اللي جابو 2 ورا بعض يدشووون يرفعون من معنوياتي !!

[ديور88]

مرحبا

اللي جابو 2 ورا بعض يدشووون
يرفعون من معنوياتي شوي

<< حدي متضايجه

توي طالعه من 40
بعد شهرررر
غابت عني الدوره
حللت طلعت حاااامل
:eh_s(2):


بناات 0انا ام بجريه
ويالله اسنع ولدي عشان اجيب 2 ويا بعض

صج صج تعبااااااانه

ريلي يقول جيبي 2 مع بعض واقعدي لو تبين 6 سنين ..

<< مجررررد فضفضه

 

[*ماي الورد*]

رد : اللي جابو 2 ورا بعض يدشووون يرفعون من معنوياتي !!

الله يهون عليج
بيصير جنج يايبة توام عادي

 

[ديور88]

رد: رد : اللي جابو 2 ورا بعض يدشووون يرفعون من معنوياتي !!

الله يهون عليج
بيصير جنج يايبة توام عادي

مشكووووره حبووبه
والله هذا اللي ماجاء على بالي

<< ارتفعت المعنويات اشوي

 

[غلاي امي وزوجي]

الله يعينج جيبيهم وارتاحي

 

[مواصله]

رد : اللي جابو 2 ورا بعض يدشووون يرفعون من معنوياتي !!

مايخالف حبيبتي هذي نعمه من الله

انا مثلج طلعت من الاربعين وحملت بالبدايه تضايقت شوي لاني بكريه وكنت بعدني صغيره

ولدت قلت بمسك 6 سنين اقل شيئ ،رحت ركبت لولب هرموني
بمراجعتي الثانيه الدكتوره قالت لي انتي حامل التفت وراي قلت يمكن فيه وحده بتستلم تحليلها ههههههههههه

حسيت اني في دوامه ماستوعبت الا ليما كبر بطني لكن الحمد لله ربك رحيم ويسهلها علينا

ربيتهم مثل التوأم اسوي رضاعتهم واغير حفاظتهم وانومهم نفس الوقت

الحين اقول الحمد لله على هالنعمه ربي يحفظهم ويخليهم لي شحلاتهم

يعني لاتحاتين ياعمري اهم شيئ نظمي وقتك واستانسي معاهم بتربينهم مثل التؤم

غمضي وفتحي بتلاقينهم يراكضون بالبيت

الله يتمم عليك ويقومك بالسلامه

 

[كـ غلا ــلي]

ماشاءالله الله يخليلهم لج أنا كنت أتمني أني احمل بعد الاربعين

بس ما صار بالعكس لا يضيق خلقج أهيا اولها تعب وهالشي طبيعي

لانه الياهل بالاربعين يكون متعب لين يصير بعمر ٣ شهور تبدين ترتاحين

والأيام تركض بسرعه

 

[ديور88]

الله يعينج جيبيهم وارتاحي

الله يعييييين

 

[ديور88]

رد: رد : اللي جابو 2 ورا بعض يدشووون يرفعون من معنوياتي !!

مايخالف حبيبتي هذي نعمه من الله

انا مثلج طلعت من الاربعين وحملت بالبدايه تضايقت شوي لاني بكريه وكنت بعدني صغيره

ولدت قلت بمسك 6 سنين اقل شيئ ،رحت ركبت لولب هرموني
بمراجعتي الثانيه الدكتوره قالت لي انتي حامل التفت وراي قلت يمكن فيه وحده بتستلم تحليلها ههههههههههه

حسيت اني في دوامه ماستوعبت الا ليما كبر بطني لكن الحمد لله ربك رحيم ويسهلها علينا

ربيتهم مثل التوأم اسوي رضاعتهم واغير حفاظتهم وانومهم نفس الوقت

الحين اقول الحمد لله على هالنعمه ربي يحفظهم ويخليهم لي شحلاتهم

يعني لاتحاتين ياعمري اهم شيئ نظمي وقتك واستانسي معاهم بتربينهم مثل التؤم

غمضي وفتحي بتلاقينهم يراكضون بالبيت

الله يتمم عليك ويقومك بالسلامه

حياااااتي انتي
كلامج واااايد ريحني

الله يخلي لج ماعاطاج ويرزقني باللي اتمنى ياارب

صج نسيت .. صرت افكر اني احط لولب بس من كثر مااقرى انه مافي امان فيه
صرت اخااااااف
بتوكل على الله وباكل حبوب
شسووي بعد

 

[ديور88]

ماشاءالله الله يخليلهم لج أنا كنت أتمني أني احمل بعد الاربعين

بس ما صار بالعكس لا يضيق خلقج أهيا اولها تعب وهالشي طبيعي

لانه الياهل بالاربعين يكون متعب لين يصير بعمر ٣ شهور تبدين ترتاحين

والأيام تركض بسرعه

حبوووبه نصيحه ارتاحي شوي على الاقل سنه
واحملي
صج تعب
هذا انا اللحين بديت اتنسى ونووووم 24 ساعه

وولدي ماادري شنو جاه بعد ماكمل 3 شهور
بس يبجي
يبيني اشيله ..
<< وقته اهو لووووول

 

[meen_ana]

ان شاء الله سهالات وحطي في بالج يربوون مع بعض احس من ماتيبين واحد وتريحيين وتردين من يد ويديد تسهرين

 

[:: Diva ::]

مادري كان ودي اييب ورا بعض
عالاقل ما يقعد ولدي بروحه

الحين فديت قلبه من يسمع حس ياهل بالشارع يكلمه و يصارخ يناديه


ضايق خلقه بروحه
و صح اعتبريهم توأم



اختي فرق بين بناتها سنه ونص
يعني بنتها صار عمها 8 شهور حملت اعتقد جذي

المهم ان الكبيره عمرها سنه ونص و الغيره عمرها 3 اسابيع
حاطه خدامه للأولى و سستر للثانيه
و اهي تعبانه مو اقولج مرتاحه

بس اليهال يكبرون ويا بعض و تدرسينهم مع بعض
مره وحده تسوين لهم كل شي ..



مادري
التساهيل من رب العالمين
طلبي لج بيبي ستر

 

[يا كويتنا]

رد : اللي جابو 2 ورا بعض يدشووون يرفعون من معنوياتي !!

عادي يا قلبي انا صار معاي نفسج بالضبط

وشحلالاتهم الحين

واحسن شي لا نسلت ولا تعسر بالولاده الامور كلهاسالكه

الله يقومج بالسلامه

 

[أم سلوم الحلو]

الله يتمم عليج
عادي لاتحاتين والله الايام تركض
ويكبرون مع بعض وايد احسن لج
وهذي كتبه الله شتسوين

 

[Chic & Unique]

تبارك الرحمن هذي قسمة الله لج استانسي و لايهمج شي و خلي ولدج يربى معاه اخوان و اهوه صغير احسن لج من لا يقعد بروحه انا بنتي الحين اسم الله عليها عمرها سنه و ضايق خلقها تكسر خاطري كله بروحها انا اشجعج الصراحه وتوكلي على الله و استانسي بحمالج الله يثبته لج ان شاء الله

 

[حبـ admant ـك]

رد : اللي جابو 2 ورا بعض يدشووون يرفعون من معنوياتي !!

اول شي الف مبروووك
وخلاص سوي نفس ماقال زوجج لا تحملين لمده 5 او 6 سنوات
تفرغي لعمرج و لزوجج وعيالج

 

[eman84]

بالعكس والله ترتاحين عقب
عالاقل تربينهم مع بعض وواحد يلعب مع الثاني و جنهم توم اسمالله عليهم
وتدرسينهم ويا بعض وبيني وبينج ريجيم عقب مره وحده و تهتمين بروحج على كيف كيفج

والف مبروووك

 

[غيمه ظميانه]

رد : اللي جابو 2 ورا بعض يدشووون يرفعون من معنوياتي !!

بالعكس والله احلى يلهون ببعض ماتحاتين اذا بروحه

الله يخليهم لج

 

[nazek_q8]

انتي 2 ورا بعض وجذي نفسيتج



انا 3 ماقولج مرتاحه صج تعبانه وصرت عصبيه ومرات اكفخهم بس بالاخير يردون الروح

تعب تعب بعدين بترتاحين راح يكبرون مع بعض

وحطيلج خدامتين وحده حق شغل البيت والثانيه حق اليهال وريحي بالج لا تفكرين ان الشغله صعبه انتي بروحج تقدرين تنظمين امورج

والله يوفقج

 

[عيووونه]

رد : اللي جابو 2 ورا بعض يدشووون يرفعون من معنوياتي !!

بالعكس اهو تعبب صح بس انا افكر بعد 3 سنين وناسه 2مع بعض بس تخيلي لو جبتي واحد وريحتي سنه وبعد سنه حملتي احس مادري مو شئ يعني حط التعب على التعب هههههههههههههههههه بس صج انا ابدل حفاضات بوقت واحد ومع بعض والرضعات مع بعض واحلى شئ نومه الظهر مع بعض ويقومون مع بعض بس مرات يبدون جبدي اذا نامت وحده والثانيه قاعده يعني مرات يتلخبط النوم شوي وصج متعب بس والله والله الراحه بعد 3 سنين تشوفينهم كبار وريحي سنتين بعد الثلاث السنين وبعدها فكري وجيبي 2 مع بعض وبعدها ستوووووووووووووووووووووووووووووووووووووووووووووووووووووووووووووووووووووب والحمد الله والشكر

 

[um_yoyo]

رد : اللي جابو 2 ورا بعض يدشووون يرفعون من معنوياتي !!

عادي لا تحاتين على حملت على ةلدي بعد شهرين و صج بالبدايه تعب بس تعب حلو على القلب و الحين اعمارهم 3 و 4 سنين الله يحميهم 24 ساعه مع بعض واحد يونس الثاني و انشالله يكبرون و يصير واحد ظهر للثاني

لوبايدي جان كل عيالي ورا بعض بس مااقدر لان ولاداتي قيصريه