اللي تعتبر نفسها خبيره و محترفه بالتسوق بلبنان تدخل ....

[ذهبيه مرصعه بألماس]

قوه بنات ...

قرر أبو العيال ...


السفر إلى لبنان ....

من بعد ما كنا مقررين نسافر لندن ...

لندن بالنسبه لي حافظتها و اعرف وين أروح و من وين افضل أماكن التسوق ...

و الاطفال اعرف وين أوديهم ووين ما اوديهم

لكن لبنان

أول مره أروح لها بحياااااتي ...

لذلك أبي ىخذ منكم افكار عامه و افكار جزئيه ....


عن السوق هناك ...

و بالذات الاواني المنزليه ....

الصواني و السوالف هاذي ..

و الإكسسوارات....

المكياج
و أهم أهم الأسواق فيها ...

و ابي اهم الاماكن اللي يستمتعون فيها الاطفال ....

الملاهي ...

أماكن الترفيه .....

و اللي جربت تسوي تنظيف بشره بلبنان ... وين نظفت بشرتها ....

و اللي جربت تصبغ ... وين احسن مكان ... لوووول ... يمكن أغامر و اقص شعري ...

نصايحكم لي بشكل عام ...

لاتبخلون فيها علي ....

 

[dalal art]

هلا والله وغلا حبيبتي اذا تبين فندق وايد راقي روحي حبيبتي ( لوريال في ضبيه ) فيه مثل اكو بارك لليهال :icon30: و طلبو تاكسي حده سعره رخيص وهذا رقمه 01245555 او 03010555 :ggdw::rerrerek: وتره جدام الفندق بس بالسياره مجمع اسمه اشتي في منطقة ضبيه وكله ماركات _03BA:وهم في صالون توني مندل حده راقي وعليج بالعافيه وان شاء الله تستانسون وترجعون بالسلامه يا رب:tek:

 

[um fawaz]

انا بعد اول مره انشالله بروووح لبنان ... وانشالله البنات يفيدونااا
اب

 

[ذهبيه مرصعه بألماس]

حبيبتي دلال آرت ما قصرتي ....

أم فواز ... متى السفر إنشالله ....

إحنا على الويك إند إنشالله ... عالخميس

 

[um fawaz]

حبيبتي دلال آرت ما قصرتي ....

أم فواز ... متى السفر إنشالله ....

إحنا على الويك إند إنشالله ... عالخميس

ماشالله مبجر رايحييين

انا نص سبعه انشالله

 

[bedour18]

والله خوش موضوع بوقته صح

انشالله احنا اخر سته ماشين لبنان

 

[زيـنـه]

شوفوا هالموضوع ..يفيدكم

http://www.q8yat.net/showthread.php?t=244863

 

[ذهبيه مرصعه بألماس]

إيه والله مبجرين ....

ودي نتبادل الخبرات بلبنان....

الله يعين ... آنا شخصيا مو متحمسه للبنان ...

ما يعجبوني ..

بس الابو قرر .. و إحنا علينا التنفيذ...

 

[bedour18]

إيه والله مبجرين ....

ودي نتبادل الخبرات بلبنان....

الله يعين ... آنا شخصيا مو متحمسه للبنان ...

ما يعجبوني ..

بس الابو قرر .. و إحنا علينا التنفيذ...

ههههههههههههههههههه كأنج تتكلمين عني

الله كريم اسمها تغيير جو

 

[بنت جنيف]

انا لبنان رحتلها العام ماعجبتني مافيها شي غير القهاوي والمطاعم واماكن ترفيه لليهال ماكو العابهم قديمه ومغاره جعيتا ذيحونا فيها طريج طويل على الفاضي وحر ورطوبه وبحمدون زحمه مافي البراد الي يقولون عنه اذا انتي متعوده على اوربا بتستغربين لبنان من شوارعها وجوها وشعبها مثل مصر يحبون البقاشيش والمحلات تسكر مبجر وبحمدون شارع صغير رايح راد مادري الوضع هناك صراحه هلاقه وعلاي كله مطاعم وشارع صغير جم محل فيه وجونيه فيها ملاهي ليليه والي عجبني عندهم محل اسمه ال اب سي abc بالاشرفيه احلى مكان تسوق وراقي كله ماركات ومطعم منويلا وفخر الدين وجم مطعم حلو بس ماذكر اساميهم بس سألي راعي التكسي يعرف وعندج أيشتي بالفردان كله ماركات ولبنان حده اسبوع او اقل وتردين

 

[HERMITAGE]

إيه والله مبجرين ....

ودي نتبادل الخبرات بلبنان....

الله يعين ... آنا شخصيا مو متحمسه للبنان ...

ما يعجبوني ..

بس الابو قرر .. و إحنا علينا التنفيذ...

والله نفس الحاله كلش مو مشتهيتها :eh_s(14):

 

[HERMITAGE]

وين ينباع تقليد الشنط يقولون روعه عندهم

 

[ذهبيه مرصعه بألماس]

ما عندي فكره عن التقليد ...
مو مهتمه بالتقليد كثر ما اهتم بشغلهم ..

ودي وحده تمدح فيهم شوي أتشجع ...

صراحه صارت أسعارهم نفس اسعار أوروبا ... بس أوروبا غير .. يعني أقط فلوسي على شي صج يستاهل ...

مو زعران لبنان ... اللبنانيين إهني بديرتنا يالله يعطونا ويه ...

صادفني كذا موقف ... معصبين و متنرفزين هذا و بديرتي و يخدمونا بالمطعم

أجل بديرتهم و لمن يكون المطعم ملكهم شبنسوي ...

 

[سموي ملكي]

لا ياحياتي لبنان شعبها راقي جدآ وانا رحتلها 3 مرات بس كنت صغيره و ماكنت مهتمه الا بالالعاب

ومن 2003 مارحتلها وهالسنه ناويه اروحلها انشاءالله بس مع زوجي وولدي

 

[أحلى كت كات]

والله اللبنانيين حدهم كووووول .. انا رحت لها اولت العام حدهم ذربين الغرسونات ودهم يخدمونج بعيونهم ..

 

[dalal art]

شوفي اختي انا لو علي اعيش هناك من الذوق والسنع والذرابه عندهم شعب راقي ومؤدب ونفسه عزيزه وعن الديره حدها عجيبه مثل اوربا واحسن وكل وحده وشلون تخطط لها يعني انا وعيالي نروح شقه ونقعد جم يوم وبعدين نروح فندق ونغير كل فتره ونختار في الشقه اهم شي النظافه والمطل الحلو على شجر الصنوبر وبعدين نروح فنادق مثل اوريال ظبيه وريفيرا وكورال بيش وكلهم حلوين وحمامات سباحه واذا قعدنا وفي الجبل الحمدالله نروح حفلات في مطاعم عاليه والف الحمدالله احلى واونس من اوربا الي 7 كل شي مسكر وعلى فكره انا ولله الحمد اغلب دول العالم رايحه حتى رومانيا والله عندي لبنان احلى وياريت يخلوني المتحدث الاول عنها ما اخلص والله يحفظ كويتنا ويحفظها من كل شر قولو امين واي سؤال انا حاضر خواتي وحياكم الله:gathering::eh_s(6):

 

[بقلاوة]

هلا وغلا فيكم حبيباتى
انا مع اختى دلال ارت لو اقدر اعيش هناااااااااااك
بصراحة ديرة حلوة وباااردة وكل شى فيهاااا حلو ....وانا من سنة 1998 وانا صيفاااا وشتااااء بهالديرة

والصيف يبدا عندى قبل لا يجوون المصطافين الخليجين والكويتين
او بعد ما يخلص موسم السفر لان بصراحة ماتستانسن بالزحمة ....... ولا تتمتعين بالمناظر الخلابة

اخ خخخخخ بس على الفندق والمطل اللى فية انا كل اسكن فى منطقة برماناااااا عجيبة من ناحية الجمال والهدوووووووووء
واخذهااا جولة من جنوبهاااا الى شمالهااااا
وكفاية اهلهااااا الطيبين اللى يرحبون فيج
وبالنسبة حق الاسواق عندهم الاشرفية (اى بى سى )واايد حلو وراقى وماركات اغلبهاااا من البرازيل وكندااااا بس غاااالى
وعندج سوق السوليدير -وسوق مار الياس وسوق جونية وسوق برج حمود وسوق فرن الشباك بس انا احب اشترى الاشياء الارتزايناااا
من محلات مفتاح الشرق وايد اشياء حلوة وراقية
وبعض المرات بسون معارض شعبية كلهاااا شغل يدوى ؟.
ولا تنسين منطقة جبيل الساحلية عجيييييييييييييييبة فقط فى فصل الشتاء منظر والمطاعم حلوة ونظيفة لكن بالصيف ما انصح فيهاااا لان تكون رطووووووووبة
طبعاااا هذا كلة بفضل الشركة اللى انعامل معهااااا لتاجير السيارات ناس محترمة وتعاملهم راااااقى (اسم الشركة سبورت كار وتلفونهم009613344493..... والفاكس 009614401685 والموقع الكترونى لهم www.sportarentacar.com
والله اعجز عن مدح هالديرة
وسلامتكم

 

[yam_yam]

تهببببببببببل لبنان ياحلوها و حلو ايامها

 

[dalal art]

ان شاء الله انا اول سبع هناك واتمنى اجازه سعيده :eh_s(6): للجميع واي خدمه انا حاضر :dddds: وحبيبتي بقلاوه لقيت من متولع فيها مثلي:ada: والله يوفق الجميع وحياكم الله خواتي:68_asmilies-com:

 

[dalal art]

للرفع