اللي تسوي درس نموذجي تاخذ امتياز ؟!

[♥MaSteRiyA♥]

السلام عليكم يا حلوات..

سؤال سريع..

اللي تسوي درس نموذجي على مستوى المدرسة مو المنطقة..
تاخذ امتياز ولا ماله شغل ؟؟

لأن آنا سمعت ان لازم يحطولها امتياز.. بس اذا ما حطوا ؟!
وفي احتمال ما يحطون لها ؟!


أتمنى أصحاب الخبرة ينفعونا ^_^​

 

[omaseel]

لا مالها علاقة

 

[برنسيسة2007]

لا ماله علاقه
اذا كانت تغيب ومو شطوره وسوت درس ريادي ماتخذ امتياز

 

[الكحيله ساره]

مو شرط بس اللي على مستوى المنطقه لا تخذ إمتياز غصب عنهم إما الريادي لا ماله شغل يعتبر من التنميه المهنيه فقط لاغير

 

[اريج الجوري]

مو شرط بس اللي على مستوى المنطقه لا تخذ إمتياز غصب عنهم إما الريادي لا ماله شغل يعتبر من التنميه المهنيه فقط لاغير

انا سويت درس على مستوى المنطقه ودخلت وسيله تعليميه حديثه ومتطوره جدا ومحد استعملها قبلي

وماعطوني امتياز مع العلم اني ماوصلت 15 يوم غياب

حسبي الله عليهم اللي ظلموني في تقديري
:yaaaaaarb::yaaaaaarb:

 

[كويتيه cool]

انزين بنات يعني اذا سويت ورشة واحضروا ابلات اللي بالمدرسة وعزمت مدارس من برا شنو يعتبر هالشي !؟

 

[^SwEeTa^]

اذا كان الدرس على مستوى القسم أو المدرسة يسمى (درس ريادي) و ليس (نموذج درس)

و الاثنين لهم تعامل غير عن بعض

اللي تسوي نموذج درس على مستوى المنطقة أو المناطق.. يعطونها امتياز

أما الدرس الريادي اللي يكون على مستوى القسم أو المدرسة مالج شي عليه.. و غالبا يعطونج اياه كتكليف (عند بعض ادارات المدارس)



بالتوفيق

 

[fri2010]

أوكي و اذا عزمت مدارس من برا و احضرت الموجهه؟؟

 

[♥MaSteRiyA♥]

أوكي و اذا عزمت مدارس من برا و احضرت الموجهه؟؟

هذا يسمونه درس نموذجي.. مو ريادي
وتاخذين عليه امتياز :eh_s(15):

بس اللي على مستوى المدرسة ما ييون من
مدارس برا.. هذا درس ريادي
وعلى حسب كلام البنات.. مو شرط ناخذ
امتياز عليه :eh_s(7):​

 

[كويتيه cool]

انا سويت ورشه واحضروا اكثر شي من مدرستي وعزمت من برا واحضرت الموجهه شنو معناه !

 

[اريج الجوري]

يامعلمات اخذوها كلمه اكيده اذا مايبون يعطون امتياز لو شتسوين مايعطونج واذا مشتهين يعطونج لو غايباتج متعديه ال١٥ يوم ومو مسويه ولا نشاط تاخذين
امتياز

وهذه زبدة الحجي

 

[قمر الكويتية]

ورشة عمل و نموذج الدرس تساعد المعلمة للوصول للإمتياز
بس هم لازم ما يكون عندها غياب يوصل الي ١٥ يوم
و لازم ما يكون عندها مخالفات او أخطاء و كاتبه إفادات عليهم و ما يكون معطينها لفت نظر

أحسن شي الواحد يشتغل لله و يحلل معاشه
و يارب الامتياز تاخذه كل وحده تستحقه

 

[♥MaSteRiyA♥]

ورشة عمل و نموذج الدرس تساعد المعلمة للوصول للإمتياز

بس هم لازم ما يكون عندها غياب يوصل الي ١٥ يوم

و لازم ما يكون عندها مخالفات او أخطاء و كاتبه إفادات عليهم و ما يكون معطينها لفت نظر​

أحسن شي الواحد يشتغل لله و يحلل معاشه
و يارب الامتياز تاخذه كل وحده تستحقه​

فديتج والله.. كلامج حلو..

نفس كلام أبوي حبيبي الله يحفظه.. كله يقولي وظيفتج
فيها أجر.. وانتي تدورين الأجر.. وخلي كل شي لله
وهذا اللي مخليني أظل بالتربية.. كلام أبوي..
والمعاش بعد
بس لا صج.. حبيت الأجواء
وحبيت وظيفتي.. معني مرات أتحلطم
بس الحمدلله ^_^​