خخخخخخخخخ عاد انا اليوم اول مره بحياتى اطبخ بجدر الضغط وكنت مسويه حاله طوارىءخخخخخ
قبل كل شى انفخى كل مره فى الخرم حق غطا الجدر اللى يخرج البخار عشان تتاكدين ان مافى شى سده
ونفس الشى تنفخى فى الصفاره وتتاكدين ان الهوا يخرج منها
المهم تطبخين مثلا اللحم
تشوحين بصل وثوم وكذ وكذا وكذا وتضيفين ماى وكل شى ولمن يبدأ فى الغليان سكرى عليه عددددددل
وحطى الصفاره وهى اهم شى واللحم حق الخروف ياخذ 25 دقيقه ومرق الدجاج بالخضار اخذ منى اليوم اقسم بالله 12 دقيقه بالضبط وصار زبده
يعنى دقيقتين زياده كان راح ينهرى
المهم اهمممممممممم خطوه هى فتح الجدر صح ؟؟؟؟؟؟؟؟؟؟ خخخخخخ ادرى اليوم مريت فيها وطلع شكلى اهببببل
شوفى حبوبه بعد ماتسكرى على النار ارفعى الصفار سنتى او نص سنتى المهم تخلينها تطلع كل البخار المضغوط بداخلها
وتفضلى رافعاها مو تشيلينها لا ارفعيها شوى من مكانها بس تفضل بمكانها <<< فهمتى قصدى او لا لان هذى اخطر خطوه
المهم لمن الصفاره لمن تبطل تطلع بخار انتظرى دقائق وبعد ماتتاكدين تماما مافى اى بواقى بخار افتحينها وانتى بعيد عشان الحراره
ماتجى على وجهك
وانا دوم كنت اسال دام الموضوع سهل ليش فى ناس تنحرق وتتشوه منها ؟؟؟؟؟ وعرفت السبب
عشان الهبل اول مايسكرون النار يفتحونها فورا وهى مضغوطه المهم اهم شى انك تفرغينها من البخار عن طريق
رفع الصفاره نص سنتى او سنتى وهى بمكانها ولاااااا تشيلينها
واى استفسار ارسليلى على الخاص عشان هذا القسم نادرا لمن ادخله
وموفقه
