اللي حملت بتوأم وراثه والا علاج؟؟ سمعت انها ابره

[الزين كويتي والدلع جهراوي]

مرررررررررررحبا


بنات انا سمعت في ابره يعطيها الدكتور للي تبي تحمل بتوأم صج؟ في ناس تصير وياهم وناس لا ؟

بصراحه كثروووا الحريم اللي يجيبون توأم بدون ورااااثه ؟ تتوقعون علاج؟ والا ابره؟

كذا وحده اعرفها ماشاءالله جابت توأم بس مافي احد بعايلتهم جاب توأم ! بس طبعا مايقولون اذا علاج

بصراحه انا اتمنى اجيب توأم خصوصا اني اولد قيصريه

منو الدكتور اللي يعطي هالابره ؟

 

[ندى88]

حبيبتي اذا التبويض زين عندج ماتاخذين الابر لانج راح تيبيين اكثر من 3 او4 او5 حتى 6 يعطونج حبوب بس كلوميد والحين كل الدكاتره يعطونج العلاج وكل شي بيد رب العالمين وكلهم نفس العلاج بس عندج عيادة السلام روحي عيادة جنيين الي فيها محمد صلاح وهناك دكتور اسمه خالد وايد شاطر ومايكلفج شي والله يرزق الجميع انشالله

 

[الزين كويتي والدلع جهراوي]

رد : اللي حملت بتوأم وراثه والا علاج؟؟ سمعت انها ابره

صاجه كل شي بيد الله بس الواحد يبذل الاسباب اذا يتمنى شي

السالفه مثل اللي يبي ولد ويبي بنت

بس ابي اي دكتور شاطر بالسالفه هذي

ومشكوره حبيبتي

 

[الزين كويتي والدلع جهراوي]

رد : اللي حملت بتوأم وراثه والا علاج؟؟ سمعت انها ابره

اب اب اب

 

[كويتيه مذهله 87]

مافي ابر معينه
هذولا يسون اطفال انابيب وتلقيح صناعي
,,,

 

[شيخة الغراشيب]

حبيبتي انا سالت دكتورتي قالت لي نعطي ابره مهمته تنشيط البويضات
في هالحاله تتنشط عندج اكثر من بويضه ويصيرون توام
حرمت خال زوجي جابت 3 بنتين ولد
بس قيضري ولدوها بالسابع لانه الحمل يكون متعب

 

[ام فوااز]

رد : اللي حملت بتوأم وراثه والا علاج؟؟ سمعت انها ابره

ابر منشطة تنتج اكثر من بويضه وباذن الله اذا تلقحوا راح تحملين بتوام ان شاالله باذن الله

 

[دآنة آلرشآيده]

ايي رفيجتي جابت توآم بنات
خذت ابره بدآر آلشفاء وحملت بتوووم

 

[الشمندرة]

أختي و بنت عمي وحماتي كلهم عندهم توائم وبعلاج كلوميد وأبر تفجير لانهم كان عندهم تأخر بالحمل
أنا اختي عالجت عند دكتورة مهجه البدر شهرين بس من العلاج وماشاءلله حملت تاخرت بالحمل بس سنه ونص مو وايد

 

[barosha]

رد : اللي حملت بتوأم وراثه والا علاج؟؟ سمعت انها ابره

وناسه انا بعد ودي بس مو من اول حمل
الثاني انشالله لوول

 

[شموووخ وغروور]

الله يرزقنااا جميعااااا

 

[يا عيون سمي]

اول هذول الناس اللي يحملون بتوام الاغلب من علاج يعني في شي ياخر الحمل عندهم ومع العلاج يحملون اذا ما فيكم شي لاتاخذونهم لان يسببون تكيس ويخربطون الدوره يعني اذا يتلج الدوره راح يزيد العوارها ويلعبون بالهرمونات​

 

[الزين كويتي والدلع جهراوي]

رد : اللي حملت بتوأم وراثه والا علاج؟؟ سمعت انها ابره

الي اعرفهم ماعندهم تأخر حمل ولاشي عاديين وعندهم خير

مشكورين حبايبي

 

[& الذاهبه &]

الله يرزقج باللي تتمنينه

 

[الزين كويتي والدلع جهراوي]

رد : اللي حملت بتوأم وراثه والا علاج؟؟ سمعت انها ابره

جزاج الله خير

 

[{}{}{ سكرة }{}{}]

بنات شنو اضرار الكلوميد اذا انا احمل طبيعي ؟؟

 

[meme.k]

رد : اللي حملت بتوأم وراثه والا علاج؟؟ سمعت انها ابره

الابر عبارة عن ابر منشطة و الدكتور ما يضمن لج الحمل فردي او ثنائي او اكثر ؟؟ لان هالشيء بيد رب العالمين


انا في حملي الاول اخذت علاج ابر منشطة وحملت فردي و اللحين نفس العلاج بالضبط وسبحان الله حملت توأمي يعني على حسب الاستجابة و اذا ربج اراد شيء يقول له كن فيكون

 

[نمله ممصوعه]

انا بعد اخذ ابر تنشيط بس للحين ما ادري شنو اللي فيني توأم والا واحد

بس مو شرط اللي ياخذ ابر تنشيط يجيب توأم لاني ماخذتهم من قبل وجبت

بنتي .. كله بيد ربج .. ومافي شي اسمه ابرة توأم .. هذه ابره لتنشيط

المبايض .. واذا ربج كاتب لج تجيبين توأم راح تجيبين بإذنه

والحمدلله على كل حال

 

[&موناليزا&]

رد : اللي حملت بتوأم وراثه والا علاج؟؟ سمعت انها ابره

والله ماعندي خبر !

 

[الزين كويتي والدلع جهراوي]

رد : اللي حملت بتوأم وراثه والا علاج؟؟ سمعت انها ابره

اللي فهمته ابرة تنشيط مبايض او كلوميد

واذا احمل طبيعي عادي اخذهم ؟