اللي ترضع وتاخذ حبوب المانع سيرازيت تساعدني

[أم عمر]

السلام عليكم


مرحبا خواتي :nbptr:

حبيت استفسر عن حبوب سيرازيت اهي زينه للمرضع لكن اذا انا اعتمد الرضاعه الصناعيه اكثر هل ممكن يصير حمل

وهم حبيت اعرف عادي استمر عليها حتى لوقطعت الرضاعه الطبيعية؟

بليز ساعدوني الله يجزاها خير اللي تفيدني او ترفع الموضوع

 

[حرم راشد الماجد]

شوفي حبيبتي اذا انتي الحين ترضعين طبيعي استعمليها بس حااااااااااااااافظي على وقتها ويوميا بدون توقف نهائي

اما اذا بتفطمين البيبي من صدرج فاستعملي نوع ثاني اقوى لانهم وااااااااااااايد خفاف

واذا انتي اساسا مو معتمده على الطبيعي وايد فاستعملي موانع طبيعيه افضل حتى مع حبوب السيرازيت لان انا حملت عليهم مع اني اعتمد عالرضاعه الطبيعيه

 

[نونو ام كشة]

اذا كنتي معتمده على الرضاعه الطبيعيه اخذيهم اما اذا تقطعين بالرضاعه اكيد راح تحملين لانهم خفاف حيل

 

[بـاسي قــوي]

رد : اللي ترضع وتاخذ حبوب المانع سيرازيت تساعدني

حبيبتي لا تتركين الرضاعه الطبيعيه و انا تركت حبوب سيرازيت خليت كل شي طبيعي لاني ماحب الحبووب تملللل

 

[wf.323]

رد : اللي ترضع وتاخذ حبوب المانع سيرازيت تساعدني

انا قعطتهم واعتمدت على انه الرضاعه مانع للحمل وحملت
سوي مناعه طبيعه

 

[فوفه 82]

رد : اللي ترضع وتاخذ حبوب المانع سيرازيت تساعدني

والله ياقلبي هالحبوب حيل يذمونهم بقسم منتدى تاخر الانجاب انهم وقفوا الانجاب عندهم 3 اربع سنين

 

[كريستال]

رد : اللي ترضع وتاخذ حبوب المانع سيرازيت تساعدني

انا استعملها ولااااااايعه جبدي منها

كله ينزل علي دم

ياليت في بديل لها ولا الظاهر انا ماعرف استعملها عدل ؟

مع اني مواظبه عليها واخذها في نفس الوقت

 

[أشبـاهـ المطـر]

انا استعملتها سنه وثلاث شهور
طول الفتره ماكانت تيني الدوره

بالعكس وايد زينه انا اول ماولدت اعتمد على صناعي
لاني كنت اداوم بس كنت على طووول اشفط صدري
بس ارد من الدوام اشفط على طووول ضروري تفرغين صدرج
واهتمي من الرضاعه الليليه

وبعدها صارت بنتي ترضعني رضاعه كامله بدون صناعي لانها كبرت وصارت تاكل
ولمن فطمت بنتي هديتها ويتني الدوره وحملت عقبها

دشي ملفي شخصي كاتبه جم موضوع عنها
والله يوفقج

 

[أم عمر]

رد : اللي ترضع وتاخذ حبوب المانع سيرازيت تساعدني

حرم راشد الماجد

نونو ام كشة

بـاسي قــوي

wf.323

فوفه 82

كريستال

أشبـاهـ المطـر



فدييييييييييييتكم حبيباتي مشكورين ع النصيحه
خلاص بغيرها لاني لاحظت ينزل علي قطرت دم من فتره لي فتره !

 

[tawq8]

لازم اللي تاخذ هل الحبوب ترضع اكثر من 8 رضعات باليوم
ولا تحمل لانهم وايد خفاف