اللي جرربت حبوب الروكتان لحب الشباب تدخل

[ألماس من داماس]

السلام عليكم ورحمة الله


كيفكم بنوتات؟
ياحبيلكن ياكويتيات وسعوديات وكل ابو شي انا تعبت مت تبهذلت انقهرت فطست وكل شي من حب الشباب كل شي استخدمته مافي لاصابون ولاكريم ماجربه وحتى اشياء طبيعيه شوفان حليب رز مكرونه وجهي يزين وجهي فتره ويرد
حبوووب وتترك اثار سود وبنيات ومشكلات :eh_s(10):المهم رحت لمستوصفات ومستشفيات ومااشوف نتايج بس أكلوني وه تعبت عاد اعرف وحده ماشاء الله تبارك الله لاحول ولاقوة إلا بالله الله لايضره تجنن بشرته تقول مستخدمه حبوب الروكتان وكانت بشرتي اقبح من بشرتك انا فيسي كذا:rgewrg:
عاد شرااايكم انتم واللي جربوها ؟ ويقولون لازم تحليل ابي التحليل ليش يعني وش اللي راح يمنعن؟
تتوقعون فقر الدم يمنع لأن بي فقر دم وشكراااااااااااا بنوتاات احبكم:eh_s(7):



عسى اللي ترد علي بصدق وأمانه ربي يرزقها الفردوس الأعلى واللي تخاف على نفسها ترد علي بالخاص،،

 

[ألماس من داماس]

وادعوووا لي ربي يوفقن ويكتب لي الخيررر وياكم اجمعين والمسلمين

 

[سمو الغلآ]

معرووفه حبوب الروكتان للحب الشباب

اذا كان خفيف مايصرفونه لج


انا اللحين الشهر الثاني توو الناس ع النتيجه


ولاازم تحليل دم


وبسس

 

[ألماس من داماس]

مشكوررررررررررررررره يالغلا ع الرد الله يوفقك

 

[سوسو حبيبتى]

اى حبيبتى انا استخدمتهم

قبل اى شى طالبه منك تتدعي لى بظاهر الغيب

بحكي لك بالتفصيل الممل

شوفي حبيبتى .. بالاول كان وجهي دمار شامل حبوب من اصعب الانواع الى يكون لها جدر وتوجع وتكور وتجيب دم احيانا

حبوب غريبه عجيبه.. فضلت اكتر من سنتين اتعالج بكل اانواع الكريمات الى ممكن تتخيليها.. وكنت اتابع مع نفس الدكتورة

بالاخر الدكتورة قالت لى مالك حل غير الريكوتان .. بس هما بيخلوها اخر اختيار .. لانها ليها اضرار وااايد

طبعا ممنوع الريكوتان الا تحت اشراف الطبيب ووممنوع للحامل او المتزوجه وناويه تحمل او الى ترضع

واااااااااايد خطيييييييييرة تسوي تشوه اجنه وبلاوووي سودة ..

طبعا انا متزوجه الدكتورة حلفتيني مليون حلفان وحزرتني انى ما احمل نهائي ولو بحمل لازم اجهاض

اخدتها تلات شهور . المفروض انى كنت اخدها 6 شهور بس صراحه اثارها الجانبيه تعبتني وزهقت

الاثار الى حصلت لى كانت الم ف الظهر لا تحتمل ..

بس بالنسبه لوجهي طبعا اختلف تماماااااااااااا . حاجة ولا ف الاحلاااااام!!!

كنت باخد جرعات 20 م .. حبتين ف اليوم بعد الاكل

وعملت التحاليل قبل ما ابداء ف العلاج .. لازم التحاليل عشان يشوفوا وظائف الكبد .والانيميا والغدة الدرقيه

المهم خلاصه كل تجربتي لازم تشوفي دكتور شااااااطر تتابعي معاه وهو الى يحدد تتعالجي بالريكوتان والا لا

والله يوفقك ان شاء الله

 

[ألماس من داماس]

وه بعد قلبي الله يزيدك ابي تجارب زياده بعد
مشكورين بنات الله يوفقكن

 

[ام الاسيرالشهيد]

up
up
up
up

 

[ألماس من داماس]

يالبى قلبك ع الرفع
بنات الله يخليكم ردو مايليق كذا.

 

[hbenc]

هلا وغلا شوفي حبيبتي انا كان ويهي كل يومين تطلعلي حبوب كبار واشكال وانواع زهقت حدي بعدها رحت مستوصفنا وعطاني تحويل حق مركز اسعد الحمد في الصباح وتعالجت عند دكتور لبناني وطبعا قبل كل شي سوالي تحليل للغدة والدم ومادري شنو بعد جنه الكلى المهم لمن اطلعت التحليل كانت مطمئنة ووقعني الدكتور على ان اذا كنت متزوجة ما اييب الحين ياهل عشان هالحبوب تسبب اضرار للجنين وتشوهات وخطرة عاد انا مو متزوجة وماكنت حاطة ابالي ان راح اتزوج وحتى لو تزوجت حزتها قلت بوقف مسئلة اليهال الى اشعار اخر المهم اقولج استخدمتها 6 شهور والحين صارلي سنتين من تركتهم وماشاءالله (ذكرو الله ياجماعة العين حق ) نهائيا نهائيا ماطلعتلي ولا حبة وويهي يهبل صافي

نصيحتي لج استخدميها اذا حاليا ماكو مشروع زواج واذا فيه اجلي موضوع اليهال لمدة سنة من تركج للحبوب يعني مو من اول ماتتركينهم تحملين لا مايصير انا الدكتور قالي واهوا راسه مفتر مضيع اني مو متزوجة هالكلام على اخر يوم مراجعه عنده اذا ناويه حمل لا تحملين الا بعد تركج للحبوب بستة اشهر ويفضل سنة عشان دمج ينظف

وتقبلي مروري حبيبتي

 

[ألماس من داماس]

لا مو متزوجه ولاضنتي بتزوج حاليا ع العموم الله يحفظك ماشاء الله لاقوة إلا بالله الله يزيدك ويحفظك ويستر عليك
يااااااااااااااااااااارب توفق كل اللي ردن وتزيدهن جمال ودلال وتوفقهن
مااقصررررررررررررتن

 

[ألماس من داماس]

اااااااااااب

 

[&موناليزا&]

عزيزتي رفع لعيوووووونج

 

[قمر الكويتية]

الله يعينك
ما اعرف الحبوب لكن استفدت من تجارب البنات و ما حبيت اطلع بدون ما أرفع الموضوع
يارب يشافيج و يعافيك

 

[ألماس من داماس]

عزيزتي رفع لعيوووووونج

الله يرفع قدرك بالدنيآ والأخره

الله يعينك
ما اعرف الحبوب لكن استفدت من تجارب البنات و ما حبيت اطلع بدون ما أرفع الموضوع
يارب يشافيج و يعافيك

وإيآك ياعمري:eh_s(7):