اللي تدرس بمصر على حسابها او تعرف احد يدرس فيها.....دشي شوي ابيج

[مذهلة 78]

السلام عليكم

بنات انا انشالله ناويه اكمل بمصر ابي اخذ البكالريوس وابي

اكمل على حسابي بدون ما أخذ اجازه دراسيه طبعا رحت

التعليم العالي عطوني اسماء الجامعات المعترف فيها وراسلت

الجامعه وحصلت على موافقه مبدئيه وطلبوا مني اطلع شهاداتي

واصدقها

فبمعرف وين اصدقها هل بالسفاره المصريه ولا وزارة الخارجيه

 

[amami al-kuwai]

جنه بالتعليم العالي

جيكي منهم

 

[مذهلة 78]

لا حبيبتي مو التعليم العالي رحتلهم

 

[قرنبيطوو]

اختي تروحين السفاره المصريه في الروضه

وبعد تروحين وزاره الخارجيه التصديقات يم كونا

والله يوفقج

واذا تبين اي سؤال حاضر انا كنت ادرس بمصر والحمدالله تخرجت

 

[Om_Ksha]

انا بعد ابي اكمل ماستر بس احاتي شغلي

شللون راسلتيهم ؟ احس لويه ياربي :\

و شنو احسن جامعه حكوميه هناك ؟

 

[دارسين]

شنوتدرسون اذا انتسااااب مارح تنقبل شهادتكم هني

توني جايه من التعليم العالي وقالو مانقبل الانتسااااب

ولانعترف فيييييه

 

[مذهلة 78]

حبيبتي دارسين مو نظام انتساب اللي بدرسه نظام التعليم المستمر

 

[أم شيــ@وخة]

شلون نظام التعليم المستمر وانتي مو ماخذه اجازه دراسيه ؟
جذي يحولونج تحقيق بالشؤون القانونية ويخصمون من معاشج
وغير هذا وحده تصيرلي توها متخرجة من مصر وكانت ماخذه اجازه دراسيه وحالتهاحاله وقاعده ٤ سنين تدرس وحالتها حاله
اخر شي وزارتها ارفضت شهادتها

 

[قرنبيطوو]

بنات ماكو شي اسمه نظام انتساب لان لغوه في الكويت بس في شي تقدرين تسوينه تتفقين بينج وبين الدكاتره وتقدرين تروحين قبل الميدتيرم لي الفاينل تقدريبا شهرين كل كورس

واذا على الماستر وضعهم يختلف عن البكالريوس لان في نظام مواد وامتحانات وفي نظام رساله وبحث وحسب الجامعه وحسب الدكاتره والتخصص

الله يوفقكم

 

[مذهلة 78]

شلون نظام التعليم المستمر وانتي مو ماخذه اجازه دراسيه ؟
جذي يحولونج تحقيق بالشؤون القانونية ويخصمون من معاشج
وغير هذا وحده تصيرلي توها متخرجة من مصر وكانت ماخذه اجازه دراسيه وحالتهاحاله وقاعده ٤ سنين تدرس وحالتها حاله
اخر شي وزارتها ارفضت شهادتها

حبيبتي هالشي يصير تنسيق بيني وبين الجامعه والدكاتره يفتحون لي سكاشن مخصوصه ويزيد ضغط الدراسه عرفتي

اما بالنسبه للي تصير لج فأهي اكيد دارسه تخصص ما يتناسب مع وزارتها يعني مثلا تكون موظفه بالكهربا والماي وتدرس شريعه او حقوق عرفتي

لازم ادرس بتخصص يناسب وزارتي ويتعلق او قريب من وظيفتي الحاليه

 

[مذهلة 78]

وحبيبتي فعلا مافي انتساب الحين بس في جامعات معترف فيها بالتعليم العالي

عندهم نظام الانتساب

 

[LZORD]

السلام عليكم

حبيبتي مذهله .. يعني الحين اذا كانت الجامعه معترف فيها من التعليم العالي .؟ عادي ادرس فيها انتساب ؟؟

 

[مذهلة 78]

السلام عليكم

حبيبتي مذهله .. يعني الحين اذا كانت الجامعه معترف فيها من التعليم العالي .؟ عادي ادرس فيها انتساب ؟؟[/حبيبتي ايي تقدرين بس يكون تنسيق بينج وبين الجامعهquote

 

[zqertya]

تاخذين اسم الجامعات المعترف فيها من التعليم العالي وعقبها تروحين اتسجلين بمصر بتخصص وزارتج لازم واذا اقبلوج تروحين التعليم العالي وتقوليلهم انج راح اتبلشين دراسه بمصر عشان اذا اخذتي الشهادة لا يقولولج من اي لك هذا ؟؟ وبس عادي سهالات وطبعا تاخذين من التعليم العالي ورقه مكتوب فيها شنو طلبات الجامعات المصريه وشروطها

 

[قرنفله 99]

بنات عادي ادرس بمصر الحين يعني الوضع هناك مايخوف انا ودي اروح بس زوجي مو راضي لين تتعدل الاوضاع عندهم

 

[Angel_store]

اب اب اب

 

[zqertya]

لا مايخوف لاتروحين القاهرة روحي الاسكندريه احسن روحي المناطق اللي مافي حروووب هههههه شرايج بحروب ؟؟

 

[ياراا]

بنات بسالككم الله يعافيكم اذا بدرس علي حسابي صج كل كورس يبون شهاده من التامينات اني مو موظفه ؟؟؟؟!!!!!

 

[ياراا]

وعلي فكره ترا الحين وافقو علي نظام الانتساب بكل الجامعات المصريه انا اليوم مراجعتهم