شوفي حبيبتي بنقل تجربتي وان شالله تستفيدين
انا توني والدة مالي الا 4 شهور
واول مادخلت السادس سافرت
وكلن قالي صبري لمن تولدين ويافري وانا قلت لا الا بسافر زهقت وبعدين جايه على شهور ثقل ونفاس وصياح اطفال بوسع صدري قبل وحملي طبيعي الحمدلله ومافيني الا العافيه وبروح عاندت ورحت -طبعا الحمدلله على كل حال وقدر الله وما شاء فعل-
ومع ان ماخذة فندق قريب مايحتاج ذاك المشي الواجد لكن السفر لاي مكان لازم مشي
والمشي متعب لج انتي صدقيني
المهم سافرت امشي (ومو واجد بعد) وارجع اخر الليل الفندق ادهن رجولي وظهري بكريم مسكن من الالم
وثالث يوم جاني فتاق بالسر لاني جيت اركب سياره جيب والظاهر شد بطني وجاني الفتاق
تعذبت بالحمل وبعد الولادة وتوني مسوية العمليه لي شهرين ومتعذبة ولدي مو قادره اشيله وعند اهلي لي كم شهر بسبتة لاني ماقدر اشيل ولدي ولا شي .
ان شالله اللي صار لي مايصير لاحد
لكن ماانصحج اوربا مشي وماراح تستانسين بتتعبين
روحي لج فندق باي مكان قريب دبي ولا اي شي غيري جو بس وردي
اما سفره وسفر ماائيد.
واستخيري رب العالمين
