اللي تزوجت مطلق عنده عيال تدخل

[cute_girl]

السلام عليكم

بنات انا بادخل بالموضوع بدون مقدمات
انا بنت جامعيه وموظفة صارلي سنتين وراتبي زين الحمدلله كشكل الحمدلله ماعلي قاصر
وراضيه بنفسي
من سنه تعرفت على شخص وعرفني على اهله وكانت معرفه عاديه ومن البدايه مابلعته نهائي لكن مع الوقت تغيرت نظرتي له او يمكن اسلوبه معاي بعد صار غير:eh_s(10):
المهم بعد فتره انخطبت وحسيته تضايق لما عرف بس مااهتميت كثير وسبحان الله ماصار نصيب وهو بعد ماعرف اني كنسلت الخطبه بنفس اليوم خطبني
هو اكبر مني ب7 سنوات شكله عادي واقل من عادي بعد وظيفته حلوه وبمكان قوي اشوفه يهتم بالصلاه مو دايم يصلي عالوقت بس يصلي يناسبني من ناحية الاصل لكن مشكلته مطلق وعنده ولد
وسبب طلاقه هو وهالشي هو اعترف لي فيه وقالي زوجتي ماكان فيها شي بس كنت اعرف بنات وكان في بالي وحده احبها وكانت مسيطره على تفكيري مع زوجتي
بصراحه محتاره هو شكله يحبني ومتعلق فيني واهله يحبوني وعلاقتي فيهم زينه لكن طلاقه يخوفني
اخاف اعيش تجربة زوجته وياه مره2 واخاف يرجع لزوجته مع انه مطلقها من سنتين وماتدري عن ولدها حتى هو مايدري عنه كثير مع انه يموت فيه قاطه عند امه يشوفه باليوم نص ساعه واوقات مايدري عنه خير شر
اخاف لو اخذته مايسعدني باعتبار ان هذا ثاني زواج له فياخذه اي كلام ماله زهوه عنده
او انا اعيش بشك وتوتر نفسي واخرب حياتي بحكم اني اعرف عن علاقاته قبل
احيانا اقول انا استاهل ولد مو مطلق بو عيال
لكن ماجاني واحد بمواصفاته هو احسن واحد تقدملي للحين
ماعليه انا افكاري ملخبطه اعذروني:eh_s(22):
ابي تجاربكم بنات انا يهمني اعيش حياه مستقره يكون فيها حميميه واخاف طلاقه ياثر خاصه انه مجرب الزواج وانا توني فرش
الاحظ انه يرجع لي بكل شي ويحاول يشاركني مسؤولية ولده وهالشي انا مااقبله ويخوفني وفهمته ان ماعندي استعداد اربي عيال غيري اوقات يضايق ويسكر الموضوع بس يرجع يفتحه مره ثانيه واخر مره من اسبوع يبيني انقي روضه لولده ولما قلتله هذا ولدك قالي ولدنا كلنا:eh_s(2):
انا مااكره ولده بس بعد مو ملزومه فيه وهو على كلامه بيكون عند امه يعني جدته
ناطره ردودكم مع العلم اني مااحبه يعني قراري راح يكون عقلاني فقط مافيه عاطفه

(اللي بتعطيني محاضرة دينية لو سمحتو انا مستغنية عن ردها ماابي احراج بس ادل المنتدى الاسلامي لو ابي فتوى ماايقصر)

​

 

[فلنتينو]

اب اب
انشالله يفيدونج البنات

 

[قفشـه]

ماانصحج الرياييل يخوفون شكثر حنوا لزوجاتهم خصوصا اذا مافيها شي نفس مايقول

نصيحة اخت ابتدي حياتج مع ريال ماسبق له الزواج تعودينه على طريقتج وتيبون عيال مع بعض

اللي عنده عيال باجر تتأذين من عياله بيشاركونج فيه بكل شي واحنا حريم ومانستحمل

نصيحه اخوويه شيليه من بالج

 

[lamoshty]

اب اب

 

[بنت الحور2010]

اقول كنت مثلك بالبدايه ورضيت بالعيال وعياله الى أحسنت لهم هم الى جننونى وبهذلوحياتى ولو أنى من الاول قلت هم بصور وانا بصور مالي شغل كان ماوصلت الى أنا فيه تعرفين جننونى صدنى الاكتأب وكل شي والموضوع مستمر وزوجة مسكين شارينى ويحيوا ويحب عيالي ومايدري وش يسوى أنا صرت مااطيقهم خلاص ،،،،،،قولة الولد مع امه وبس مالي شغل فيه ابداً والله يكتب الي فيه الخير

 

[عيني عليه]

ماأنصحج بصرااحه ...

انا متزوجه مطلق وابو لبنتييين ...وخذته عشااني احبه ويحبني ...

بس كل مشااكلي معااه اسبااابها انه كانت له حيااه ساابقه ... اشيااء ماكانت في الحسبااان ...

تخيلي اقل شي يصير لبناااته نفسيته تنقلب فوق تحت وطبعا هالشي ينعكس علينا ...

بناته عند امهم وبالعطل والويك اندز يصيرون عند اهل ابوهم ويجوون عندي احيانا ... مع انه قبل لايتزوجني ماكانوا يجون عنده ...على طول في بيت اهله ... بس لمن تزوجني وفتح بيييت قايمه فييه مره صاار يجيبهم ... طلعاتي لازم هم معاي ... غرفة ولدي مترين في مترين هبابها له ... وهو بيحط لهم اسره ودواليب ... واذا جبت البيبي الثاني ويين بودييه ماادري ... ولا اقدر اتعامل معاهم حالهم حال اخوهم ... لااا ارتبط فيهم اذا جاوا عندي ... مايرضى اتركهم مع اخوهم عند امي واطلع مع خواتي والا ربعي ... لازم يكونوون معااي ... لان بيت اهلي ع قولته مو بيت اهلهم ومكان غريب عليهم وهذولي اطفااال ...لازم تعاملي معااهم بقمة اللطااافه مااقدر اتعامل معاهم تعامل طبيعي لاني قدام ابوهم وقدام الناس مرت ابووو ووضعي حساااس ...غير انهم اذا جاوا اخاف يصير بيبني وبين ابوهم اي شي لاني ادري انه منقووووول بكل مكااان ...اذا بساافر وبااخذ ولدي لازم بناخذهم لان حالهم حال اخوهم ...وطبعا على رااسج ...يعني وناااسه؟؟ انسي

حاليا هم مو عندي كثيير ... لان امهم ماتزوجت ... ماادري اذا تزوجت امهم يمكن راح اتحمل المسؤوليه كامله ... وبهالوضع اللي مو طبيعي ماادري شلون راح اعيش ...

غير انه زووجي جايني واهو متعود ع حياااه مو طبيعيه ... مو متعود يطلع مع زوجته لحاله لازم اهله ... مو متعود يساعدني بولده ... مو متعود ع قعدات رومنسيه ... تخيلي اول ماتزوجته حتى مو متعود احد يلزق فيييه اذا جا بيناااام ... متعود على انه المره تطلع بيت اهلها .. اقل شي يصير بيني وبينه رووحي بيت اهلج .. واول ماتزوجنا كاان يدق على ابوووي يجي شقتنا لمن نتهاوش...

ماانكر لج انه زووجي قااعد يحااول يغير بنفسه وااااااجد عشااني ... وتغيير في الاشيااء واااااجد.. بس من قلبببببببي ... تعبت معاه حييل وبعدي قاعده اتعب... بس بخصوص موضوع بناته للحييين اعاني منه وماادري شتطورااات المستقبل ...

يمكن انا في زووجي ميزااات مو في ازواااج ثانيه ... ويمكن مشااكل في واجد بيوووت مو موجوده عندي ... ويمكن زووجي معطيني اللي ازواج واجد ماتعطيها زوجاتها ... بس هم انا عندي مشاااكل مو موجووده في بيووت ثاانيه بحكم ضروووف زووجي وطلااقه ...

واللي يخليني اصبررر على كل هذا اني احبه ... انتي ماتحبينه بعددد ؟؟ واجد صعب ...

 

[G!RLooNa]

جم عمرج؟؟؟

اذا توج بأول ال٢٠ ما انصح يعني انا لو مكانج و بعمري الحين "عمري ٢١" ماراح اوافق ولا اهلي بوافقون اصلا

اول شي اهوا مطلق و عنده ولد و دايما يقولون لج اللي عنده عيال من طليقته ينخاف منه لان ممكن يفكر يرد زوجته لو مايحبها بس عشان العيال

ثانيا سبب الطلاق منه مو من المره و هذا يزيد احتمال ان ممكن يردها !!

و ثالثا شنو سبب الطلاق ان كان يخون مرته و لعبت براسه شدراج ان علاقتهم انتهت ١٠٠٪؟؟؟ يمكن تردله و ترد تفر راسه

و في شي بعد اهوا مافيه حنان الابوه ولده مو هامه قاطه عند امه و يشوفه نص ساعه باليوم

و هم حطي شغله ف بالج اذا وافقتي عليه و تزوجتوا و ياكم عيال لازم تعدلين بين عيالج و اخوهم مو تقولين مالي شغل فيه حرام ماله ذنب هالياهل مقطوط لا ام و لا ابو يسألون عنه تيتم و امه و ابوه عايشين حتى لو خذيتوه عندكم تكسبين فيه اجر و الله حرام شلون ابو يطاوعه قلبه عياله مطشرين عايشين عنده و البجر مقطوط عند اليده جنا ولد الخدامه

هذا طبعا على افتراض انج وافقتي

و الله يوفقج*

 

[momoqatar]

أختى
الموضوع أنا أشوفه يهمج أنتي أكثر شيء
يعني لو خذتي بنصايح أحد من اللي عندهم نفس التجربة ماراح تستفيدين بشيء
لأن الرياييل مو كلهم نفس الشيء وخاصة المطلقين
وأذا واحد مطلق ما صلح مو معناه كل المطلقين مايصلحون
بالعكس أختى في حريم وايد تزوجوا مطلقين وعندهم عيال وعايشين بسعاده اليوم وفي العكس
المهم اللي حابة أقوله وأنصحج فيه
أنج أنتي تحكمين عقلج وتحسبينها من كل الجهات بالورقة والقلم
تشوفين المميزات والعيوب
وبالعكس ببعض الأحيان زواج العقل أفضل من زواج العاطفه
لأن العاطفة تتولد مع العشرة
أنتي شوفي شنو تبين
حكمي عقلج وأحسبيها من كل صوب والأفضل أنج تستخيرين
وأنشاءالله ربي بيوفقج باللي تتمنينه
موفقه

 

[عاشقة هواك]

ماانصحج الرياييل يخوفون شكثر حنوا لزوجاتهم خصوصا اذا مافيها شي نفس مايقول

نصيحة اخت ابتدي حياتج مع ريال ماسبق له الزواج تعودينه على طريقتج وتيبون عيال مع بعض

اللي عنده عيال باجر تتأذين من عياله بيشاركونج فيه بكل شي واحنا حريم ومانستحمل

نصيحه اخوويه شيليه من بالج

انا وياها

:eh_s(17):

 

[~mmm~]

مو متزوجه ولا لي خبره بهالسوالف
بس دخلت لقافه ولما قريت حبيت اقولج هالشي
اهوا اشكره قالج انا طلقت مرتي عشان وحده مسيطره على تفكيري
يعني لو وافقتي عليه
وبعد زواجكم يشوفله وحده وتسيطر على تفكيره ويطلقج ماتسوى عليج !

 

[[ мαĻαķ 69 ]]

آآخ بس

تزوجت مطلق وعنده ولد وصبرت على اسلوبه مره زين وعشره شين

تدرين شنو صار بالنهايه ما قدرت اتحمل اكثر

ورفعت دعوة طلاق وبعد جم اسبوع بصير مطلقه ولو اني ما كملت اربع اشهور

آلحمدالله على كل حآل والله بيرزقج بوآحد احسن من هذا لا تستعيليين بليييييز :eh_s(17):

 

[شكلمه توب]

استخيري الله سبحانه والله ياختي اني مريت بنفس ظرفك مع اني شابه مطلقه وفرصي قليله في الزواج وتقدم لي واحد على قولتك فيه كل الصفات اللي ابيها ومطلق وعنده ولد وقلت بس هذا اللي بيعوضني واعوضه وابيه باي طريقه بس قلت لازم استخير ربي لمدة شهر وباخلاص والله العظيم كل يوم يمر من الاستخاره يطلع فيه عيب ثم عرفت انه مدخن ثم عرفت انه ماطلق زوجته اصلا وبدت تطلع عيوبه وتعرقل الموضوع وربي ابعده عني وهذا نتيجة الاستخاره ,الشاهد ان الله بالاستخاره ييسر لك الخير ويسهل الامور حتى لو موكنتي مقتنعه فيه بس بتشوفين الخير بعدين وكذلك يعسر الامور ويعرقل الزواج اذا هو شر لك حتى لو كنتي تبينه ومتعلقه فيه وعلى فكره حتى طلاقي استخرت ربي فيه سنه كامله ثم طلبت الطلاق رغم اني ماكنت ابي الطلاق ومع ذلك صار وربي عوضني باشياء كثيره بعد طلاقي واكتشفت عن طليقي شي يشيب الراس وحمدت الله ان ربي سلمني وعوضني وعقبال العوض بالزوج الصالح والله يكتبلك اللي فيه الخير

 

[*(بيبي فيس)*]

شوفي حبيبتي إذا بتاخذينه حطي ببالج أنه يرد مرته الأولى
وإذا موراضية لاتوافقين وإذا راضية ومتقبلة أخذيه وتوكلي علا الله
والله يستخير لج الخيرة​

 

[بطوووطة$بيضة]

رياييلنا واهم عزاب لوعة تبين تاخذين امطلق وحبيبتي راح اتربين ولده لا يقعد يقولج لا وماراح اتشوفينه كله جذب احنا خل انربي عيالنا بالاول علشان انربي عيال الناس لا تاخذينه نصيحة

 

[كادى الحب]

استخيرى حبيبتى

 

[درة أهل الطولات]

انا ما اشوف فيها مشكلة انه مطلق

لكن المشطلة بشخصيته اهو اللي باع ام ولده علشان نزوة


شنو تتوقعين منه

 

[:: Diva ::]

حبيبتي

الولد فيج فيج
و يمكن امه من حرتها تقطه عليج و انتي عروس
و احتمال بعد ان اذا هالسنه ما قعد وياج لما تتزوج بيكون معاج

و ذيج الساعه حرااااااااااام
تأذينه و لا تعذبينه و لا تفرقين بينه و بين ولدج

و هم صعب تساوين ولد الناس بضناج
اذا قدرتي انج تتقبلينه مثل وليدج هذا شي
لكن اذا مو قادره تتحملينه و لا تلتزمين فيه فلاااااااااا


و السبب الثاني الي يخرع
انه خاين و طلق مرته ظلم
يعني كلش ما يشجع


لا من طرفه انه يحب على زوجته
و لا من طرفج انج ما تبين ولده

اذا خيرها بغيرها
الله يرزقج غيره

 

[انصاريه قمره]

الله يخليج هذا بولد اللي طالع من ظهره ما فيه خير يعني بكون فيه خير فيج ؟؟؟

 

[cute_girl]

مشكورين بنات
اللي سالت عن عمري انا عمري 26
مادري انا محتاره لاني اشوفه صريح معاي وقاعد يقدملي شغلات وتنازلات وايد ماسواها مع مرته الاوليه والاهم من هذا احسه منجذب لي حيل ويبي يسوي اي شي علشااني
كل اللي قالو تجاربهم كانت سلبيه
اهوا من زمان قاعد يتصرف وجنه ضامن اني باوافق يبيني اختار صبغ شقته .. يشاورني بدراسته بدوامه جني مرته
مادري هو تغير ولا يحاول يقنعني فيه مادري والله
ادعولي

 

[-Bello-]

أنا ما اشوف انها فيها مشكله لو اخرتي مطلق بس مطلق عن مطلق يفرق هذا عيوبه واضحه جدامح انسان موقد المسؤوليه ومستهتر وخاين هديه وربح ستوضح باللي احسن منه