اللي تعرف حضانة زينة ومضمونة تتفضل

[بـ سـ كـ وتـ ة]

السلام عليكم ورحمة الله وبركاته

بنات ظروفي حدتني أدخل بنتي حضانة ... بنتي الله يحفظها عمرها سنة وشهر

واسم الله عليها اجتماعية وتحب اليهال وتوها بادية تمشي

وآنا وأبوها موظفين ودوامنا طويل ففكرة وجودها مع خدامة بروحهم مرفوضة تماما بالنسبة لي

أبي ما عليكم أمر تقترحون علي أسامي حضانات قريبة عالشويخ الصناعية

وإذا تعرفون أرقام تلفوناتهم يكون أحسن بعد

أهم شي تكون حضانة وااااااااايد زينة هذي وحيدتي وقلبي متقطع إني بدخلها حضانة

بس شنسوي بعد ... مجبر أخاك لا بطل

وبليز اللي ما تعرف ترفع لي الموضوع

 

[@ام يوسف@]

ااااااااااااااااب

 

[نوسآ]

ماعندي فكره

اذا عندج احد ثقه حطيها عنده

او احسن لج تدخلينها حضانة ولا تجابل الخدم اللي مامنهم أمان وتقعدين طول اليوم تحاتينها

الله يحفظها لج ويحفظ عيالنا يارب

 

[ام الحلوااات]

اااااااااااااب

 

[بـ سـ كـ وتـ ة]

ماعندي فكره

اذا عندج احد ثقه حطيها عنده

او احسن لج تدخلينها حضانة ولا تجابل الخدم اللي مامنهم أمان وتقعدين طول اليوم تحاتينها

الله يحفظها لج ويحفظ عيالنا يارب

تسلمين عالرد

والله كنت أحطها عند يداتها بس تعبوا مساكين هم بعد حريم كبار ما فيهم حيل

يبون ينامون يرتاحون وبنتي اسم الله عليها متفرغة تبي تلعب وتركض :eh_s(9):

عزمت ان شالله أدخلها حضانة بس قلت أشوف البنات يمكن يساعدوني


//\\//\\//\\//\\//\\//\\//\\//\\

بنات اللي رفعوا الموضوع ... الله يرفع قدركم ان شالله




وبنات إذا تعرفون حضانات بكيفان أو القادسية أو الخالدية مثلا أو أي منطقة هالصوب بليز قولوا لي

يعطيكم العافية

 

[om.googi]

انا الحضانة اللي أضمنها لج 100% بيبي أكاديمي - العدان ,,

انا ان شاء الله بدخل ولدي فيها اهي روضة + حضانة .. صج انها بعيدة على دوامي انا نفسج بشويخ بس أهم شي راحته ويكون بأمان ,,​

 

[بـ سـ كـ وتـ ة]

تسلمين حبيبتي ما قصرتي

المشكلة أبي شي قريب علي

سبحان الله ... صار ما صار إلا آنا قريبة عليها

 

[أم بشبوشة]

حضانه اوبيبي بالزهراء عجيبه وايد يهتمون يمكن تصير علي طريجج اهي علي الشارع

 

[%F&R%]

حضانه منتسوري بالجابريه
وحضانه مستشفى مبارك وايد زينه انا حاطه بناتي الثنتين فيها

 

[attoosh]

حضانة دار الفرح عجيبة بالقادسيه والله ما كو شي ما علموه بنتي ايات قرآنيه واناشيد وفقرات ورسم وتقويم سلوك وادب

 

[شهد الحلوة]

انا بعد بنتي عمرها 3 سنوات بدخلها حضانه والروضه اولى وثانيه خاصه انا ساكنه بالدعية واشتغل بالشويخ وابي على طريجي اوديها دورت امدحولي بالشاميه سمارت كيدز تابعه للأبداع بس مادري متردده فيها اشرايكم فيها ؟؟

والثانيه حضانة بلومينج داليس بالدسمة دقيت عليهم قالولي فول اول 5 سجلو وفولو ومافي مجال كلش ووايد امدحوها اشرايكم فيها صج قويه ؟؟
​

 

[ام اغلى الناس]

حتى انا ادور لولدي
عجبتني خطوه بخطوه الاندلس
بس باشوف بعد وافرفر لين استقر

 

[zain-alq8]

انا حمواتي يحطون عيالهم بروضه مرتقي اهي حضانه وروضه والله حيل تمدحها
وفي بعد حضانه افنان ببيان مالت الدكتور ابراهيم الخليفي هذي روعه بعد

 

[A boss]

حبيبتي انصحج في حضانة المثنى , بلومينج ديلز اللي بالدسمه روعه روعه وايد زينين الصراحه

 

[A boss]

تأكدي من فرع المثنى الثاني يمكن بالخالديه