اللي جربت حبوب منع الحمل ياسمين تدخل

[فرح79]

السلام عليكم
خواتي انا نصحتني الدكتوره بحبوب منع الحمل ياسمين بس سمعت انها ممنوعه بامريكا عليها مشاكل وايضا خفيفه يعني في ناس حملت وهي تستخدمها
مين جربتها ياريت تفيدنا عن تجربتها واذا في نوع افضل ياريت تفيدنا اختى يتجربتك مع الحبوب

 

[انسام الكويت]

قريت انها ممنوعه بأمريكا من سنه واكثر يقولون تسوي جلطات للقلب وغيره من بلاوي عاد مادري اذا صج ولا لا بس الواحد يبتعد عن الشي اللي

مذكور انه لها مضار اللي استغربه انه اغلب الدكاتره يوصفون هالحبوب هاذي للي ماتبي تحمل سواء بخاص او حكومه

يعني مفروض اذا مضار مفروض يمنعونها نهائي والافضل انج. تغيرينهم عشان ترتاحين من التفكير والله ماكثر الانواع

اللي غير ياسمين .. روحي لدكتور وقولي بغير الحبوب لنوع ثاني يناسبج وتكون زين ويتقبله جسمج .

 

[ام نواااف]

عاد اغلبية اللي يستعملونه يشكون منها تسد النفس عن الاكل وتسبب ضيقه
اكيد امريكا اقطعوها من هالسوالف لان الضيقه ناتجه عن القلب

عاد ياكثر اللي ياكلونهمم عندناااااا
الاغلبيه مايحملون عليهم
ومن يقطعونهم يحملووووون

 

[نوسآ]

جربتها وماناسبتني طيحت شعري وخلتني عصبية

 

[ضحاوي الديره]

جربتها سنه كامله في بداية زواجي وكانت روووووووووووعه ماحسيت معاها بإي شي
ومن هديتها حملت
وتوني طالعه من الاربعين وقاعده استخدمهم وماشالله حيييييل مريحين لانفسيه ولا ضيقه ولاشي

 

[زين ودلال]

انا ما ناسبتني كلششش

طيحت شعري ووزني مانزل كلششش ولوعه فضيييييعه كل شهر حسبالي حامل من اللوعه

تميت عليهم ٣ شهور وعقب قطعتهم وارتحتتتتتتتتت

 

[فرح79]

والله محتاره شو في حل غير ياسمين

 

[شيهانة]

ايهبلون ولوموزينين جان ماتفقوا عليها الدكاتره ومالج شغل بوالت ايقولون مافي دليل ان امريكا مانعتها طراطيش حجي انا حيل ناسبتني واكلتها عقب بنتي سنتين وحيل ارتحت عليهم

 

[غــ Q8 ــزلان]

انا استخدمتهم بعد بنتي الاولى وبنتي الثانية روعه وحيل ارتحت عليهم ،،

 

[رحيييييييييل]

انا استخدمتها مرتين خفيفه ع المعده بس تسد النفس عن الاكل نحفتني وبعدين قطعتها لان هيئه الغذاء والدواء بالسعوديه عذنا حذروا منها وماتعطي مناعه اول ماتتركيها تحملي ع طول

 

[احبها حيل]

شوفي حبيبتي
ترا مو كل الحريم نفس الشي كل وحده تختلف عن الاخره
عندج انا مثلا استخدمتها من طلعت من الاربعين ببنتي وطبعا الدكتوره وصفتها لي
بس الحين صارلي ٦ شهور من هديتها وطلع عندي مشكلة ضعف المبايض
وانه ماراح تتنشط بعد الله الا بعلاج والسبب يقولون يرجع للحبوب لانها سببت لي خمول وضعف
انا استخدمتها سنتين
وارجع اقولج كل جسم يختلف عن الثاني

 

[((غلاي))]

نخنلف من شخص الي شخص
عادي ماتبينها اخذي اي نوع ثاني

 

[فرح79]

خواتي في حال ما نسبتني حبوب ياسمين شو في نوع تاني تنصحوني فيه اسمعت عن مارفليون شو رايكم فيه