أنا ببجي كتبت تقرير بيدي بيدي عن انمي وامسح توني توني توني
بعدين شفت موضوعج قلت على الاقل أحط ما في جعبتي وشوية صور وبدردش شوي
حدي انقهرت بس موضوج يه بوقته
الصمت الغامض << انتي منقذتي .. الله يفرج همج يااا رب
اسمه kimi ni todoke
هذا بالياباني ويعني الوصول اليك
حلوه وشخصياته حلوه بس مشكلته احداثه تبط الجبد وردات فعل الابطال كلهم ما تقولين الا << المخرج عايز كدا
بتكلم عنه شوي ما راح اقدر أكتب كل الي كنت بكتبه في التقرير
هذا اول انمي اشوفه عن طريق النت غير الي شفتهم بالتلفزيون
الموسم الاول: 25 حلقه
الموسم الثاني: 12 حلقه
واليوم خلصته
حلو
قصته يتكلم عن بنت في الثنويه شكلها يخرع ويخافون منها ومطلعين عليبها اشاعات انها تشوف الاشباح ولها علاقه بالجن والسحر
هالبنت " ساواكو" طيبه لدرجه الي ماله نهايه ؟
وهي تحاول وتحاول .. لكن كل من يشوفها ما يرد عليها التحيه وما تشوفون الا غبرته
في البدايه تقابل شاب وهي بطريجها في اليوم الاول للمدرسه وتدليه مكان المدرسه
يرد عليها بابتسامه والشكر
تفرح ساواكوا لان ما خاف منها، يحاول يدعمها علشان تنخرط بالمجتمع .. تنخرط
شنو تفسر ساواكوا لهالتصفات ؟
وليش هذا الفتى الذي يدعى كازاهايا يساعدها ..
وشنو تتكشف في النهايه
وشنو تكون ردة فعله ؟
بدعمه لها تتعرف على الأصدقاء والاثنين المقربات اهم يانوا ويوشيدا
يوشيدا بنت صبيانيه حساسه طايشه انفعاليه منفعله حبيتها بصراحه
يانو حكيمه تصرف حسب عقلها تحب الكشخه وتعرف تحط مكياج << راح تعرفون هالشي يعني بتروح تتهاوش مع بنت تسألها لحظه شنو التريتمنت الي حاطته ؟؟
شنو تأثير هالشخصيين على حياة ساواكو ؟؟
من الشخصيات المهمه
راي
صديق كازاهايا المقرب
على الصامت غالبا يموت بالنوم
بعد المدرسه يشتغل في مطعم ابوه الي تحبه يارتهم يوشيدا
واهي صديقته من الطفوله
راي يميل لبنت وياهم بالمدرسه منو اهي ؟
مشرف صفهم " بين "
ما حبيته انسان مغرور منحرف شايف نفسه
يعتقد انه شخص مهم انه منقذ اانه مفيد
انه جميل ومحبوب << ولا شي صح
ما حبيته كلش كلش هالمنحرف
هالبنت الجميله الملفته للنظر تسير صديقه ساواكوا بس مو المقربه
لطيفه مع الكل
شنو تتوقعون تأثيرها على حياة ساواكوا
وشنو تأثير ساواكوا على حياتها
وشنو راح يكون ردة فعل ساواكوا على تصرفاتها ؟؟
صور
