اللي تسافر كل سنة تقريبا تعااااالي ضروري

[بولندية]

السلام عليكم

بنات بليز ابي اعرف خصوصا المتزوجة اللي تسافر كل سنة تقريبا و مو مقصرة على عمرها بشي قووولي جم تخشين بالشهر اذا ناوية تسافرين ؟؟

انا وحدة متعودة اسافر كل سنتين ولا 3 سنين بالكثير و اخر سفرة كانت مع اهلي من 3 سنين والحين تزوجت صارلي سنة ونص و عمري ما سافرت مع ريلي الا شهر العسل ورحت دبي

الحين انا مستخفة عالسسسسسسسسسفررررررررررر حيييييييييييل ريلي عمره ما سافر من جذي مو هامه يبي يسافر علشاني بس المشكلة الفلوس الحمدالله عندنا خير ونعمة قاعدين نيمع بس كل مرة يقولي شي مرة بنسافر بنص رمضان والحين قالي لا التذاكر غاااااالية هالايام نطري لي عيد الاضحى و اذا صار عيد الاضحى اكيد بيطلع لي عذر ثاني مع انه قاعد يمع علشاني 3000شوية وشخصين بسسس

بس مادري ليش مو قادرين نيمع

بس ياربي ما فيني صبر زهقت


انا الود ودي اسافر كل سنة ولا سنتين بالكثير بس ابي اعرف بالشهر الواحد جم تخشووون؟؟:eh_s(2)::eh_s(2)::eh_s(2)::eh_s(2)::eh_s(2)::eh_s(2)::eh_s(2)::eh_s(2):
اول مرة احس محرووووومة من شي :eh_s(16)::eh_s(16)::eh_s(16):

 

[نـعـومـه]

انتي نفسي من تزوجت ماسافرت الا مره بشهر العسل وصارلي سنه ونص متزوجه وماشوف انه مده ماسافرت !! الايام يايه تونا

وزوجي بعد نفس زوجج موهامه سفر وانا ميته عالسفر هههههههه

راييي اذا انتي وزوجج مثلا بتسافرون صيف الياي شهر 6 ولا 7 ولا 5 لازم عالاقل تيمعين بشهر 200 لي سنه جدام يكون عندج 2000 وطبعا يعتمد عالديره وعالمده

 

[نـعـومـه]

وصج كلش موحلو تسافرين برمضان !!!

خلو سفرتكم يا عيد الفطر او الاضحى او صيف الياي

اذا ميمعين وعندكم مبلغ سافرو عيد الاضحى بس لازم من الحين ادورون حجوزات واذا مايمعتو خلوها سنه اليايه تيمعون عالخفيف

 

[Joy Designs]

جربي تايلند وايد حلوة ومصرفها مو وايد
3000 تعيشين فيها ملكة

 

[اخت خالتهم]

اختي انا جامعيه وايمع كل شهر ١٠٠ دينار كن شهر واحد واللحين عندي ٨٠٠
هذا بدون معاش
انتي يمعي ٢٠٠ ب٤ اشهر بكونون ٨٠٠ مع معاشج اللي بتسافرين فيه قولي ٦٠٠ من معاشج
بجذي عندج ١٤٠٠
وريلج نفس الشي
تروحون اوربا وتفرونها ان شاءالله


انا وريلي ٣٠٠٠ حق ٢٠ يوم وايد زينين وحسبي منهم التذاكر والسكن
يعني ١٨٥٠ مصروفنا حق ٢٠ يوم


والسكن والتذاكر والسيارة كلفونا ١٢٠٠ دينار
شفتي سهالات

 

[اخت خالتهم]

وعلى فكره انا هذا المصروف حق ٣ دول المانيا النمسا سويسرا وسفرتنا ٣ يوم العيد ان شاءالله
حجزي اخر يومين من رمضان زينه الاسعار بالنسبة للعيد
احنا حاجزين من شهر ٤ عشان جذي ارخص

 

[نـعـومـه]

اخت خالتهم


ماشاءالله زين ٣٠٠٠ حق ٢٠ يوم ؟!؟

اتوقع حجزتو مبجر ومن الانترنت !؟ لان النت ارخص حيييييل

 

[بولندية]

مشكووووووووريييييين بناااااااااااااااات عالردود ما قصرتوووا

نسيت موضوعي هذا هههههه تو يي ببالي قلت بشوف في احد رد


نعووومة و اخت خالتهم و لي تتش ماقصرتوا نعومة ان شاءالله تسافرين مع ريلج و تستانسين واخت خالتهم الله يتمم عليكم بسفرتكم و تستانسوووون يارب

 

[دلووعه حبيبيي]

اي والله صاج انا بعد بعرف اللي تسافر كل سنه شلون تجمع

 

[أم شيــ@وخة]

شوفي حبيبتي أنا امووووووت على السفر
فاتفقت مع ريلي انه إدش مع رفيجاتي جمعية تبدي شهر ٩ وتخلص شهر ٦ بحيث انه لما أسافر يكون ماعندي شي
الجمعية ب٢٠٠ دينار واستلم ٢٠٠٠ دينار
١٠٠٠ أحجز فيها طيران عادي وداخلي وفنادق وال١٠٠٠ الثاني مصروف وأكون حاطه جم بيزه بالحساب للضرورة
بس لقيت ها لطريقة وايد أحسن تعلمتها من مماتي حبيبتي الله يخليها لنا كنا لما نبي نسافر تسوي جذي
لانه صج اذا بتيمعين ما تقدرين لازم شي يقيدج وتلتزمين فيه وانتي المستفيدة

 

[اخت خالتهم]

نعومه حجزنا من شهر ٤ او ٣ تقريبا حتى السكن والسياره

 

[سمراء كالخمري]

سالفه شلون ايمع فلوس سهله اسهل شي تدشين جمعيه و يطلع لج مبلق محترم وزياده عليه معاشج

الجمعيه 200 دينار لمده 7 اشهر =1400
واذا 150 على 8 اشهر = 1200
وايد حلوين ويا معاشج سحبيه وطيري وريلج يدش جمعيه يصير عندج فوق ال 2000 دينار واحلى سفره تروحين سهالات

 

[بولندية]

مشكورين بنات انا عاد اموووت عالجمعيات هههه

انا حجزت لندن و فرنسا و عطلتنا الفيزا =(

ف تكنسلت سفرتناااا و راحت علينا فلوس الفنادق 900 :"(

يلا الحمدالله على كل حال و بندش جمعيات و بيمع على راحتي و اسافر الصيف الياي بإذن الله

 

[شقاوتي غير]

مافي احسن من الجمعيات ياقلبي

فعلا طريقة مريحه وحلوه ​

 

[zqertya]

احسن شي الجمعيه انا دشيت هالسنه وسافرت بالصيف الحمدالله حبيبتي 3000 دك تكفيج انتي وزوجج وتروحون اوروبا فيها وتستانسون مافي شي صعب كل سنه دشوا جمعيه 150 انتي و150 هو وبجذي تقدرون تسافرون كل سنه وتستانسين وحتى دول اسيا هم رخيصه

 

[بولندية]

ماقصرتووو حبيباتي و انا ان شاءالله بدش جمعيات

مع اني دااايما ادش جمعيات غرااامي

 

[*الهنوف*]

احلي شي جمعيه كل سنه بالف
وبالصيف تسافرين بس تكونين حاجزه قبلها بمده عشان اسعار التذاكر

 

[بولندية]

ماقصرتي الهنوووف

وباااجي البنات

 

[نـعـومـه]

مشكورين بنات انا عاد اموووت عالجمعيات هههه

انا حجزت لندن و فرنسا و عطلتنا الفيزا =(

ف تكنسلت سفرتناااا و راحت علينا فلوس الفنادق 900 :"(

يلا الحمدالله على كل حال و بندش جمعيات و بيمع على راحتي و اسافر الصيف الياي بإذن الله

ويييييي حبيبتي الله يعوضكم

مره ثانيه مبجر سوو الفيزا

 

[نـعـومـه]

عاد انا نفس تفكيرج الدول اللي بالي لندن وفرنسا