اللي تطلقت وعندها اطفال

[(سلام)]

مراحب على الجميع
مثل ماهو واضح من عنوان الموضوووع اللي تطلقت وعندها اطفال كيف عايشه حياتهاااا؟

 

[رافعة الجامة]

عادي عايشين حالنا حال الناس نظمي حياتج وبتعيشين عادي مافيش مشاكل

 

[! بــدويه وآآيــد !]

،

اعرف واجد مطلقات عندهم عيال
بالكويت تاخذهم الام وتاخذ معاشهم تصرفين عليهم من معاشهم وتصيرين لهم الام والابو وتعوضينهم وطبعا اذا ابوهم يبي يشوفهم حياه مايبي مايشوف شر والدنيا ماشيه

 

[cat^q8]

انا اعرف وايد بنات


حمدلله عايشين بوظايفهم وحياتهم ماشيه

ولازم تعوضهم عن وجود الابو

 

[TIC TOK]

اعرف واااااااااااااااااااااااااجد مطلقات عندهم عيال بعضهم حياته ماشيه وبعضهم استغفر الله الله يعينهم

اذا عندج وعند عيالج مكان عند اهلج واذا عندج معاش واهلج عازينج ولا يجرحون فيج وشايلينج شيل كل شي اوك


لكن اذا ضروفج الماديه واهلج حكرين لا والله لازم تفكرين بهالطلاق


الله يكون بالعون

 

[أحلى البشر]

هلا حبيبتي
وايد مطلقات ومعاهم عيالهم ويمشيلهم معاش من ابوهم والام تدير بالها عليهم يكفي انهم بحضنها
والله مرات وجود الابو يكون اسوء من عدم وجوده والله يعينج ويعوضج بالخير ويبلغج بعيالج

 

[ام هزاع]

بعض الرياجيل فرقاه ابرررررررررررررررررررررك


حبوبه تلقين موضوع بقسم التربية والطفل بعنوان"


تجمع للي تربي عيالها بروحها single mothers

راح تستفيدين اكثر

 

[أغلى أمنياته]

الله يعينهم انشالله مسؤؤلييييه كبيره خاصه انها راح تلعب دور الام والابو//
بس في بعض الرياييل فرقاهم ابرك مليون مره​

 

[منو انت]

كل واحد وظروفه في اللي قادره تمشي بالحياه ومرتاحه

وفي اللي تحاول تصبر لان الوضع فوق طاقتها


وبالاخير اهم شي الراحه

عسى الله يريح قلوب بناتنا ويعوضهم خير يارب في عيالهم وصحتهم ومالهم

 

[فوفو22]

اللي تنفصل عن زوجها ومعها عيال

رح يزيد عبء المسئوليه عليها والله يعينها

ولكن الاهم جداااااااجدااااااا

انها تحافظ على علاقتها بطليقها وتبتعد عن الشد والخلافات

ما دام حصلت على الطلاق

وهذا كله يأتي بمصلحه اليهال

وتذكّره وتذكّر اهله بكل خير امام عيالها لانه اليهال اذكيا ويشيلون بقبلهم ويحقدون على الطرف اللي يسب ويشتم الاخر

لانه بالنهايه هذولا امهم وابوهم

لا تحرمينهم من شوفه ابوهم اسبوعي وباي وقت

والله يكون بعونك وعون كل مطلقه

لانه المسئوليه جامده جيل خاصة اذا في مراهقين

فوفو

 

[انا لحبيبي .]

بعرف وحده ، الله يعينها على حياتها لا زوج ولا اهل ولا شي ، الله الوحيد يلي معها وحالتها على الله

 

[yam_yam]

الله المستعان

 

[جلكسيه اس 3]

انا توني مطلقه. ابوهم يحبهم و مايقصر بالنفقه بس والله امية دينار ماتكفي. واكيد اذا اطلبو شيء بشتري من معاشي
و
الاعياد ايزيد اشويه على الفلوس

و الحمدلله على كل حال

 

[aloooya]

اشوف وايد مطلقات عادي حياتهم ماشية

 

[طال السكوت]

تأكدي ان الله كاتب لج خير

وانا وحده من الناس عندي قناعه ...ان الزوجة اللى تطلق بعد عشرة سنين ومعها عيال ...اكيد انها ما تطلقت الا لأن الحياة كانت مستحيله ولو استمرت فيها كانت راح تخسر يا نفسها يا عيالها يا رضا ربها

الله كتب الطلاق وحلله لأنه عارف انه هو الخلااص والراحه للمره ...مو للرجال

وازرعي زرعج وأحسني تربيته ...عشان بالنهايه تقعدين تحت ظلاله وتاكلين من ثماره وانتى مرتاحه .

بالنهاية ترى كل شي بأجره ...وعادة تتضايقين ببداية الصدمه...وبعدين تستغربين انا شلون صبرت كل هالسنين وتحمدين الله مليون مره على فرقاه .

 

[caesara]

الله يكون بالعون حبيبتي
Time is the best healer
تجربه الطلاق في حد ذاتها مؤلمه
وكل شي في البدايه صعب
مع الوقت كل شي بيمشي باذن الله

 

[fdeet_shosho]

من رايي اخر شي ممكن تلجا له الوحدة لحل مشاكلها اهوا الطلاق
الطلاق خطوة صعبة وفيها مسئولية كبيرة راح تشيلين دور الام والابو وراح تتحملين اسئلة عيالج ونظراتهم للصغار اللى وياهم ابوهم
صج ان فى رياجيل فرقاهم عيد بس الام ام لازم تفكر بعيالها قبل اى شي وتضحى عشانهم
اعرف حريم تطلقوا بس عايشين ويا اهلهم بس هم تحسين فيهم تعب وضغط من المسئولية
واعرف حريم عايشين مع رياجيلهم بس بالاسم يعنى عشان عيالها بس
وبالاخير يعتمد على الوحدة وقدرتها على التحمل

 

[زوجة عزيز]

up up up

 

[لمى...]

انا كنت مطلقة وعندي بنوتتي عمري

موأقولج تبهذلللللللللللللللت الا بالله تبهذلت ............ بس مو من ناحية عيشتي لا ياربي لك الحمد

أهلي خوش ناس وكانو مدلعيني قبل لاأزوج ويوم تطلقت دللوني أكثر طلباتي أوامر ماحد يحب يجرحني وحطولي

غرفة مع حمامها صبغوها وأثثوها أحسن أثاث وحطولي فيها تلفزيون وكل شي أبيه قولو مشاء الله.......

وم ناحية المادة ياربي لك الحمد موظفة وعندي راتب ....

بس البهذلة جت لما تزوجت اللي أبيه من أول يوم بزواجنا بدا طليقي حسبي الله عليه يعكر صفو حياتي

بنتي سنين ومنين مايعرفها حلت بعينه بعد ماتزوجت لاصار خايف عليها ليش ماييت قبل تطلب تشوفها

المهم سنة وانا بالمحاكم من اول زواجي تبهذلت وتبهذل ريلي اليديد معاي والحمدلله صارت الحضانة لأمي صج عند أمي

مو عندي بس أفضل مليوووووووووووووون مرة من انها تكون عند مرت أبوها ....... قولو مشاء الله أمانة يكفي اللي شفته بحياتي...

يوه شكلي قرقت وايد

بس بنصحج نصيحة اذا الوحدة تحس أهلها مو متعاونين اذا تطلقت وحست انها بتنحرم من عيالها تصبر على المر عشان خواطرهم..

رغم اني اخذت ريلي اليديد عن حب بس لما حسيت اني بفقد حبيبة قلبي بنتي ندمت قد شعر راسي اني تزوجت....

بس الحمدلله ربي مشى الأمور على ماأبيها يارب اتمم نعمتك علي ياااااااااااااااااااارب

ادعيلي بالله

 

[الرباب]

السلام عليكم

إنزين شلون إذا الزوج السابق أصر ياخذ اليهال؟