اللي جربت حنة التنعيم من بنت الاحلام تتفضل ..~

[Miss Rainbow]

السلام عليكم

شلونكم بنات مبارك عليكم باجي الشهر ..


بنات منو فيكم جربت الحنة و صارلها فترة يعني 3 شهور و اكثر ؟ شلون الشعر عسى ما تغير او طلعت آثار جانبية ؟

انا ودي اجربها بس شعري طويل و خايفه عليه فـ قلت اتأكد منكم مابي استانس اول شي و بعدين اتوهق..

و اللي اشوفه بالمنتدى ان حنة بنت الاحلام ما شاالله اكثر شي يمدحونها البنات فـ بليز اللي جربتها تعطيني رايها

 

[سمو الغلآ]

رد : اللي جربت حنة التنعيم من بنت الاحلام تتفضل ..~

اب

اب

ماجربتها ان شاء الله البنات مايقصروون

 

[حبيبة السوس]

آنا جربتها وصديقتي طاحت شعورنا لا وصديقتي قرعت منها ,وعشان الامانة قريت ان في بنات في المنتدى استفادوا منها ,الظاهر حسب طبيعة شعر الوحدة في فروة تتحمل وفي ماتتحمل,وقالتلي وحدة تبيع حنة تنعيم ان مافي حنة تنعيم خالية من الكيماويات في تفاوت بالنسبة يعني في جلدة الراس تتحمل وفي ماتتحمل وتطيح الشعر وآنا اقول رأيي بالامانة استانست اول جم شهر ودفعت الثمن غالي بعدها الشعر سيامة وتساقط وحسبي الله على اللي ببالي وانتي حرة اللي تبي تاخذ على راحتها تجرب يمكن تضبط معاها

 

[الصعيريه]

رد : اللي جربت حنة التنعيم من بنت الاحلام تتفضل ..~

جربتها لبنتي ومانفعت
لانه بنتي عمرهاا صغيره
فأول استخدام قعدت 4 ساعات وثاني استخدام 6 ساعات والاستخدام الاخير 10 ساعات ومانفعت كللللش
والصراحه بس اللي لاحظته ريحة شعر بنتي صارت خااايسه
والحين اشوى تعدلت الريحه قمت احطلها من حنة المدينه وشغلات تعطير الشعر
وبالموت راحة الريحه
حتى الخدامه لاحظت الريحه مع اني اكون توني مسبحتهاا بس ريحة شعرها موحلووه <<ريحة حنة التنعيم

وهذا اللي شفته ولاحظته من الحنه

 

[Miss Rainbow]

مشكورين بنات جزاكم الله الف خير ..

بليز اللي جربوا بعد خل يفيدونا

 

[chica loca]

تحسفت اني استخدمتها ماتغير شي بشعري غير جذي يع تطبع بالفوط كل فوطي بيضا صارت تخرع ماتسوى علي عرسي بعد شهر وللحين تطبع فشله مدري شسوي نصيحه لاتستخدمينها مامنها فايده ماتسوى 20 دينار

 

[Miss Rainbow]

شكلي هونت ..

شفيهم شاكيرا و مريام فارس

حلاتها الكشة ..

 

[yam_yam]

رد : اللي جربت حنة التنعيم من بنت الاحلام تتفضل ..~

صدمتوني خلاص ماراح استخدمها

 

[Čut!e Quèéи]

والله حتى انا صدمتوني منها

حسبالي صيتها عالي والكل مستانس عليها

اشوى اني مو محتاجتها ولا جان من اول يوم شاريتها الحمدلله

والله ماكو غير الفيتامينات وحبوب زيت السمج وزيوت الشعر احسن من هالخرابيط

على الاقل هذيل مغذيات للبويصله

 

[om-3abood]

رد : اللي جربت حنة التنعيم من بنت الاحلام تتفضل ..~

توني ناويه اطلبها لبنتي ....الله يجزاكم خير ...........انقذتوني:eh_s(2):

 

[أم*سلمان]

والله للامانه انا ما جربتها

بس اللي اسمع اكثر من بنت تمدح فيها ..

وقسم بالله ان ما بيني و بينها اى شي ببس هذا اللي اسمعه و اشووفه ..

وتقبلوو مروري ..

 

[Fugly chick]

انا جربتها زينه!!!! و صار لي 3 اشهر تقريبا!!! و شعري صار ناعم بس مو 100% لا 70% و انا خذيتها من الزين كله ب10 دنانير و نتيجتها نفس نتيجة تجارب البنات الي جربوا بنت الاحلام بس فرق بينهم ان وحده سعرها دبل الثانيه.. و العيب منها الريحه اول ماحطيتها بس اعرق شوي تطلع ريحتها ريحة صدا عقب 3 اسابيع خفت واايد.. والحين الريحه بس لما اخلي شعري رطب ..

و صرت اطلع بدون استشوار بس استشور جدام و بالرطوبه نسييييييييييييت الكشه .. و طبعا سوت شعري اسود فاحم فيه لمعه و راح الجفاف
و انا طبيعة شعري فيه ردات وايد بس مو خشن وايد.. خشن مايل للنعومه..

و ألحين بحط لي مره ثانيه انا شريت منها علبتين و الحين عقب ماطلعت الجذور بحط لي بس عيبها الريحه .. ودي احط اشم ريحة الماسك اللي احطه على شعري نفس اول .. اول بس شعري يهف يقولون لي ريحة شعرج شامبو .. و الماسك من ماركة اسمها tressame مكتوب عليه حمام زيت بديل الزيت .. ريحته عجيبه و حدي منقهره و انا اقولكم عن سر ريحة شعري بس يلا عليكم بالعافيه

 

[زوووز77]

رد : اللي جربت حنة التنعيم من بنت الاحلام تتفضل ..~

اشوه بنات والله عاد بهاليومين كنت ابطلبها عشان عرسي

 

[Om_Ksha]

عاد اختى ناويه تطلبها ..

 

[كوت وتوت]

رد : اللي جربت حنة التنعيم من بنت الاحلام تتفضل ..~

انا بعد طاح شعري صرت قرعة وشعري صار ضعيف

 

[النور الهادي]

جزاج الله خييييييييير ياراعية الموضوع:eh_s(8):

 

[αησмα]

........................................



.......................................

 

[ѕαrαн]

أبـــــــــــــــــــــــــــــــــــــــــــــــــــــــــــــــــ ......

 

[Violetta]

معقوله
كل تجارب البنات الي يمدحونها؟؟
يس انتو ي تذمون !!
ولا وحده من البنات يابت طاري ريحتها
عموما حتى المنتجات الطبيه تضبط مع ناس و ماتضبط مع الباقي

 

[دانه الشطوره]

بالعكس عاد انا ابلتي العربي كنا نسولف عن المنتدى وقالت لي انها جربت حنت بنت الاحلام
وتمدحهااا مدح مو طبيعي و خصوصاً بعد ما شاء الله عليها بنت الاحلام خوش بنيه و التعامل معاها اينن و اسلوبها راقي وحبوبه
ربي يوفقها و يرزقها الرزق الحلال
وتقول ان حنتها ما تسوي الشعر احمر يعني تخليه اسود بس تنعم و وااااايد زينه هاذي تجربه ابلتي حبيت انقلها لكم وانتي حبيبتي لازم ما تاخذين بكلام كل البنات الا الثقه لأن في نااس يحبون يخربون على ناااس انتي جربيها بنفسج والتجربه خير برهان اتمنى اني فدتج حبيبتي