اللي تهتم بالأكل الصحي لعيالها تدخل ..

[أخر العنقود]

السلام عليكم ورحمة اله وبركاته

خواتي بصراحه ودي اسوي جدول تغذية للعايله بصورة عامة .. الحمدالله أنا عندي 2 عسى الله يخليهم ويرزقني برهم:yaaaaaarb: الكبيره عمرها3 سنوات والصغير أقل من سنه .. ودي اهتم بتغذيهم لأني احس انه هذي مسؤوليتي وواجب .. ولأن هالشي بيأثر على صحتهم ومستقبلهم


يا ليت تعطوني افكار شنو الأكل اللي أسويه لهم وشنو اللي امنعهم عنه؟؟


فكرت اني استغني عن اللحم المفروم والنقانق والبرجر وأحاول اني اشتري خروف واخلي اللحام يسويه لي اللي ابيه برجر ولحم مفروم كباب وتكه وغيره اضمن من هالأمراض اللي قاعدين يأكلونها .. لكن للحين ماني عارفه شلون ابدا :eh_s(2):

الأندومي شبه ممنوعه ووي أمنع العصاير الصناعية لأن البيبسي ممنوع .. واممممممم ما أدري شنو بعد أسوي يا ليت تساعدوني بأفكاركم ..



​

 

[SOFTY^LADY]

والله انا نفس حالتج عندي اطفال وودي اركز على الاكل الصحي

وكثر ماقدر ابعد عنهم الحلويات والعصاير المعلبة

 

[أحبك أمي]

انا معاكم
أحب اركز على اكل البيت وابعدهم عن البيبسي والشبس والحلويات علشان التسوس
لكن الله يعينا

 

[أخر العنقود]

صراحه انا بديت اعطيهم تمر يوميا ومرات أشربهم بابونج مع شمر زين للصدر والبلغم .. ومرات عصير برتقال فريش هذي من الشغلات اللي قاعد اسويها لهم ..

وبالنسبة للحلويات بما انهم صغار اقدر اسيطر عليهم فكرت اني اعطيها لهم مرتين بالكثير بالإسبوع بس وبعودهم على هالشغله للحين ما بلشت فيها بس ناوية فيها.



خططت بهالجدول انظم تغذيتهم وتغذيتنا معاهم :eh_s(15): وبأخذ رأيكم فيه :-
تمره على الريج مهم لأن كله فيتامينات ..

الفطور وأختار من ما يلي صنف أو 2 ( بيض -جبن -دبس زين يرفع الحديد -عسل له فوايد -زعتر -رهش -لبنه)
مع حليب أبيض محلى بعسل بدل السكر أو حبه فاكهه


الغدا ضروري معاه سلطه او خضار ورقية وليمون يوميا


السناك عصير طازج ومكسرات خصوصا الجوز مفيد أو فاكهه أو شوفان أو ذره أو نفيش أو كريم كراميل أو كيك العومات أو محلبيه بالبسكوت أو تمر ولبن


العشا مصيبة المصايب ماعندي افكار إلا مقالي ومكرونة أو صواني بالفرن ابي شي ينفعهم :eh_s(11):




اممممم أخيرا خواتي اللي عندها اضافة للجدول تضيفها واللي عندها افكار غير تذكرها واللي تعرف شغالات مفيده تكتبها .. وساعدوني بمشكلة العشا :eh_s(10):<<===== قرقه



وشكراااااااا لكم .. وعسى الله يحفظ لنا عيالنا ويبارك لنا فيهم :eh_s(7):