اللي ترد علي بدعي لها طول عمري بكل صلاه وعدددد

[لمسة ايد]

السلام عليكم ورحمه الله وبركاته

اول شي بحاول اختصر قد ماقدر واتمنى تساعدوني .. انا اهلي زوجوني غصب عني واللي تزوجني طلع مغصوب يعني من الطرفين مغصوبين ع بعض وكارهين بعض لابعد درجه .. المشكله الحين انا ابي الطلاق وهو كذلك بس الاهل رافضين ..قالو استخيروا وكل واحد استخار ومو مرتاحين ونبي الطلاق خلص مافي مجال ولاحتى لغه تفاهم ..هو غير عقله وافكاره وانا غير .. هو مو عاجبه فكري وانا مو عاجبني تفكيره .. قعدت سنه معلقه وهو منحاش .. الحين رجع بعد سنه فتح سيره الطلاق مع ابوي .. قال ابوي اوكي اخر فرصه تقعدون مع بعض تكلمون تحاورون .. وقعدنا ونفس الكلام بس الكره زاد اكثر من الطرفين .. هو بدا يأسس حياه جديده اختار خطيبه له و شقه وكل شي جاهز بس يبي الطلاق ...المشكله هو يبيني انا اطلب الطلاق عشان مايزعل ابوي وابوه ويطلع قدام كل العالم انه هو المتحمل وابوي مهددني بنفس الوقت اذا طلبتي الطلاق راح ازوجك واحد عمره 70 سنه وعقيم ...وانا عمري 23 سنه ..ياناس شسوي ..علما بان الاخ مايبي يتنازل وفهمته موقفي ويقول لا ابوك بيزعل يوم يومين وعادي بس ابوي يتكلم من كل عقله .ويقول بعد اذا تبين الطلاق روحي محكمه وطلبي الخلع ترى بسرعه يخلعونج يعني يبي انا اللي اصير غلطانه واليوم يسوي لي حركات يقهرني فيها يقول انتي وهقتي نفسج بنفسج وانا بقلب الايه عليج وقام يقول اليوم بنروح السوق تشترين ملابس نوم ..تكفون بنات ابي حل مابي توصل لهدرجه يحرني ويقهرني عشان انا اللي اطيح اخر شي ...قلت في الاول يمكن ابوي يهدد ع الفاضي بس طلع صج والله صج الشايب يدق ع ابوي ها بنتك تطلقت ولا للحين كله يقول اسمع من الناس تطلقت ..فيني تعبت وربي بس هذي مشكلتي واتممممممممممممممنى حل باسرع وقت تعبت من هل حياه

 

[قطرية كشخة]

ابوج مو من حقه يزوجج غصب من حقج تقولين للملاج انج رافضة وما راح يملج الا بموافقتج هاي قانونا تعديتي سن 23 وممكن تقولين للقاضي عن رفضج الديرة فيها قانون

 

[ظبية بوظبي]

مب على كيفه
جابوا في هالدنيا مب معناته يستعبدونا
اركبي راسش وتحولي لوحش والله انهم يصغرون لا شافونا اقوياء .. يكشون
شي يفرس على كيفه يلعب في حياتش
وبعدين لو تطلقتي صار الحين ان انتي الي توافقين لانش ثيب... مدري روحي اقري عن هالامور

وزوجش جبان... بصراحه نعال
مسوي حاله بعد رجال هالجبان.... قوليله هالكلام
حلوه هذي يطلبش انتي تطلبين الطلاق لان حضرته الجبان خايف يواجهه ...وانت بنت وعندش اب ظالم ولا قال خلاص انا الي بجيبها على
الموضوع نرفزززني
لو انا مكانش والله لا يقول والله لا افـــجــــــر الدنيا

 

[ظبية بوظبي]

الا امش وينها !!!!!!!
اكره الجبناء
جيبيني انا الي باخذ حقش
احس اني ولعت ابكسر الاثاث

 

[الجــادي]

ابوج مايقدر يزوجج على كيفه انتي مب لعبه وبعدين ماعندج اخوان او عمام يتدخلون وريلج جباااااان لو فيه ذرة رجولة يطلق من نفسه ماينطر ابوه ولا ابوج يحطهم امام الامر الواقع خاصة انه خاطب ومستعد يكون حياه زوجيه جديده واللي اعرفه الملاج يسال العروس اذا موافقه والا لا وتقدرين تقولين لا

 

[لمسة ايد]

الحين كبرت السالفه ..قال لامي انتي ماتعرفين تربين هذي طلعت لنا نزغه بحياتنا كله عناد ..وامي زعلت وقالت انا مليت من هل حياه وتبي تروح اهلها ...والحين كل البيت حطو اللوم ع راسي .. انتي السبب ... كلمت امي مانفع ..اما ابوي مايحتاج اكلمه عشان ماطلع بمشكله ثانيه

 

[لمسة ايد]

انا ملجت من كنت بالثانويه لما كنت عاشر بس العرس صار السنه اللي طافت ..وابوي هو اللي وقع مكاني ولا شفت ملاج ولا غيره

 

[keka89]

ابوج مو من صجه ولا على كيفه حبيبتي من حقج ترفضين وتهاوشينهم بعد مالهم شغل بحياتج الشخصيه

وريلج الزفت هذا تخلصي منه باي طريقه خيولي بس خليه اهو يطلقج احسن عشان تاخذين الماخر مالج

 

[رشا الهواء]

لا حول ولاقوة الا بالله الزوج مغصوب ويبي الفراق والاهل متعصبين وما يبون فكرة الطلاق تدور عليهم

 

[ماكواسم2]

حبيبتي انبين انتي زهقتي الولد والظاهر ببالج احد والله اعلم ,,,,,,,,,,, على كل ابوج ادرى بمصلحتج والولد اكيد يبي يستقر مادامج ما تبينه واذا طلبتب الطلاق انتي الخسرانه اقل شئ ماراح اتحصلين ولا فلس وهذا اللي يبيه زوجج ..

اشوف انج تبدين صفحة جديدى معاه بنية تكوين اسرة صدقيني هذا انتي اللي محتاجته

 

[لمسة ايد]

حتى هو مايبيني مو بس انا ،،وبعدين ماهمتني الفلوس مستعده اعطيه الفلوس بس برتاح وانام مرتاحه واكل نفس خلق الله وبالي صافي مافي شي يحرق اعصابي

 

[لمسة ايد]

مشكورين كل اللي ردو وان شاءالله بدعي لكم في كل صلاه ،،،،يعطيكم العافيه ويبعد الهم عنكم يارب

 

[المزيــونه]

صلي صلاة استخاره

وادعي بقيام الليل

وتصدقي الصدقه تدفع البلاء

ووكلي امرج بيد رب العالمين اهو يدبر امورج والله يهدي اهلج لج يارب

 

[ريم الصحراء]

هلا حبيبتي
الله يفرج همك يااقلبي ان شالله
خيرة لك ربي يعووضك

 

[ماكواسم2]

ماراح يوقف معاج الا ابوج فامشي على اللي يقوله .............. هذي نصيحة واحطي في بالج اذا خسرتي ابوج خسرتي كل شئ وانتي عارفه هالشئ وحتى اذا في بالج أحد معين لا تاخذينه الا بشور أبوج ,,,,,,,,,,, لان واضح شخصيتج مندفعه وكل شئ تبينه بسرعه واذا في بالج فكره لازم تصير .

 

[قلب طفـــله]

في قلبج احد ؟ اذا لا الريال فيه شي فيه عيوب ؟

حاولي تحبينه واهو يمكن مايكرهج يبي يحفظ كرامته يمكن لأنج ماتبينه فيبي يبين لج انه هو بعد يكرهج ! فهمتي

قعدي معاه وسأليه اهو بباله وحده ولالا

اذا لا حاولي تتأقلمين معاه

وينج قبل العرس ليش ماتكلمتي غلطتج

اذا الريال مافيه عيوب ليش تتطلقين الحب يجي بعد الزواج صدقيني

 

[قيروان الزمان]

السلام عليكم ورحمة الله وبركاته
والله ماعرف شنو أقولج بس عسى الله يفرجها عليج يارب ويرزقج من حيث لا تحتسبين

 

[rose of kw]

اذا انسدت كل الطرق وحاسة انه مافي امل
خلي هو اللي يطلق ديري بالج انتي تطلبينه
هو شايل ايده مع انه هو الريال وحاطج بوجه المشاكل وقاعد يحرق دمج بدل ما يكون رجال وقد حاله ويقول لبوه وابوج انا اللي مابي ... هالرجاجيل اصحاب مصلحة بس مو الكل ... البعض
حسبي الله ونعم الوكيل :eh_s(14):

 

[لمسة ايد]

يا بنات مهما اقول ماعشتو الجو اللي عشته وان شاءالله ماتشوفونه بحياتكم ولا على غالي
انا يكفيني ليله وحده كرهت حياتي فيها مابي اتكلم حيل بس ع الله .. ان شاءالله اجي وابشركم بطلاقي
ويعطيكم الف عافيه كل اللي ردو

 

[قلب طفـــله]

يا بنات مهما اقول ماعشتو الجو اللي عشته وان شاءالله ماتشوفونه بحياتكم ولا على غالي
انا يكفيني ليله وحده كرهت حياتي فيها مابي اتكلم حيل بس ع الله .. ان شاءالله اجي وابشركم بطلاقي
ويعطيكم الف عافيه كل اللي ردو

الله ينولج اللي ببالج ويسهل عليج حبيبتي

عسى يرتاح قلبج يارب