اللي تعبانه مرشحه و انفلونزا تقدر ترضع

[شهرزااد]

السلام عليكم شلونكم
اتمنى تفيدوني للي عندها خبره واللي مرت بهالتجربه


انا والده من 20يوم وتوه طلع ولدي من الحضانه قالولي رضعيه طبيعي وانا احاول اشربه الطبيعي
ومن امس وانا تعبانه بلاعيم واحتقان ونشله اكلت حبه حساسبه وبندول

اليوم اقدر ارضعه مع اني للحين مبلعمه


يقولون موزين يعني اشفط اللي بصدري واقطه او اشربه

 

[قشطـــة]

لا عادي رضعيه

بس حطي لج كمام احسن .... ربي يحفظه

انا كنت يجيني رشح ومرات اللتهاب حلج وعادي ارضع ولدي بس احط كمام

بس خبرتي الدكتور انج ترضعين لما صرف لج العلاج ؟

والله يسهل عليكم

 

[pusy cat]

عادي رضعيه وترى الشفط ينشف الحليب

 

[طيبة83]

عادي رضعيه

سبحان الله الام اذا مرضت الاجسام المضاده في الحليب تزيد عشان تحمي البيبي

بس تحملي لا تنفسين بويه البيبي

وكثري سوائل ومشروبات حاره

 

[شهرزااد]

جزااااكم الله الف خير

ماقصرتوو ياحبايب قلبي

طمنتوووني فديتكم��

 

[توتا حمرا]

عادي اترضعين بس اهم شي ماتقربين منه وايد والأفضل انج ماتمسكينه الا وقت الرضاعه خو ياهل ماعنده مناعه