اللي تضبط مرق الباميا الفريش .... تدخل ضروري ..

[* بنت المطر *]

السلام عليكم :

بسوي مرق باميا مع لحم .... الباميا الطازجه الكبيره لاني صراحه مالقيت غيرها

لا وطحت عليها بالصدفه خخخخخخخ انا ماعمري سويتها هالباميا _ لم كنت بالكويت

دايما اشتري الباميا المصرية الصغيره المثلجه لان ماتطلعلها لزوجه بالمرق !! وطعمها احلى

الحين بطبخ هالباميا الطازجه وشلون اتخلص من لزوجتها ؟؟؟؟!!!!!!!!!!!


وهل اقصصها والا اخليها جذي على كبرها ؟؟؟ هذي صورتها بحطها شوفوها ...

وشنو احلى طريقه لطبخ الباميا اقليها اول او احطها بالمرق على طوووووووول ؟؟؟؟

بس اهم شي اللزوجه مابيها بالمرق الله يديدم النعمه ...

الاتبخلون علي بالردود .............. ناطرتكم ​

 

[ABEER FLOWER]

وعليكم السلاااام و الرحمة
أهلين كويتية

أنا ما عندي خبرة بالباميا و لا مرة سويتهااا:eh_s(6):

بس شوفي هالروابط بتفيدج إن شاء الله

http://www.q8yat.net/showthread.php?t=497563&highlight=%C7%E1%C8%C7%E3%ED%C7

http://www.q8yat.net/showthread.php?t=478298&highlight=%C7%E1%C8%C7%E3%ED%C7

 

[* بنت المطر *]

وعليكم السلاااام و الرحمة
أهلين كويتية

أنا ما عندي خبرة بالباميا و لا مرة سويتهااا:eh_s(6):

بس شوفي هالروابط بتفيدج إن شاء الله

http://www.q8yat.net/showthread.php?t=497563&highlight=%c7%e1%c8%c7%e3%ed%c7

http://www.q8yat.net/showthread.php?t=478298&highlight=%c7%e1%c8%c7%e3%ed%c7

مشكوره حبيبتي بس هم مافيه حل للزوجة البامية بالمرق مومكتوب بالروابط اللي حاطتها

عموما مشكوره ع المرور وتسلمين _ ننطر الخبيرات ان شالله يردون علينا​

​

 

[جارة القمر]

حبيبتي



البامية الطازجة

تقصين رأسه وتفوحينه شوية مو وايد للأنه ما تتحمل الطبخ الوايد بعدين


تضفينه للمرق

المقادير:
كيلو باميه طازجه
ثلاثة أرباع كيلو لحم من الضلوع (ريش) او الفخذ مقطعة مع العظام
4 فصوص ثوم كبيرة مقطعة لشرائح
علبة صغيرة معجون طماطم يذوب في قليل من مرق اللحم
ربع كوب عصير ليمون او تمر هندي بحجم جوزه العدد 2 منقوع في ربع كوب ماء (ويفضل التمر الهندي)
3 - 4 حبات طماطم مقطعه الى 4 قطع (اختياري)
4 - 5 ملاعق أكل دهن
حبتان فلفل أسود، 2 عود مسمار، عود صغير دارسين، ملعقة أكل بصل، نصف ملعقة صغيرة كزبرة وكمون محمص، تستخدم جميعها لسلق اللحم

الطريقة:
1- تغسل البامية جيدا ثم تقطع أعناقها وتترك في مصفاة.
2- يغسل اللحم جيدا ويزال الشحم الزائد، يسلق في ماء بحيث يغطيه وتزال الزفرة كلما ظهرت ثم يضاف فصان ثوم مقطعان شرائح وباقي بهارات السلق، يغطى القدر ويترك على نار هادئة حتى ينضج اللحم. يصفى اللحم ويحتفظ بماء السلق ويبرد قليلا وتزال الطبقة الدهنية عند الرغبة
3- يجفف قدر السلق ثم يحمى فيه الدهن جيدا ويحمر فيه اللحم مع مراعاة عدم احتراقه
4- تضاف البامية وشرائح الثوم وتقلب مع اللحم برفق على نار متوسطة ويفضل بين الحين والآخر إغلاق القدر وتحريكه الى اعلى واسفل برفق لخلط المزيج جيدا
5- عندما تصفر البامية قليلا يضا معجون الطماطم والطماطم المقطع ويقلب المزيج برفق ثم يضاف ماء سلق اللحم المصفى ويترك المزيج على نار هادئة حتى يغلي ويترك القدر مفتوحا جزئيا حتى تتكون مرقة متوسطة الغلظ
6- يضاف الملح والتمر الهندي وتذاق المرقة وتررك على نار هادئة مع مراعاة عدم تقليبها اكثر من اللازم
7- تسكب في اواني عميقة وتقدم مع الأ رز .

ملاحظة:
- لا تستحمل البامية طبخ لمدة طويلة ولا تقليب مستمر فيجب مراعاة ذلك عند طبخها حتى تظل محتفظه بقوامها.

منقوووووووووووووول

 

[ريمه الكويت]

ماقصروووووووووو جارونه وعبوره
كلام جارونه صح لازم تشيلين راس البامبه العريض تقصينه

وهذي طريقتي بمرقه الباميه الطازجه

http://www.q8yat.net/showthread.php?t=478298

 

[أحلى همبه كويتية]

اللزوجة مالها حل
هذا ميزة البامية
تهبل

بس ماشاء الله اللي عندك جامبو
عليك بالعافية

نفس طريقة البنات

 

[* بنت المطر *]

مشكورين حبايبي ع المرور كلكم ذووق فديتكم

 

[جارة القمر]

العفو



حبيبتي