اللي جهزت بـ الريــااض ( حيــااك اهني ) فيدي واستفيدي

[رهيـد]

:eh_s(14):السلام علييكم ورحمة الله وبركاته


بنات ادري ازعجتكم بس والله ماكله هوا من امي
كلللللل شي مايعجبني:eh_s(14)::eh_s(16):


وقعدت احن ابي اروح اجهز برى مارضوا لحد ما استقروا
نوديك الرياض:eh_s(9):


تاالي توهقت ماعرف شي اهناك لا محلات ولا خرابيط:eh_s(16):

قالت امي اجل تروحين وترزين وجهك ليه:eh_s(11)::eh_s(16)::eh_s(11)::eh_s(2):
نقدت على نفسي:krkrkr:






ف ياليت تعلموني الاماكن الحلوه للجناط
واكسسوارات وعبي واذا في دراريع استقبال او دراريع ناعمه
ومحلات عطورات عربيه او شي نازل بالرياض ومافي اهني :eh_s(11):


مابي اخذ شغلات موجوده اهني :eh_s(14):



والله يوفقها اللي تعلمني بالاماكن الحلوه واسعارهم حلوه
ويرزقها اللي تتمناه ..


وبنتظاركم:eh_s(4):​

 

[bride2011]

من جولتي الموكوكيه احسن مكان للتجهيز الرياض لوووول بس فعلا الي تروح الرياض تجهز تجهيز كامل بقول لج الاماكن بالتفصيل
قمصان النوم والبجايم عندج الهرم الهرم هذا مثل السوق الشعبي بس ارقى من الاسواق الشعبيه صاير مجمع يعني واسعاره حلوه و بضاعته تجنن اخذي منه قمصان بجايم بناطيل لبس الشقه
الذهب و الدبله والساعات عندج سوق طيبه محلات الماس يم بعض وذهب اشتري الطقم من هناك ارخص واشتري الدبل التوينز من هناك ارخص من اهني بوايد وعندج محلات الساعات الدهام العالميه والركن السويسري وبيت الامراء يهبلون ساعاتهم وارخص من اهني بوايد لايفوتج
النفنوف الابيض عندج محلات رهيد وديمتوريوس وبونوفيوس وهذا حيل انصحج فيه هو نفس المحل الي موجود ب360 بس اتوقع ان التشكيله اكثر اهناك
البدل والدرارايع روحي مجمع حياه مول عجيب هالمجمع فيه محلات مثل فيمي ناين هذا عنده بدل تونس واسعاره حلوة وموموجود بالكويت وفيه محل يبيع دراريع مغربيه فوق يهبل جنه اسمه دبلن موجود وعندج محل توب تاتو هم جنه موجود بحياه مول او العليا مول .
الشحاطات والكعوبه بحياه مول فيه محلات مثل ستيف مادن و ايكلبس جنه موموجودين بالكويت .
عندج هارفي نيكلس بالفيصليه موموجود بالكويت وعندج المملكه ورياض مول وغرناطه كلها اسواق فخمه
العبايات عندج طيبه محلات للعبيات الحلوة الرخبصه وعندج في شارع العليا محل عبي اسمه فاشن لاين عجيب بمعنى الكلمه صج حق عروس وفخم حيل وموجود محل بحياه مول بس الي موجود بالعليا على الشارع اكبر .
الماجد للعطور شغله حلو والقرشي اخذي من الماجد خلطه العاذريه ولوشن العروسه .
والله يوفقج واذا تبين شي انا حاضره

 

[♥ SWeeRa ♥]

في محل فساتين لعرايس بمارينا مول بشارع العليا
اسمه نفس اسمج "رهيد"
يمدحونه ويمكن اشتري منه


انا بروح بعد اسبوع ان شاء الله
بروح الاندلس مول وغرناطه
الرياض غاليري .. وطيبه

والهرم لبجامات والقمصان

 

[{الجارحه}]

الرياض اسواقها حلوه بس جده احلى بكثير

والحلو فيها ماتتعبين بفراره كل شوارعها اسواق ومحلات

انصح كل وحده بتجهز تروح جده وهم الرايض لاباس فيها بس افضل صراحه

 

[راعية الطويلة]

أنا مع الأخت الجارحة

اللي تبي تجهز من السعودية
أحسن المجمعات هناك
موجوده في جدة
و معروف سوقها عالمي

بالتوفيق