اللي تعرف عن الصين أو ماليزيا و خباياها تدخل

[yam_yam]

السلام عليكم

حبايبي شلونكم و شخباركم
عاد شوفو انا أول مرة اشارك بهالقسم اذا مارديتوا علي راح أزعل


حبايبي انا ناوية هالسنة انشالله أروح ماليزيا أو الصين و أبي ناس رايحين لها يقولون لي عنها و عن خباياها

و ألبي اعرف أحسن الاسواق فيها و أحسن الاماكن و الفنادق _03BA:

و بعرف وين يبيعون الجناط الحلوة و الساعات و الحجابات و البدل وكل شي تعرفونه ياريت تقولون لي

و اذا أبي أقعد 15 يوم تكفيني ؟؟
و شنو أحسن الصين أو ماليزيا و شنو جوها بالصيف ؟؟رطوبة و لا عادي


أدري دوختكم بس مالي غيركم :tek:​

 

[دموع-الاصايل]

السلام
انا عن نفسى رحت لماليزيا بس
و انصحج فيها و بقوه بعد ..خخخخخ

لان ماليزيا جامعه كل شى التسوق و النظافه و الطبيعه و الناس اللى فيها يهبلون مع انها مسلمه لكن سكانها ينقسمون ثلاث اقسام ( صينيين و هنود و ماليزيين ) و كلهم يعتبرون ماليزيين بالجنسيه

بس سبحان الله ترتاحين للماليزيين اكثر تحسين الصينيين فيهم حقد على العرب الكل قالى قبل لا اروح و انا لاحظت هالشى ..اول ما طبيت ماليزيا بكوالالمبور كنت اصور بالفيديو و رجلى بعيد عنى و انا اصور طاحت عينى على قطاوه فوق سيكل و قعدت اصورهم والله ما بغيت الا عمرى قب فينى الصينى قبه و كان يهاوشنى و كان يرفع ايده بيجر الكميرا والله خفت و كنت ادور رجلى مالقيته جان انحاش و انا ارجف.

و الهنود مو مباعدينهم و خصوصا اذا كانو هندوس الله ياخذهم ...

و ماليزيا اذا تبين تستمتعين بالطبيعه تقدرين ترو حين لنقاوى او الكاميرون ... او جنتنق للبراد و الملاهى ..
يعنى باعربى ماليزيا للسياحه و الوناسه على قولتهم ماليزيا اسيا الحقيقيه خخخ

اما الصين فاللى راحولها يقولون لتسوق و للبضايع
و هذا اللى اعرفه عن الصين بس اكيد البنات اللى راحو بيفيدونج اكثر

جنى قرقت واجد ...؟؟؟

 

[ombaza]

انا بحط لج سايت دشيه يفيدج وااااااااااااااااايد وحوسي فيه
http://travel.maktoob.com/vb/travelarab157/

 

[yam_yam]

مشكورين يالغالين ماقصرتوا

 

[عاشقة S ببساطه]

انا أفضل تروحين الصين رووووووووووووعه

عزيزتي متى سفرتج إذا آخر شهر 6 حياج الله معانه انا بكون هناك بإذن من رب العالمين