــــوة وجربوهـــــــا وادعولــــــــــى يصيــــــــــر اللى باللــــــــــــــــى واليكــــــــــم المقادير

تجيبين تنكة القهوه وتحطين نصـــــها ماء وتحطين سكر حسب رغبتج وقفشتين حليب سفتى وتحوسينـــــة ايديج فية وبعدين حطى ملعقتين قهوة فرنسيـــــــــــة واذا طلعت خفيفة زيديها شوية قهوة بناااااات واللـــــــــــة لذيذة :nbptr:

 

[درب الحنة]

رد : اللي خبرة بالقهوة الفرنسية تتفضل تساعدني وربي يوفقها

تسلمون حبيباتي ماقصرتو اكيد بجرب كل شي البارحة جربت الكوفي ميت وطلع واو
اليوم بجرب الحليب او الكاكاو

 

[q8_toffee]

رد : اللي خبرة بالقهوة الفرنسية تتفضل تساعدني وربي يوفقها

عليج بالعافيه

 

[شمس 20]

يااااي ياحلات القهوه الفرنسيه تجنن

 

[Zen&7ala]

رد : اللي خبرة بالقهوة الفرنسية تتفضل تساعدني وربي يوفقها

الللله افكااركم عجييبه

عاد من وين احسن مكان نشتري القهوة الفرنسية؟؟

 

[om al ghaleen]

اعشق شي اسمه قهوه فرنسيه وتركيه

\\

 

[ms.dlw3h]

جربي ضيفي حليب سااااااااااااايل


روووووووووووووووعه جربي قول لي


بس شوي مو كثير

 

[نارنجه]

رد : اللي خبرة بالقهوة الفرنسية تتفضل تساعدني وربي يوفقها

ضيفي لها وهي على النار شوي حليب كرنيشن وقفشة وسط كاكا نوتيلااا ... ودعيلي

 

[درب الحنة]

رد : اللي خبرة بالقهوة الفرنسية تتفضل تساعدني وربي يوفقها

مشكورين لا خلا ولا عدم

بجرب وبخبركم بس اختي نارنجة كاكاو نوتيلا ماغيرة اللي شوكولاه؟؟؟؟ ولا قصدج بودرة؟

 

[نارنجه]

رد : اللي خبرة بالقهوة الفرنسية تتفضل تساعدني وربي يوفقها

ايه نوتيلا ماغيره .. مو البودره

 

[khawla&tito]

رد : اللي خبرة بالقهوة الفرنسية تتفضل تساعدني وربي يوفقها

قشطة الخفق انا اضيف لها تطلع خياال

 

[درب الحنة]

رد : اللي خبرة بالقهوة الفرنسية تتفضل تساعدني وربي يوفقها

ايه نوتيلا ماغيره .. مو البودره

اها مشكورة ياقلبي ماقصرتي بجرب ان شاء الله

قشطة الخفق انا اضيف لها تطلع خياال

اي قشطة ؟؟ ابي اسم

والف شكر غلاتي