اللي جربت التحليل المنزلي قبل الدوره تدخل

[نساااايم]

اخباركم بنات يارب بخير
انا شاكه اني حامل حللت قبل الدوره بيوم بس طلع خط واحد واليوم موعد الدوره ومانزلت احس ظهري يوجعني والم خفيف اسفل بطني يروح ويجي ..تتوقعون قبل الدوره راح يبين ان كان في حمل
مين حللت قبل الدوره بيوم ومابين وعقبه بين بليز ريحوني

 

[amami al-kuwai]

انا جربتها مرة وكان في حمل

عادي حبيبتي يمكن متأخره الدوره عن موعدها بيوم او يومين

 

[راقيه وجذابه]

انطري ع الاقل اسبوع وحللي مره ثانيه

انا قبل لا احمل تأخرت علي يومين وحللت وطلع ماكو شي بعدها بيوم نزلت


لاتستعجلين انطري

 

[نساااايم]

والله ماادري انا اجهضت وجت اول دوره بعد 30 يوم والدوره الثانيه المفروض تجيني بعد 35يوم يعني المفروض اليوم تنزل وللحين ماشرفت خايفه اشرب شي ينزله واكون حامل

 

[نساااايم]

بنات تكفون ابي ردرد اكثر

 

[fattooma]

مع الممارسة الجنسيه و القذف الداخلي ممكن يصيرلج لخبطة بالهرمون فتتاخر الدورة و ممكن تصير تقلصات بالرحم و هالشي يسبب الم لان هذا الي صار معاي و حللت بالبيت و ماكو شي و نزلت بعدها بجم يوم

 

[غرام القمة]

روحي حللي دم وريحي نفسج من الوسوسة

 

[أأأميرة الورد]

بعد الاجهاض تتاخر الوحده بالحمل لان الهرمونات تكون متخربطه شووووووي

الله يرزقج بالحمل الشهر هذا

 

[راقيه وجذابه]

لاااااا ديري بالج لاتشربين شي حار ولاتاخذين شي ينزل الدوره

لين تتأكدين ياعمري ديري بالج لاتستعجلين

وعشان تتأكدين روحي سوي تحليل دم الصبح

الله يكتب لج الي فيه الخير ياااارب

 

[ابدا يالغالي مانساك]

..,,,جربي التحليل المنزلي الدجتال كلير بلو
يبين ربي يرزقج

 

[Habibat Abooha]

نطري اسبوع حللي دم وان شاء الله تكونين حامل

 

[ام الحلوااات]

نـــطـــري جــــم يـــــوم وحـــللـــــي دم يـــبـــيـــــن مـــعــــاااج
واللــــه يـــكــتــــب لـــج الـــحـــمــــل عــــاجــــلآ يـــاااارب

 

[نساااايم]

اشكركم اخواتي على ردودكم راح انتظر لنهاية الاسبوع اذا مانزلت بروح عند الدكتوره