اللي تعرف عن آخن شيء تدش

[البطه الجميله]

بلييييز بنات ممكن تساعدوني ابي اعرف الفنادق او البيوت الرخيصه في آخن المانيا عشان ابي اسوي عمليه بعد اسبوعين :eh_s(1):

 

[الورده اليافعه]

افضل فندق في السنتر هو ميكور دي ام في شارع بيتر ثلاث نجوم عند الاسواق والقهاوي اللي تجلس فيها العوايل الخليجيه
سعر السويت اذا حجزتي من وكيل سفريات حوالي 30 دينار شامل الافطار بوفيه بصراحه روعه مقارنة بغيره
بعده فندق نوفيتيل اربع نجوم قبال سلطان الكباب ومحطة الباص بس تكلفته 30 دينار للغرفه مع الفطور والغرفه فيها صوفه يعني اذا
معاكم طفلين ماتكلفكم شئ
اما الشقق كلها نصب ودجل وعلى عينك ياتاجر يتم استاجار الشقة ب 250 يورو بالشهر وتاجيرها للخليجين بسعر من100 يورو الى 150
ممكن تتعرضين للسرقة ولا تقدرين تشتكين لان في الاصل ماعندج وصل لان الوصل اللي يبي يعطونج اياه نصب هذا اذا عطوج
الشقق اللي موجوده اقل من المستوى
ااكبر وكالة نصب شركة ام فراس واولادها
تبين الصراحه ينصبون نصب خبال بس ماراح تنتبهي لهم في البداية ولما تنتبهي بتكون راحت فلوسج
من غير مانتعرض للناس كل الشقق دجل ونصب بحجة القنوات العربيه
الفنادق امن مواقف افطار خدمة اربع وعشرين ساعه وسعر مقارب للشقه والمصيبه احيانا اقل
ماادري هل يجوز ان اذكر هالكلام والا لا
بس مثلا تقوم ام فراس وعياله تجيبكم من المطار ب 350 يورو بفان اوبل من فرانكفورت ساعتين ونصف
وانتي تستاجرين احسن مرسديدس ب70 يورو وممكن سيارات اقل من مرسيدس ب25 يورو تكفى عوايل كبار
اجار يطلب منكم دفع المبلغ كاملا للمده كاملة علشان اذاعرفتم اللعبه ماتقدرون تطلعون وحاطين كاميرات الناس حاسبتها للحراسه
وهي للتجسس جربي جايبه كيس عليه ماركه غاليه واول ماتطلعين على طول نهب
فيه سكن تابع للمستشفى يكلف 40 يورو شقق وهومنفصل عنها بس موبعيد يعني 300 متر
وفيه سكن تابع للماكدونالدز بعشرين يورو للغرفه شامل مطبخ مشترك وغرف غسالات وحديقة وقهوة وشاي ومشروبات غازيه اربع وعشرين ساعه بالمجان وهو سكن روعه للي ماتهمه الاسواق
افضل طرق للمواصلات اشتراك بالباص ب 38 يورو للشهر للعائله
بعده تاجير سيارة من شركة اوبل حسب حجم العائله السعر اليومي بحوالي 25 يورو
الشهري تقريبا حدود 500 يورو
المطاعم
1- اربيل مطعم عراقي لاكراد بس والله ناس محترمين جد مشويات عيش - اسماك- ومرق ,,,,,,,
2- سلطان الكباب مطعم تركي مقابل فندق نوفيتيل
3- مطعم بيتزا هت مارغاريتا بيتزا
4- مطعم ايراني شهرزاد
اشياء مهمه
بطاقة الفيزا - يفضل الحجوزات المسبقة بتوفر نصف تكاليفكم بس مش مع العرب من المان
اذا كان العلاج على حساب الحكومه مافيش مشكله
بس اذا على حسابك ممكن تنزل الى الثلث او الربع بس تحتاج ترتيبات
شكلي طولت بس خمس سنوات في هالمدينه خلتني احفظها
اذا تبين شئ اوصف لج من تدخلين المطار لين ترجعين له ترى حاضره
14 مره عدد الرحلات ههههههههههههه

 

[الورده اليافعه]

1- المطار يفضل مطار دوسلدورف على فلرانكفورت
- لانه اقرب مطار لاخن حوالي 40 دقيقه واسهل في اجرائات السفر والتاكس فري يمشون من غير مايتعبونك واصغر ولافيه مجال تضيعون
فيه بس فرانكفورت ضيعه
الطيران افضلهم الاماراتيه ارخص وافضل خدمه حتى البزنس سعرها معقول
2- القياده في اوربا
- اسهل مئة مره من عندنا ماراح تسمعين هرنات ولا تكبيس ليتات
- افضل شئ الحجز عن طريق مكاتب السيارات والا بالانترنت وتعاملهم راقي
بالنسبه للايجار من اخن افضل شركة اوبل
مناطق للسياحه حول اخن
- بحيرة روزه فيها اكثر من مكان على البحيره داير مدار البحيره تاجير قوارب وجولات بحريه عمق البحيره يصل الى 275 متر
- مدينة منشاو تبعد 28 كيلو من اخن مدينة قديمه فيها انهار وشلالات واسواق يكفي التمشية فيها فعلا عجيبه حتى بضايعها تستاهل تشترين منها
لانها مميزه وخاصة فيها .
- مدينة فالس vaals
مدينه هولنديه فيها منتجعات سياحيه قمة ورخيصه عيبها بعيده شوي عن الاسواق لكن مواد غذائيه متوفره في المنتجعات وحولها تبعد اربعه كيلو عن اخن وبيوتها ارخص تقريبا نصف سعر اخن معنها اقرب للمستشفيات من اخن بس مافيها اسواق كبيره
- مدينة كو coo
منطقة جبلية في بلجيكا تبعد عن اخن 76 كيلو شالات ومناطق سياحيه والعاب وتلفريك اذا عرفتوا لها تجنن
3- مدن قريبه من اخن للتسوق
مدينة هيرلن 23 كم
مدينة ريمونت 38 كم بالذات الاوت ليت اغلب الماركات العالميه باسعار مخفضه
دوسلدورف 76 كم بالذات شارع الملوك كل الماركات
بروكسل 134كم
ماسترخ 45 كم
امستردام 120 كم
للامانه اهم شئ navigaition
من غيره تبي تتعبون
اتمنى اني قدرت افيدكم

 

[&أمواج&]

مشكورة اختي

 

[Um_3boud]

مشكوره

 

[قدساويه!!]

مشكوووووووووره يا ورده كفيتي ووفيتي

 

[احب الكاكاو]

منو عندة رقم سمسار للشقق بالمانيا