اللي تطلقت والله عوضها خير تدخل

[Namlah]

بسم الله الرحمن الرحيم

السلام عليكم ورحمة الله بركاته

بنات حبيت منكم مساعده

انا مطلقه والحمدلله ربي رزقني ويعوضني خير وعرسي بعد 3 شهور
وزوجي نفس حالتي مطلق بس كلنا ماعندنا عيال والحمدلله...

بنات والله تعبت من التفكير
مو عارفه شلون يعني اللي بتزوجه هل راح يعاملني عادي والا راح يكون في حاجز بينا يعني انا نفسي نفسيتي احس صايره مو ذاك الزود

يعني بزواجي الاول كل شي صار على البركه وسهالات من الله لكن بعدها صار اللي صار والحمدلله علي كل حال

ابي اعرف الحين الريال لما يتزوج وحده مطلقه يعاملها عادي


وفي سوال عندي ولله منحرجه منه بس مالي غيركم
يعني العلاقه الزوجيه هل راح تكون طبيعيه هل راح يتقبل هالشي
وحتا انا احس مو قادره كلما فكرت بهذا الشي احس يضيقه والله خايفه

وهل زوجي راح يسالني عن حياتي القديمه اقصد فيها حياتي مع زوجي السابق...مع العلم ان زوجي الحالي يعرف بسبب طلاقي وكل الامور واضحه والحمدلله العيب ماكان فيني..بنات احنا زواجنا تقليدي يعني مافي اي تعارف قبل الزواج
وهل اذا سالني اجاوبه بكل التفاصيل؟؟

بنات بليز اتمنى فهمتوا قصدي والله مو قادره اعبر اكثر
ودي افرح بزواجي لكن خايفه من اللي شفته من زواجي الاول
​

 

[~Mazuna~]

رد : اللي تطلقت والله عوضها خير تدخل

والله مادري حببتي انشالله البنات يفييدوونج

 

[Mrs_Orchidia]

رد: رد : اللي تطلقت والله عوضها خير تدخل

شوفي حبيبتي انا مالي خبرة بالزواج .. لكن احس هالسالفة تعتمد عليج انتي


شنو تقولين و شنو مااا تقولين .. يعني يعتمد عاللي تبين تقولينه


اذا انتي مو حابة تقولين شي موليه .. عادي .. حاولي انج تفهمينه ان اي شي صار قبل خلاص انتهى و الحين انتوا بديتوا صفحة يديدة مع بعض

و ما اعتقد ان بيسألج لان الريال يغار بطبيعته .. يغار من الغريب اذا كلمج, فما بالج من واحد كان زوج زوجته؟؟


فأتوقع ان راح يتجنب اي موضوع حساس .. و الله أعلم


و شكو يصير بينكم حاجز؟ عشانكم مطلقين؟ و خير يا طير؟؟؟؟

خلاص صرتوا الحين حق بعض .. طليقته طلعت من حياته و طليقج طلع من حياتج .. ليش الحاجز؟


اقول استهدي بالله .. و وخري عنج الوسواس .. طبيعي انج تخافين .. ماكو تجربة تمر عالانسان بدون ما تترك أثر .. حلوة كانت و للا مرة



و الله يوفقج لكل ما يحب و يرضى

 

[aṕriliå]

رد : رد: رد : اللي تطلقت والله عوضها خير تدخل

احس عااادي اذا كلكم منفصلين


يعني مووو بس انتي


مااقول الا الله يوفقج ويتمم لكم على خيررررررررررررر ياااااااااااااارب

 

[7yati Q8]

رد : اللي تطلقت والله عوضها خير تدخل

والله يا اختى نصيحه لا تفتحين مجال للكلام عن الماضى لا من طرفه ولا من طرفج لان الريال مهما يكون ماضى فيه غيره لو تكلمتى بالزين عن الماضى احتر ولو تكلمتى بالشين قال مافيها خير فابتدو حياتكم صفحه بيضه ..والله يوفقج ويستر على الكل

 

[فوفو22]

رد : اللي تطلقت والله عوضها خير تدخل

كل زوج يختلف طبعه عن الآخر

بس الجزء اللي يخصك بالموضوع

حاولي تجنب الحديث عن حياتك السابقة

الا في حالة سؤاله لكي...

ويكون الجواب مختصر ....وبايجاز

واتفقوا انكم تنسون (فترة زواجاتكم السابقة )

وتبتدون حياة جديده حلوه

والعلاقة الزوجية مالها علاقة نهائيا بماضيكم

مبروك مقدما وموفقة

فوفو

 

[متفائلة2010]

رد : اللي تطلقت والله عوضها خير تدخل

حبيبتي الف مبروك وعسى الله يوفقج يالغالية...​

 

[L A T T E]

رد : اللي تطلقت والله عوضها خير تدخل

بالعكس ترى عادي =)

اهوا بعد اكيد انه مطلق ومايبي يتكلم بزواجه السابق..

خلج طبيعية وتناسي زواجج اللي قبل واذا سئلج قولي الزواج قسمة ونصيب والله ماكتب لزواجي السابق النجاح, و لا تييبيله طاري زوجج اللي قبل انسيييه ولا تقارنين بين زوجج الحالي واللي قبل حتى لو بينج وبين نفسج وانتي بترتاحين

والله يوفقج ويهنييييج

استانسي انتي عروس =)

 

[_ظل الياسمين _]

رد : اللي تطلقت والله عوضها خير تدخل





خليج طبيعيه وواثقه بنفسج ..ولا تفتحين باب لوساوس ابليس.

 

[Namlah]

رد : رد: رد : اللي تطلقت والله عوضها خير تدخل

شوفي حبيبتي انا مالي خبرة بالزواج .. لكن احس هالسالفة تعتمد عليج انتي


شنو تقولين و شنو مااا تقولين .. يعني يعتمد عاللي تبين تقولينه


اذا انتي مو حابة تقولين شي موليه .. عادي .. حاولي انج تفهمينه ان اي شي صار قبل خلاص انتهى و الحين انتوا بديتوا صفحة يديدة مع بعض

و ما اعتقد ان بيسألج لان الريال يغار بطبيعته .. يغار من الغريب اذا كلمج, فما بالج من واحد كان زوج زوجته؟؟


فأتوقع ان راح يتجنب اي موضوع حساس .. و الله أعلم


و شكو يصير بينكم حاجز؟ عشانكم مطلقين؟ و خير يا طير؟؟؟؟

خلاص صرتوا الحين حق بعض .. طليقته طلعت من حياته و طليقج طلع من حياتج .. ليش الحاجز؟


اقول استهدي بالله .. و وخري عنج الوسواس .. طبيعي انج تخافين .. ماكو تجربة تمر عالانسان بدون ما تترك أثر .. حلوة كانت و للا مرة



و الله يوفقج لكل ما يحب و يرضى

يعطيج العافيه ومشكوره
وان شاءالله ربي يوفقنا

 

[Namlah]

رد : اللي تطلقت والله عوضها خير تدخل

والله يا اختى نصيحه لا تفتحين مجال للكلام عن الماضى لا من طرفه ولا من طرفج لان الريال مهما يكون ماضى فيه غيره لو تكلمتى بالزين عن الماضى احتر ولو تكلمتى بالشين قال مافيها خير فابتدو حياتكم صفحه بيضه ..والله يوفقج ويستر على الكل

مشكوره اختي على النصيحه
الحمدلله كل شي واضح من بدايه الخطبه كل شي كان واضح وكل الاسباب موجوده يعني ماله داعي افتح سيرة احد لا بزينه ولا شينه

 

[Namlah]

رد : اللي تطلقت والله عوضها خير تدخل

يعطيكم العافيه
مشكورين وادعولي بالتوفيق والله يوفقكم كلكم

 

[د.مشمش]

رد : اللي تطلقت والله عوضها خير تدخل

يعطيكم العافيه
مشكورين وادعولي بالتوفيق والله يوفقكم كلكم

الله يوفقك اختي ويسر امورك ويرزقك ماتتمنين
زواج مبارك

 

[Q8Lady]

رد : اللي تطلقت والله عوضها خير تدخل

الله يوفقج حبيبتي ويرزقج على قد نيتج
انا اعتقد اذا اهوا ماياب طاري لا تفتحين موضوع حياتج السابقة حاولي تنسين كل شي دليييييييييييييت وتفتحين صفحة جديدة

 

[صبر العمر]

رد : اللي تطلقت والله عوضها خير تدخل

عليكم السلام
اول شي مبارك عليكي الزواج الجديد، الله يوفقك ويسعد
شوفي حبيبتي طبقي هالنصايح وانتي برترتاحي بإذن الله :

1_ حطي في بالك دائما وتصرفي دائما على اساس انه اول زواج لك ، لانو بتصير تصرفاتك وكلامك تمشي على هالاساس.

2_ لا تجيبي سيرة طليقك لا بخير ولا بشر .

3_ لو سألك زوجك عن طليقك لا تجاوبي بأي شي غير بجواب : انا نسيته وراح بحاله ولا ارغب بان اتي على سيرته .

4_ لا تسأليه ابدا عن طليقته .

6_ في العلاقة الحميمة مع زوجك حسسيه انك مبسوطه معه .

شيلي من راسك كل الوساوس عن انه شو يقول عن علاقتك بزوجك السابق وانك مطلقة ، لان قدامه كل بنات العالم تركهم واختارك انتي من بينهم يعني عارف ظروفك وراضي . فلا تضيعي فرحتك بالاوهام .

 

[Namlah]

رد: رد : اللي تطلقت والله عوضها خير تدخل

عليكم السلام
اول شي مبارك عليكي الزواج الجديد، الله يوفقك ويسعد
شوفي حبيبتي طبقي هالنصايح وانتي برترتاحي بإذن الله :

1_ حطي في بالك دائما وتصرفي دائما على اساس انه اول زواج لك ، لانو بتصير تصرفاتك وكلامك تمشي على هالاساس.

2_ لا تجيبي سيرة طليقك لا بخير ولا بشر .

3_ لو سألك زوجك عن طليقك لا تجاوبي بأي شي غير بجواب : انا نسيته وراح بحاله ولا ارغب بان اتي على سيرته .

4_ لا تسأليه ابدا عن طليقته .

6_ في العلاقة الحميمة مع زوجك حسسيه انك مبسوطه معه .

شيلي من راسك كل الوساوس عن انه شو يقول عن علاقتك بزوجك السابق وانك مطلقة ، لان قدامه كل بنات العالم تركهم واختارك انتي من بينهم يعني عارف ظروفك وراضي . فلا تضيعي فرحتك بالاوهام .

الله يجزاج خير على النصايح
ويعطيج العافيه


والله يبارك فيكم بنات

 

[Namlah]

رد: رد : اللي تطلقت والله عوضها خير تدخل

الله يوفقج حبيبتي ويرزقج على قد نيتج
انا اعتقد اذا اهوا ماياب طاري لا تفتحين موضوع حياتج السابقة حاولي تنسين كل شي دليييييييييييييت وتفتحين صفحة جديدة

تسلمين والله
اكيد ماراح افتح موضوع حياتي السابقه
بس مادري شفيني خايفه واحاتي