اللي تستخدم سدره تدخل بلييز وتشوووف

[سوسو العصلة]

السلااااام عليكم ورحمة الله وبركااته

شلوووووووووووووونكم بنناااات


انا شريت سدره يمنيه

ابي اسال اللي تستخدم السدر شكثر تحط مع الماي بالضبط وشكثر تخلي بشعرها وصج يفيد شعري صاير خفييييييييييييييييييييييييييييييف مرررررره مرررره<<<قلبت سعوديه فديتهم


المهم شرحت المعانااااة يليت تفيدوووووووني


وابي اسال عن احسن حنه من وين اشتريها مابي من المنتديات وحرييييييييم ابي من حواااج مضمون

 

[bent albahrain]

رد : اللي تستخدم سدره تدخل بلييز وتشوووف

انا ما احط ماي مع السدر ... روب علبه وحده واخلط السدر معاها تقريبا 3 ملاعق كبيره او 4 .. اليوم مجربته خليته ساعه وغسلته حسيت بلمعه بشعري

 

[bent albahrain]

رد : اللي تستخدم سدره تدخل بلييز وتشوووف

وعن الحنه نسيت أقولج انا لان من البحرين اخذ من الحواج حنه لون بني بس اضيف عليها ماي واتركها ساعتين وبعدين أحط فيها ليمونه وأحط معاها ملعقتين كوفي عشان اللون البني ... والحنه لا تخلينه في شعرج أكثر من 6 ساعات لان يجفف .. انا اخليه 4 ساعات

 

[سوسو العصلة]

تسلمييييييييييييييييين يعطيج العافيه ابي بعد ردوووووووووووووووووووووود

 

[غرشة عطر]

انا عندي سدر اصلي وريحته تهبللللللللل واذا تبين انا اسوي لج الخلطه واوصلها لج بنفس اليوم حاضره سدر وروب ومحلب سوري اصلي وريحان وزيوت مخلوطه واسرار المهنه طبعااا بس شنو روووووعه الخلطه علبه سغيره ب5 والكبيره ب10 علي حسب الاشخاص واسويها لج فرش بس مظموووونه وشغل ايدي نفس اللي اسويها لنفسي ولبناتي للطلب ارسلي مسج بالطلب والعنوان 65667201 التوصيل عليج حسب المنطقه

 

[سوسو العصلة]

يعطيج العافيه وماقصرتي

بس اول بخلص اللي عندي وان شاءالله بفكر بعرضج

 

[ضي الغلا]

انا احط سدر شويه والماي واجد و احد قبل السدر دهن و الحنا ما ادري امي تشتريها

 

[سوسو العصلة]

يعطيج العافيه تسلميينن

ابي تفصييييييييييييييييييل اككككككككككككككككككككككثر

 

[الفدنه]

انا استخدمها بدال الشامبو
اخليها تقريبا 10 دقايق على شعري واغسلها
اخلطها بماي بس
حسيت شعري يلمع ومايلزق ويدهن بسرعه
بس التساقط ماوقف
والله كريم

 

[سوسو العصلة]

يعطيج العافيه بس انا سمعت ناااس ينامووون فيها يسووونها نفس الحنه

ياليل احد يعطيني طرييقه عدلللله


فديتكم ياحلووااااات تفاعلو معاي بليييز

 

[جروح خالده]

رد : اللي تستخدم سدره تدخل بلييز وتشوووف

شوقتنوني علي السسدر

بس عيبه الوحيد اذا قطعنا يطيح الششعر

 

[سوسو العصلة]

والله اهو اي شي تقطعييينه النتيجه تصير عكسج اهو بسويها بالاسبوع مره وان شاءء الله اذا لقيت نتيجه حلوة مابقطع وتسلمين على ردج

 

[الـــغـــلآ]

رد : اللي تستخدم سدره تدخل بلييز وتشوووف

^
^
^
^
لآ انآ تبآرك الرحمن استخدمه فترهـ و اقطعه الحمدلله مآ يطيح الشعر !!

 

[الـــغـــلآ]

رد : اللي تستخدم سدره تدخل بلييز وتشوووف

وبالعكس انآ هذآ اللي محببني فيه ان لمآ اقطعه مآ يطيح الشعر عشآن جذي مستآنسه عليه استخدمه متى مآ ابي

اعتقد لانه شش ـي مو كيميآئي عششآن جذي مآ يطيح الشعر

 

[ورد و عود]

مرحبا يا الغلا


شوفي يا قلبي السدر وايد مفيد للشعر واللى يقول لج مو زين ترا ما عنده سالفه
هذا احنا استخدمناه وقطعنا وردينا ما في اى اشكال
اللى تقول شعرها يطيح عقب ما قطعت السدر هذى شعرها مريض
وكان زين من السدر بس اقطعته قام يتساقط
يعنى البلا مو من السدر من شعرها نفسه

يابنات اذا احنا شايفين الفايده السدر قاعد ينفع الشعر ليش تقطعونه هاااااااااه:bbbiu:

طيب انا ما اقول استخدميه كل يوم حطوه كل اسبوع مره او مرتين على حسب فراغتج
واللى حاسه ان شعرها تعبان تستخدمه اكثر

ادري سولفت وايد
شوفي حبيبتى تقدرين تاخذين سدر وتعجينه مع الماي ما يصير ماي حيل ولا عينه يابسه
وتقدرين تحطينه اى فتره تبينها على شعرج ... او تسوينه مثل الشامبو وتغسلينه شعرج فيه
بس انتبهي بعد السدر يبيلج خلطه زيت او كريم مرطب
او تحطين بلسم بعد الغسل

انا عن نفسي ما استغنى عن سدر القصيم فعلا عجيب ريحته ولونه يهبلووووون

اتمنى من الجميع الانتباه وتقدير السدر


واتمنى انى قدرت اساعدج
:eh_s(7):

 

[سوسو العصلة]

الغلا تسلميييييييييييييييييييييييين


ورد ووعووود تسلميييييييييييين مافصرتي عالافاده بس شكثر اخليه بشعري؟؟؟؟؟؟؟؟؟؟؟؟؟

 

[om ragad]

السدر وصى فيه الرسول عليه افضل الصلاة والسلام يهببببببببببل السدر
مع الروووب حيييل رووعه
وانصحج بحنه المدينه من الحفر اذا عندج احد يجيبه يهببببببببببببببل للشعر

 

[Sama Kuwait]

رد : اللي تستخدم سدره تدخل بلييز وتشوووف






انا قريت بمنتدى ان يسوونها مثل التونك

يعني تاخذين لتر ماي وحطي عليهم 3 قفاش سدر و خليه يوم كامل بالثلاجه

و بعدين صفييه و عبيه بعلبه بخاخ و كل يوم بليل رشييه على شعرج خليه يوصل للفروه


و بالتوفيق

 

[ورد و عود]

الغلا تسلميييييييييييييييييييييييين


ورد ووعووود تسلميييييييييييين مافصرتي عالافاده بس شكثر اخليه بشعري؟؟؟؟؟؟؟؟؟؟؟؟؟

العفو يا قلبي ما سويت شي

اذا تبين تستخدمينه مثل الشامبو عادي 5 دقايق على ما تفركين جسمج وعقب تشطفينه وتحطين بلسم على الاطراف

اذا تبين تسويه خلطه مع اي شي تقعدين فيه لج مطلق الحريه من ساعه الى 3 ساعات

واذا تبين تحطين مع السدر حنه تقعدين فيه نص نهار


وهو ما يضر اذا طولتى فيه يعنى عادي
مرات نحطه من الصبح ونغسله بالليل
يعنى عاااااااااااااااااااااادي

لا تخافين يا قلبي
:33_1185028183:

 

[سوسو العصلة]

ام رغد

تسلميييييين يااااقلبي ماقصرررتتيييييييييييييي وان شاءالله


سما كويييت

حبيبتي بجرب هالطريقه ان شاءالله


ورد وعوود

حبيبتي ماقصرتي تسلمييين تعبتج معااااااااااااااي وتسلمييييييييييييييين