اللي تعرف عن سكر الحمل تدخل

[فرااااولة]

السلام عليكم
شلونكم كويتيات

بنات انا اكتشفت ان فيني سكر الحمل من الشهر السادس
بس الدكتوره ما عطتني شي، اتقولي سوي رجيم
وانا اللي لاحظته انه مرات يصعد وانا مو مخربطه بالاكل
يعني يوصل10 ، 11ومرات13 واقعد ع اعصابي ع ما ينزل

خايفه عالبيبي وماني عارفه شسوي
اللي صار فيها شنو كانت تسوي
يعني معقوله بس رجيم
انا حامل وطبيعي اني اشتهي اكل مره حلو او عصيراو حتى اكل من مطعم

شنو الحل

 

[auoma]

انا نفسج وانا صايمه طبيعي بس بعد الاكل مشكله
يوصل ٩ او ١٠ مرات
والدكتور قالي حميه واشتركت بدايت كير والله انصحج فيهم تأكلين كل شي
حلويات وعيش وستيكات واصناف غريبه والسكر مستقر ولله الحمد
طبعاً اهم شي لاتاكلين وتنامين على طول تحركي
واهم شي اهم شي النفسيه تلعب دور كبير
ترى السكر يرتفع مو بس علبالج من الاكل النفسيه لها دور كبير
خليج ويلاكس وابتعدي عن اي شي يضايجج وراقبي السكر قيسيه على طول

 

[*TOTO*]

انا صار فيني سكر حمل بالحمل اللي طاف بالسادس وماخذيت الامر بجديه
وبعدين اكتشفت ان ماي البيبي زااايد حيل وبطني الله لايوريج باخر السادس جني بالتاسع وفيني توأم

وقالي الدكتور طبيعي كل مايرتفع السكر ترتفع كميه الماي
واذا ارتفعت كميه الماي خطر عالام بالولاده وخطر عالبيبي

وكانوا بيولدوني قيصري اول الثامن عشان البيبي مايشرب الماي الزايد حيل
وخوفوني حيل وعطوني احتمالات تخررررع قالوا يمكن البيبي يشرب الماي ويأثر عالرئه
ويمكن الماي يدش بالراس وووو طبعا مت بجي من الخوف وخليت كل شي على الله وقعدت ادعي واكثرت من الاستغفار
والدعاء وقالي الدكتور اول اسبوع بالتاسع اكيد راح ينفجر الماي لان واصل مرحله خلاص بطنج كأن فيه 3 تواءم. واذا ما ولدت طبيعي
بأول اسبوع راح يعطوني طلق او قيصري
والله كنت ادعي ربي الليل والتهار ان كل شي يصير بسهاله بدون تحريض عالولاده
والحمدالله وانا بالبيت نزل ماي ورحت المستشفى دار الشفا ودخلوني غرفه الولاده
وتابعوني وتمت الولاده بساعتين ولا حسيت في بنتي لماطلعت والله نمت وقعدت قالولي مبروك مدام وحمدالله على سلامتج
وبنتج زي الفل صحتها تمام وشافها دكتور الاطفال يقول ماشربت من الماي ولا اثر عليها

الحمدالله يارب وانتي كثري من الدعاء والاستغفار

والله يهون عليج يارب

 

[Laymo0ona]

انا فيني سكر حمل
يتابعونج اذا مانزل ب دايت يعطونج ابر انسولين
ف احسنلج تنظمين اكلج وتبتعدين عن النشويات والسكريات
انا بعد اشتركت بدايت كير وكان السكر اوكي بس قطعت وقمت اخربط فرديت اشتركت وماقام ينفع معاي هم يرتفع
كلما خربطتي السكر يتلخبط يعني يزيد اذا كنتي تاكلين بادية
عيش ماتررفع السكر عندج عقب راح ترفعه اذا ماهتميتي
هذي تجربتي وانا وصلت لمرحلة الانسولين وشكلي هم بهالحمله راح اخذ انسولين سكري معتفس عدل وانا توني بالثاني
وان شاءالله ماتاخذين ابر خصوصا انه انتي بالسادس حاولي تمسكين روحج مابقالج شي..

 

[زين ودلال]

الله يسهل عليج ان شاء الله

وان شاء الله يااارب مايأثر على البيبي

 

[فرااااولة]

مشكورين بنات على تفاعلكم
مشكلتي مو قادره التزم بالرجيم مليت وخايفه من الانسولين
وانا الحين مو بالسادس، اكتشفت السكر بالسادس بس الحين مابقالي شي ان شاءالله
عشان جذي خايفه حيل يتاثر البيبي وتعبي يروح

الله يستر
يا رب سهل علي وع الحوامل وشافينا من هالسكر

 

[Laymo0ona]

مشكورين بنات على تفاعلكم
مشكلتي مو قادره التزم بالرجيم مليت وخايفه من الانسولين
وانا الحين مو بالسادس، اكتشفت السكر بالسادس بس الحين مابقالي شي ان شاءالله
عشان جذي خايفه حيل يتاثر البيبي وتعبي يروح

الله يستر
يا رب سهل علي وع الحوامل وشافينا من هالسكر

زييين الحمدلله مابقالج شي لاتحاتين
مابقى الا الخير حاولي تمسكين روحج
بعدين يطلع بيبيج بطوط شحلاته يتقرص نفس عيالي كلهم خدود بس بعدين يفشون

 

[فرااااولة]

انزين صج يقولون ان السكر يذبح الياهل
حدي خايفه استغفر الله واحاتي

 

[Laymo0ona]

انزين صج يقولون ان السكر يذبح الياهل
حدي خايفه استغفر الله واحاتي

لاتحاتين اذا كان شي خفيف ان شاءالله ماكو الا العافيه خففي نشويات ولاتحاتين
وراجعي عيادة السكر شوفي شيقولج ي